الحب الحلال - مقال كلاود
 إدعم  المنصة   
makalcloud
تسجيل الدخول

الحب الحلال

بخل المشاعر

  نشر في 30 أبريل 2016  وآخر تعديل بتاريخ 27 نونبر 2016 .

الحب الحلال  أرقى انواع الحب  فى  وسط الظروف السيئة اللى بنمر بيها   أيآ كانت هذه الظروف   وخصوصآ الظروف المادية اللى بتكون عائق كبير  عند أى شاب لسة في بداية حياته  . الحب  كلمة  بالفطرة كلنا بنعرفها  اتولدنا  بيها  وأول حب  مر علينا  هو حب  أهلنا  لينا  وأحنا لسة اطفال يعنى الحب دة  لاهو  عيب ولا هو حرام , وبالتالى  يبقى مفيش مشكلة اننا  نبوح بيه ونعبر عنه  للناس الل بنحبهم . الحب مش  شرط  إنه يكون حب  الولد للبنت  أو حب البنت للولد  ولكن الاساس  هو حب  الله سبحانه وتعالى وحب الوطن وحب الاهل  وحب العمل والعبادة  وحب الاصدقاء  وحب الاقارب وحب أى شخص بنتعامل معاه حتى ولو منعرفوش  . الرسول صلى الله عليه وسلم  كان دايمآ يقول عن الحب  إنه رزق  والدليل  هو   الجملة الل كان بيقولها  ( إنى رزقت حبها )  كان يقصد بيها زوجته , ومعنى  إن النبى صلى الله عليه وسلم  انه يبوح  بهذه الجملة  ويصف الحب بالرزق   هو    رقي  وجمال  الكلمة  وما تحمله  من معنى  فالحب  رقي وتعاطف  ومشاركة  ونجاح  لأى عمل  ايا  كان  . 

زمان  أنا كنت فاكرة انى لما  اقول  انى بحب فلان   ابقى كدة  انا بقول  حاجة عيب  وحرام   وميصحش تتقال  لآنى هتفهم غلط  , وبالتالى   كنت بسكت ومعبرش عن شعورى   تجاه  الناس الل اتعاملت  معاها  وليها افضال  عليا  مفروض  اشكرهم عليها   بداية  من  الطفل الصغير اللى بيبيع ليا المناديل فى الشارع  ولحد مدير مدرستى  مرورآ  بكل  شخصية اثرت فيا تأثير ايجابى او سلبى   سواء  كان زميل  او صديق او مدرس  او طالب او حتى بتاع الكانتين اللى فى المدرسة او الست العجوزة الل كانت عايزانى اعديها  الشارع   او  بتاع الفول اللى كان بيسرح بالعربية الكارو بتاعته الصبح   او  بتاع العيش الفينو الللى كان بيركب عجلته الصبح ويقابلنى وانا رايحة مدرستى  . كنت بتمنى  اروح لكل شخصية  من دول  واقولهم  انا بحبكم  انتو اثرتو فيا  كتير  وانا بستمد  منكم طاقتى الايجابية  وبسببكم وبسبب  تشجيعكم ليا   أنا هكون فى يوم من الايام  شخصية ناجحة ومؤثرة فى مجتمعى , بس للأسف خوفى من  كلمة الحب  مخلانيش  اتقدم خطوة واعترف بأفضال الناس دى  عليا  . ولكن بفضل الله  دلوقتى عرفت  ان أسمى العلاقات  وانجحهها   بشكل عام هى  العلاقات  القائمة على أساس الحب . 

وعشان كدة بتمنى دلوقتى  إن ايام  زمان ترجع تانى عشان أغير  تصرفاتى وقتها  واعبر فيها عن  كل شىء كنت مخبياه جوه قلبى , وفى نفس الوقت بتمنى  إن المجتمع  بكل فئاته يتقبل  الشىء دة  ويعبر عن مشاعره  الحقيقية  تجاه  بعضهم البعض . 

تخيل  معايا كدة  ,  إيه الل هيحصل  لو  ولد أعجب ببنت  وبدال  مايدخلها  من الطريق الغلط  سواء كان رقم  موبايل خاص بيها  أو كلمها  على الواتساب  أو الفيسبوك  أو تابعها  على الانستا  آيا كانت الطريقة , وفكر بكلام النبى وقتها  بإن الحب رزق  وغير الطريق الغلط  للطريق الصح  وراح  بنفسه  وقالها  أنا معجب بيكى  لشخصك   لذاتك  لالتزامك   ودى مشاعرى الل حاسس بيها تجاهك  . إيه رأيك  لو اتقدمتلك ودخلت البيت  بالحلال !!

بالنسبالى أنا  مش هيحصل حاجة   من انواع الندم  . بالعكس  هيبقى الولد عبر عن مشاعره  الحقيقية وفى نفس الوقت عرف نهاية  الطريق  سواء هيكمل على خير او  مش هيكمل, وفى نفس الوقت  بيكون ألتزم بكلام رسولنا الكريم  .  يعنى  من الآخر كدة مفيش  مشاكل خالص  . ومفيش تعقيد . والموضوع  مش مستاهل  اننا  نخبى مشاعرنا  او نمشى طريق غلط  . 

لو جينا نبص  على نفسنا  كبشر  هنلاقى  إن حياتنا  كلها  بتتوقف على الكلمات .

الكلمة لو كانت ايجابية  بتدينا احساس بالامل والتفاؤل والقدرة  على اجتياز  أى مهمة صعبة  لدرجة اننا ممكن نحول المستحيل  لواقع  . 

بعكس  الكلمة  لو كانت  سلبية   فهى كفيلة  بأنها تحول كل الامل لإحباط وطاقة سلبية  تؤدى للفشل .يعنى  معنى كدة  انى  لو جوايا  شعور بالحب  تجاه شخص  معين  أيا  كان  حبيب  او  صديق  او اخ  او  زميل   وقولتله  عن مشاعرى تجاهه  دة هيعتبر  تحفيز  ليه  انه ينجز  مهمة معينه او شغل معين ؟

فعلآ دة الل هيحصل الكلمة الحلوة الل بتدى امل دى فى ناس كتيرة بتستناها .

وعلشان كدة متبخلش بمشاعرك ,وعبر عنها بكل فخر ولو حبيت ادخل البيت من بابه .

ولو اترفضت مره حاول تانى وتالت متقولش كرامتى متسمحش ,

لأن الحب مفيهوش كرامه .

واللهم أرزقنا وأياكم الحب الحلال



  • 1

  • Aya sweid
    طالبة بكلية الهندسة قسم الميكانيكا جامعة الزقازيق
   نشر في 30 أبريل 2016  وآخر تعديل بتاريخ 27 نونبر 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا