لماذا لا تستطيع! تعلم اللغة الإنجليزية في 80 يوما!! - مقال كلاود
 إدعم  المنصة   
makalcloud
تسجيل الدخول

لماذا لا تستطيع! تعلم اللغة الإنجليزية في 80 يوما!!

خطة لتعلم اللغة الإنجليزية في 80 يوم =))

  نشر في 07 أبريل 2017 .

[ البوست طويل شوية بس لازم تقرأه كل عشان تمشي صح ]

لكل الناس الي ناوية تختبر توفل او ايلتس سواءً كان مستواها متوسط أو من الصفر المطلق 😀، انا النهاردة عملت خطة بإسم " هقدر "، إنك تقدر تخلص انجليزي من الصفر للإحتراف في 128 يوم!!، ولو انتا مستواك متوسط تقدر تبقا فوق المتقدم في 80 يوم!

المراجع جاهزة ، والخطة جاهزة ، والتصميم جاهز !! عاوزين عزيمتك وإرادتك وصبرك ،، وإنتا بإذن الله هتبقى متقدم جدااً في الانجليزي

🌟 ملاحظة : لو انتا اتزنقت زي وزي ناس كتير اعرفهم يستحسن تاخد الخطة الي من المتوسط للمتقدم ( لو مستواك متوسط او اقل من متوسط بشوية )

الخطة تشمل جميع أقسام اللغة طبعاً =D : قراءة، استماع، كتابة، محادثة.

قبل ما تبدأ تقرأ عاوزك تسمع الفيديو دا ( فيديو تحفيزي ) :-

https://www.youtube.com/watch?v=9pMW0lb42Fc

🌟 اللوازم الدراسية:-

دفتر 200 ( لكل الي هتدرسو وهتاخدو كحصيلة لغوية )

قلم أو عدة أقلام =D

دفتر الملاحظات ( مخصص للمفردات )

✔الخطة تعتمد على شوية حاجات وهما :-

أولا 💡💡💡 : موقع أنجلش لايف - English live وله عدة مزايا جوهرية ومنها :-

1- الموقع دا من أفضل المواقع الي شفتها فعالة جداً في التعلم من ناحية المحتوى والمتعة ومعتمد من جهات وشركات عالمية !!

2- 😀الموقع جميل جداااا بشكل غير طبيعي وبيعلم الانجليزي باللغة العربية وبيعرفك القواعد والمفردات مقاطع ومحادثات سماعية وقطع قرائية، والي يميزه عن بقية المواقع إن فيه قطع بتكتبها وترسلها لمعلم ويقيمك من 100 ويقلك ايه اخطائك !!! والأحسن والأحسن أنو في حصص محادثة فيها معلم/ة وناس من مختلف الجنسيات يناقشو موضوع معين في الحياة ( طعام ، متعة ، سفر ، قضية ) وانتا بتتكلم فيها =D وببتقا اونلاين، وفي خلال 48 ساعة بيقيم ادائك من حيث القواعد والسلاسة والبلاغة والمفردات من 100 ويقلك ايه اخطائك لو عندك!! 😁😁

( ملاحظة لكل شهر يوجد 20 حصة محادثة )

3- لكل مستوى تخلصه هيعملك اختبار ( قواعد ، استماع ، مفردات ) ويقيمك بالنسبة المئوية.

4- لكل مستوى تجتاز فيه الاختبار بنسبة فوق 70% بتاخد شهادة معترفة بشراكة من جامعة كامبردج ومن كلية هالت لإدارة الأعمال

5- الموقع فيه تحضير لاختبار التوفل والتويك، وفيه اختبارات محاكية للإختبار الحقيقي

6- الموقع فيه اختبار تحديد المستوى ، بيحدد مستواك ويخيرك يا انك تبدأ منه يا تغير في المستوى الي انتا عاوزه!

7- الموقع يشمل المستويات من A1 إلى C2 يعني 16 مستوى

( المستوى فيه 6 وحدات ، الوحدة فيها 4 دروس - يعني المستوى 24 درس )

الأول والتاني والتالت A1

الرابع والخامس والسادس A2

السابع والتامن والتاسع B1

العاشر والحادي عشر والثاني عشر B2

الثالث عشر والرابع عشر والخامس عشر C1

السادس عشر C2

🏼🌀الإشتراك في الموقع ب1$ في الشهر الأول =D عن طريق الفيزا او الباي بال ، والشهر التاني بـ69$ 🙅

😅 عارف انك مصدوم أو مصدومة 😂

الموقع بقا عمل حاجة جمييييييل بشكل لا يوصف وهيا :-

💥💥💥 إذا عملت دعوة لحد بإيميل معين وسجل بنفس ب1$ الإيميل الي انتا عملته دعوة بيه، وتقدر تدعو ناس لشهور لا محدودة!

بخطة " هتقدر " انتا مش هتحتاج اكتر من 3 شهور ! =D

يعني محتاج تدعو شخصين، والشخصين دول يسجلوا عشان تاخد شهرين زيادة ويبقا عندك تلات شهور

في حال ان مفيش حد من طرفك محتاج حساب او شهر زيادة !! ممكن تعمل حساب مزيف بإيميل من عندك وتسجل بنفس رقم الفيزا عادي ، وتدي الحساب لأي عضو من اعضاء الجروب في حال إذا مكنش عندو فيزا =D

💥💥💥ملاحظة هامة جداااااااااا : بمجرد انتهاء الشهر الأول الموقع بيسحب علطول ال69% من الفيزا وبيديك الشهر التاني، وعشان كدا لما تخش علموقع وتخلص دعوات للأصدقاء وتاخد الشهور الزايدة عن طريق الدعوة.. [[[ تلغي الدفع القادم الصف الي فوق اوي هتلاقي مكتوب ( المساعدة ) تضغط عليها هتلاقي علطول طلعلك عدة خيارات منها المساعدة الحية ، اضغط عليها - علطول هيحولك شات مع احد العملاء قلو انا عايز الغي الدفع القادم :) ..]]]

رابط الإشتراك : http://www.englishtown.com/online/lp/Onlinestudent_Geneng_LP3.aspx?lng=ar&ptn=memb

الهدف 💎 : تخلص 3 دروس يومياً.

_______

ثانيا 💡💡💡 : الخطة بتعتمد ثانيا بعد انجلش لايف على ( اهم 7000 الأكثر شيوعاً في الانجليزي ) دا بالنسبة للمستوى المتوسط اما المبتدىء هياخد أهم 1500!

الهدف 💎 : هتحفظ كل يوم 90 كلمة بمعناها ونطقها - مفيش حاجة صعبة ومستحيلة ، انتا ممكن تحفظ 500 كلمة يومياً !!!

☺😊☺ احب اقلك ان الكلمات دي تشمل 95% من الي مكتوب في الكتب ومن الي بيتقال في المحادثات كلها =D !!وبما أننا مقبلين على مرحلة جامعية احنا محتاجين اكبر عدد من المفردات نقدر ناخده😊 مش عشان تاخد توفل او ايلتس وتنساها!! لا عشان تزود حصيلتك اللغوية وتعرف تجيب A+ في الجامعة :) ومش هتواجه اي صعوبات بإذن الله :)

أما الخطة المبتدئة هتاخد اهم 1500 كلمة :) دا بالنسبة للمستواه صفر اوي ..

______

ثالثا 💡💡💡: الكتابة ❤👌

اهم حاجة لأن بكل بساطة إذا عرفت تكتب كويس، هتعرف تعبَر كويس، هتعرف تستخدم مصطلحات كويس وتركب جمل كويس، وهتعرف تتكلم كويس لأن الأفكار مترابطة مع بعض!! =D ، ولما تتكلم بيها هتعرف تلقطها إذا سمعتها!!!

الهدف 💎 : تكتب 3 قطع يومياً عن أي حااجة حتى لو كانت عن البتنجان 😂، ويستحسن جدددداااا أنك تستعمل الكلمات الي حفظتها من ال7000 كلمة 👆 في القطعة عشان تعرف إزاي تستعملها ، غير ان دا هيساعدك تحفظها ومتنسهاش!.

وبالنسبة للمبتدئين يكتبو قطعة واحدة باستعمال الكلمات الي من اهم 1500 =D

غير كدا موقع انجلش لايف بيمرنك على الكتابة.

______

رابعاً 💡💡💡: الاستماع

الهدف 💎: كل يوم تسمع مقطع وتتعود عليه وتحفظ المفردات الجديدة .

1-موقع BBC- الموقع بيقدم برنامج اسمو 6 دقايق بالانجليزي عبارة عن مقطع صوتي ونص مكتوب للصوت نفسو ! :) ، 😉 حاول تسمعه كام مرة عشان تتعود !

رابط المقاطع الصوتية القديمة لموقع bbc :-

http://www.bbc.co.uk/worldservice/learningenglish/general/sixminute/

رابط المقاطع الصوتية الجديدة لموقع bbc :-

http://www.bbc.co.uk/learningenglish/english/features/6-minute-english

_

3- وتاني حاجة في المقاطع الصوتية ( عندكو 15 مقطع صوتي هنا من موقع انجلش بود) 👆 بعد ما تخلص المقاطع الي فوق:

http://www.podbean.com/podcast-detail/fmdz6-106d/English+as+a+Second+Language+(ESL)+Podcast+-+Learn+English+Online

_

4- من موقع بتر انجلش ( مقاطع صوتية عن الاعمال ) للمستوى المتوسط وفوق المتوسط

http://www.betteratenglish.com/be-episode-archives

5- موقع CULIPS موقع فيه محادثين بين شخصين او اكتر مع الملفات الصوتية والنص الي بيتقال فيها

رابط موقع culips ;-

https://esl.culips.com/

______

خامساً💡💡💡: الأفلام

تشوف أي فيلم ويستحسن متكنش افلام تاريخ او خيال علمي 😃 عشان بيقبا مستواهم متقدم وبيستخدمو كلمات اعوذ بالله 😂 ، اسمع فيلم كرتون او فيلم كوميدي

وشوف اول خمس دقايق وعيدها وعيدها لغايت ما تتعود عليها

تحمل الفيلم بالترجمة الانجليزية والعربية

وتعرف الاتنين =D

الهدف 💎: تسمع 5 دقايق من اي فيلم ، تفهم العبارات والكلمات وطريقة النطق

_______

سادساً 💡💡💡 : القصص

وهنعتمد هنا على موقع : http://www.storynory.com/archives/

الموقع دا جميل جداً :)

بعض القصص فيها نص مسموع معاها وبعضها لا .. مش مهم النص السماعي لان احنا عندنا فقرة خاصة بالاستماع ، وهيكون التركيز على القراءة والإستيعاب

الهدف 💎: نقرأ مقدار صفحة يومياً من اي قصة ونكمل لغايت مانخلصها

نترجم الكلمات ونعرفها ويستحسن نعيد النص ونقرأ كتير :)

🌈🌈🌈🌈🌈🌈🌈🌈🌈🌈🌈

وكدا نكون أنتهينا من عناصر الخطة للمبتدئين =D :

الخطة للمبتدئين وعناصرها :-

1- اهم 1500 كلمة في الانجليزي كل يوم 32 كلمة لمدة 48 يوم

دا الرابط بتاعهم مع النطق :

http://www.englishspeak.com/english-words.cfm

2- 3 دروس من انجلش لايف من المستوى الأول

3- تكتب قطعة عن أي حاجة

🌟🌟🌟 ملاحظة للمبتدئين :-

إن كنت مبتدىء جداً ، لازم تخلص الخطة الأولى ، بعدين تخش على الخطة الأولى

🌈🌈🌈🌈🌈🌈🌈🌈🌈🌈🌈

رابط تحميل خطة المستوى المتوسط لفوق المتقدم B1 - C2:-

https://up.harajgulf.com/downloadf-149119243647721-pdf.html

رابط تحميل خطة المستوى المبتدىء للمتوسط A1-B1:-

https://up.harajgulf.com/downloadf-149119533415073-pdf.html

رابط تحميل أهم 7000 كلمة في اللغة الإنجليزية :-

https://up.harajgulf.com/downloadf-149119533405761-pdf.html

🌈🌈🌈🌈🌈

بعض النصائح للجادين في البدء في الخطة :-
 

رابط جروب الطلاب في الفيس بوك :-
https://www.facebook.com/groups/IwillLearnEnglishAgainstyourwill/

👌 استعن بالله ومتخليش حد يحبطك اي نعم الخطة مش سهلة، وبالعكس قد تكون صعبة ! بس انتا تقدر ولا يكلف الله نفساً إلا وسعها ! :) ألم التعلم قد يستمر لأيام وشهور ولكن عدم التعلم بمثابة ألم طيلة الحياة

👌 حاول متشغلش نفسك بأي خطط تانية او مراجع تانية

👌 حاول تراجع كل حاجة خدتها كل يوم قبل ماتنام

👌 متكسلش وحاول تخليك متفاؤل وواثق ومتضيعش وقت للتخطيط ادي كل حاجة جاهزة عندك اهي

فيديو عن كيفية مقاومة الكسل : https://www.youtube.com/watch?v=XFMpL6uYGJw&t=195s

👌 خد قسط كاف من الراحة ويستحسن لو تنام 11 وتصحى الفجر ❤ وتذاكر من الفجر لغايت ماتخلص

👌 اعمل انتا واصحابك منافسة عشان تشجعو بعض وحاول تتكلمو مع بعض بالانجليزي او تتكلمو عن الحاجات الي خدتوها

👌 ظبط وقتك عشان تعرف تظبط نفسك مع الخط

فيديو عن إدارة الوقت : https://www.youtube.com/watch?v=9l4wFli_8Q4

إذا كنت حابب تبدأ تركي ومستواك في التركي كويس خش علجروب دا

هيبدأو شغل جامد ومن الصفر =D

https://www.facebook.com/groups/225575761255891/?fref=ts

___

منشن صحابك عشان تعم الفايدة على الكل =D

___

أيها الشعب المصري العظيم ☺ أروهم كم أنتم عظماء! 😉

#اهرب



  • وضاح عبد السميع راضي
    طالب مقبل على المرحلة الجامعية، طموح وشغوف ومهووس بتخصص علم النفس وخصيصاً الإكلينيكي والفسيولوجي ... أراك في القمة
   نشر في 07 أبريل 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا