طبعاً - مقال كلاود
 إدعم  المنصة   
makalcloud
تسجيل الدخول

طبعاً

  نشر في 30 يوليوز 2018 .

اسف انها باللغه العاميه :)

طبعا .فى حاجه عمرى ما هسامح فيها المدرسه ولا المدرسين ولا التعليم ,انهم معلموناش ازاى منفكرش .اه ازاى منفكرش ,علطول واخدينا فى دوشه ودوخه وذاكر كذا وبكره اختبار ,بكره الصحيان بدرى الساعه 6:30 والنوم 12 ,معلموناش ازاى نفلتر ادمغتنا ,معلموناش ازاى نهدى اعصابنا ,14 سنه فى دراسه ضغوطات وامتحانات وصراعات تافهه على مين يجيب الدرجه النهائيه ,وصحيان بدرى فى شده البرد مع اننا لسه صغيرين ,وعلمونا سباقات تافهه فى حاجات اصلا بتزرنخ الدماغ مش بتزيد للدماغ ارتقاء وهى الحفظ وان مكانش الحفظ كتر المواد ومذاكرتها ونظريات وقوانين اللى اكتشفوها اصلا قعدوا سنين ومتخصصين فى المجال ده ,تروحوا واخدين الحاجات دى وتعلموهالنا ونحل عليها امتحانات بطريقه اصلا تخلى الواحد مش فاهم ايه لازمتها فى الحياه ,عمركوا ما ساعدتونا نعرف مهارتنا وايه الحاجات اللى بنحبها ,كل هدفكم تخلونا زى بعض "شايفين الواد ده عاوزينكم تكونواا زيه " وكأن اللى بتكلموهم دول معندهمش شخصيه ولا رأى ,ازاى احنا اصلا متخلنقاش كده ,نحفظ نفس المعلومات ,وكفايه كدب على نفسنا ونقول الحاجات دى مفيده وبتنور الدماغ .

حتى الصلاه معلمتوناش ,مش الصلاه هدوء وخشوع .حتى لما جيتوا تعملوا مسجد فى المدرسه عملتوه صغير .فى نفس الوقت اللى يتاخر عن السيشن اللى فى نفس وقت صلاه ,المدرس يقول اتاخرت ليه ,مش عارف ان عليك سيشن ,ويقعد يقول لا تصلى لما ترجع السكن وان احنا فى مدرسه بيحسسنى ان احنا بنعمل عمليه جراحيه لمريض عنده شلل اطفال !

يعنى بتقتلوا فينا ان احنا نروح نصلى فى معاد الصلاه من واحنا صغيرين ,مع ان المفروض ده ميحصلش عشان لما نكبر وفى عز انشغالتنا نسيب الشغل ونروح نصلى ,ده احنا حتى فى بلد مسلمه !

وهنا بقى يجيى سببين للكلام ده واحد واضح والتانى خفى .الواضح اللى هو ضعيف "احنا فى نظام مدرسه وعدد السيشنات معين واوقات معينه ممكن تصلى بعد ماترجع من المدرسه "

السبب الخفى ان احنا لو سبناهم يصلوا 1 – لازم نعمل مسجد كبير ومعندناش مساحه 2- المدرسه هتتطين بين الحمام والمسجد 3- العيال اللى مش كويسه لما تتاخر عن السيشنات هيتحججوا انهم كانوا بيصلوا 4- مش هنعرف نسيطر على العيال والوقت هيضيع للضعف

عاوز افكركوا بحاجه ان احنا لو فعلا صلينا مش هيكون فيه عيال كدابه عشان تحجج بالصلاه عشان اتاخرت وهنخاف فعلا على وقت الصلاه والسيشنات .

ولو اتحججتوا ان ده نظام مدرسه امريكى ومينفعش نعمل كده احب اقولكم يبئا اقفلوا المدرسه احسن لان المدرسه مش هتفيد بحاجه بالعكس هتفيد بالسلب لانكم لو بتقروا مش محصورين بس فى الكتب المدرسيه والحاجات التعليميه

كنتوا لقيتوا ان ابن سينا قال فيما معناه ان مفيش امه هتتقدم الا ومكانش عندها عصبيه للامه وشعبها

وان هنا معناه العصبيه للعادات والتقاليد والدين ,والدين هنا من فروضه الصلاه

يبئاا انتوا عاوزين ازاى شباب عندوا وطنيه وهيبنى البلد بجد وانتوا اصلا معلمتهوش الصلاه فى المدرسه اللى كان هدفها ان هيا تبنى جيل عاوزينه يبنى البلد باتقاان

هه !ولما ادخل على مدرس ووقالى صلى لما ترجع السكن او حتى ما احترمنيش عبالت ما اجى من الصلاه عشان يكمل شرح

يبئا انتوا بتبنوا جيل هش محروم من انه يعمل اللى دين فارضه عليه واحنا البلد معترفين بيه

العيب مش على رئيس الدوله ,لكن عليه بس بطريقه غير مباشره ,لكن العيب الاكبر على وزاره التعليم من الوزير لغايه اصغر مدرس فى اتفه ماده زى ما بتقولوا الرسم

النظام التعليمى ناقص حاجات كتير واللى اكبرهم تعلمونا ازاى نحترم بعض ومنخافش من اعتراض الاراء والنظم من دون خوف .

اسف على الاطاله..... ربما ان ممكن تكون بتعمل حاجه افضل



  • 4

   نشر في 30 يوليوز 2018 .

التعليقات

مريم مريم منذ 2 سنة
أتعلم؟! مقالتك هاته ذكرتني بكثير من الأشياء كنت قد عشتها أيام المدرسة خصوصا موضوع الصلاة حيث لم أكن أفهم مالمغزى من عدم قبول إعتذاري عن التأخر بسبب تأدية الصلاة و كنت أجده أسلوبا غير منطقيا يتناقض تماما مع الذي علمونا إياه في المرحلة الإبتدائية. فعلا لقد فتحت عقلي على أمور غاب عني التساؤل عنها حتى، حقا لم أكن أفهم أساليبهم الخفية التي تحدثت عنها في مقالتك المثيرة و الملفتة...أشكرك جزيل الشكر
1
Shref galaly
وطن غريب وعجيب !
مريم مريم
و الإنسان أشد غرابة منه
hiyam damra منذ 2 سنة
فعلا يا استاذ شريف المناهج وأساليب التدريس ليست بالمستوى المطلوب الذي يؤهل الطالب لأن يوسع مدارك عقله ويتعلم أخذ القرارات في حياتهز أسلوب حشو أدمغة لا غير.. لكن بصراحة لو احنا طالبنا الإصلاح بالتعليم خايفين يستغلوا الحكاية فيعملوا تهميش لدروس الدين ويلغوا آيات ودروس أساسية كما فعل غيرهم تحقيقاً لرغبات المستعمر... لكنك وضعت يدك على الجرح
2

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !


مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا