'ولا عزاء للسيدات' التحدي الصعب لهاني شنودة - مقال كلاود
 إدعم  المنصة   
makalcloud
تسجيل الدخول

'ولا عزاء للسيدات' التحدي الصعب لهاني شنودة

العراب ه‍اني شنودة

  نشر في 12 يوليوز 2020  وآخر تعديل بتاريخ 12 يوليوز 2020 .

العبقري هاني شنودة لما إتسأل عن أول موسيقى تصويرية له قال إنها كانت موسيقي فيلم ولا عزاء للسيدات ودا كان ليه قصة غريبة شوية قال: " كنت لسه عامل اول شريط لفرقة المصريين فالست فاتن حمامة سمعت الشريط بتاعي وقالت للمخرج بركات ده اللي هيعمل موسيقي الفيلم".

كلمني المخرج بركات وقالي تونة عايزاك تعملها موسيقي فيلم 'ولا عزاء للسيدات' قاله تونة مين ؟! قاله الست فاتن حمامة قاله ماشي"

ركبت العربية ال ١٢٨ البيضاء بتاعتي ورحت للست فاتن حمامة وكانت ست حريفة اوي وكانت شديدة في كلامها قالتلي أنا عايزاك تعمل مزيكا الفيلم هات ورقة وقلم وأكتب ورايا وملتني ١٦ محظور مش هتقبل بإستخدامهم في موسيقى الفيلم  قالت : "انا عاملة الفيلم حزين مش عايزة تشيلو وكمان مش عايزة تيمات قصيرة انا عايزة تيمات طويلة ...." بيقول كتبت وراها الحاجات دي وقمت مشيت 

ركبت العربية وراجع وفي دماغي أول لما أروح البيت أضرب تليفون أقولهم أنا معتذر عن الفيلم ده مع انه اول فيلم ليا رجعت بيتي في منطقة الإسعاف الاسانسير كان بايظ وانا ساكن في الدور الرابع قولت اطلع السلم وانا طالع كده قولت ما اخد الحاجات المحظورة اللي قالتلي عليها فاتن حمامة دي وأعملها سلم واطلع للي هي عايزاه

وقد كان خلصت الموسيقي الست فاتن حمامة كلمتني ودار الحوار كالتالي : خلصت الموسيقي يا هاني قولتلها اه قالتلي انا هبعتلك كاتيا ثابت - مؤلفة الفيلم - البيت تسمعها وقامت قافلة انا مرضتش اسأل مين كاتيا ثابت دي افتكرتها جاتوه غالي ولا حاجة مكملتش شوية ولقيت واحدة بترن الجرس فتحت لقيت واحدة سألتها مين حضرتك؟! قالت: أنا كاتيا ثابت قولتلها اتفضلي تشربي ايه طلبت قهوة مظبوط دخلت اقول للناس اللي جوه اعملوا قهوة مظبوط وأنا جوه سمعتها بتعزف موسيقى شوبان رحت أشوفها قالتلي سمعني اللي انت عملته بعد ما سمعتها قالتلي هاتلي تليفونك واتصلت بفاتن حمامة قالتلها الولد ده عاملك حاجة فرنساوي شيك وجميلة اوي قالتها اديهوني وقالتلي هاني إنت تسجل الموسيقى دي بكرة

بعد ما قفلت كاتيا ثابت بتسألني انت عايز تقول حاجة في الموسيقى دي

قالها طبعا اي موسيقي من غير كلام لازم تكون بتقول حاجة قالتله عايز تقول ايه

قالها عايز احكي الحدوتة وبدأ يعزف وهو بيحكلها حكاية أنها تقدم رجل وترجع وتقدم رجل وترجع حكاية التردد والخوف بعد ما اتطلقت حبت راجل وبعد ما حبته خايفة تتجوزه ولكل واحد منهم تيمة مختلفة فاتن حمامة ليها تيمة وجميل راتب وعزت العلايلي ليه تيمة انا بحكي الشخصية والحدوتة كاتيا ثابت خدت بالها من كل ده وهو بيسمعها اول مرة بس حبت تتأكد عشان كده قالت لفاتن حمامة دا عاملك حاجة حلوة اوي

وطلعت "ولا عزاء للسيدات" بالشكل ده

محمد مصطفى



   نشر في 12 يوليوز 2020  وآخر تعديل بتاريخ 12 يوليوز 2020 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا