فن الخسارة... مرحلة المهلة - مقال كلاود
 إدعم  المنصة   
makalcloud
تسجيل الدخول

فن الخسارة... مرحلة المهلة

  نشر في 19 يناير 2019 .

" فن الخسارة … مرحلة المهلة "

اتعلمنا فنون كتير من صغرنا وليومنا هذا لسه بنتعلم، فنون حياتية واجتماعية: فن الطهي والأشغال اليدويه... فن الرسم🖌 والموسيقي🎵... فن الديكور والزخرفة فن ال💃 والغناء.

لكن إني أكبر وأكتشف إن الخسارة فن؟ لا جديدة دي 😄

بس هي فن فعلا ولازم نتعلمه.

حياتنا تشبه مركب ⛵ في البحر ، طول الرحلة بتمر بمراحل متغيرة أحيانا فيها استقرار 😌 وأحيانا انهيار 😖 وده بسبب الأمواج 🌊 أو الأحوال الجوية 💧⚡❄ أو اللي راكبين فيها وللأسف ممكن تضطر انها توقف في نص الطريق او تغير علي أسوأ الفروض من مسارها.

✔ علاقتك بالناس مركب⛵:

يوم ما تلاقي نفسك مضطر انك تغير مسارك أو تنزل حد من المركب أو انت شخصيا تنزل عشان تقدر تكمل طريقك تبقي بتنهي علاقة.

بمعني 🤔:

إن علاقتكم وصلت لحيطة سد وماينفعش تكمل، خاصة لو حسبتها بينك وبين نفسك ١٠٠ مرة وفي النهاية هي هي نفس النتيجة وبدون أي تدخلات.

في #وجهة_نظري المتواضعة اوعي 🚫 تتسرع ويكون القرار لك لوحدك، حق الطرف الآخر انه يشارك في اتخاذ القرار وحق نفسك عليك ماتحرمهاش منه خبط لزق وحق عقلك عليك يتأكد ١٠٠ مرة قبل ما يكون له جواب نهائي.

في المرحلة اللي بتوصل عندها وبتقول لنفسك مستحيل⛔ نقدر نكمل وإن بعدنا عن بعض مصير لا مفر منه، خلليك جنبه لأن كل تفصيلة منه صغيرة أو كبيرة هتساعدك جدا وهتقنع عقلك.

" مرحلة المهلة "

شعورك بأنكم لازم تبعدوا اتبني بمرور الوقت والسنوات الطويلة مش وليد اللحظة ولا نتيجة نزوة، دي تراكمات سنين وطاقة أهدرتها في غير محلها😕 وصبر يفوق قدرتك استنفذته 😞، أعطي لنفسك مهلة وخلليه واحدة واحدة يفضل يكمل عليك وعلي اللي باقي له جواك...

هيساعدني إذاي 🤔؟

⬅️ واحدة واحدة هيرجع يخذلك،

⬅️ هيتعبك ويوجعك،

⬅️ هيبعد ويعند،

⬅️ هيبين أسوأ ما عنده،

⬅️ بالتدريج هيقل من نظرك،

هيقل من نظرك وفجأة هتلاقي إنك خلاص مش شايفه 🙈…. طبعا معجزة انت نفسك ماكنتش تتوقعها 😯.

في " مرحلة المهلة " هيخلص بإيده علي بقايا حب 💖 وغلاوة وعشرة وتعلق وتمسك كانوا متبعثرين جواك في ركن ضلمة جوا قلبك❤ انت حتي مش عاوز عقلك يوصل لهم.

ليه بتغيب عقلك🤔؟

⬅️ لأنه صعب أوي تفارق انسان روحك فيه وبتتنفس عشانه…

⬅️ لأنك كنت بتوظف كل الظروف عشان تكون لصالح علاقتكم...

⬅️ لأنك بتفكر إن بعده عنك يعني الحياة مستكثره الفرحة عليك…

⬅️ لأنك أضعف من مواجهة حرب بين قلب محتاج وعقل مش مستوعب ولا متقبل…

⬅️ لان الوجع هينهش فيك ٢٤ ساعة يوميا…

⬅️ لأنك مش هترحم نفسك من ١٠٠٠ سؤال كلهم " ماسامحتش ليه؟"...

كلها أحاسيس مهلكة بس في دايرة " مرحلة المهلة " اللي الخروج 🔚 منها أسهل من قرار الدخول🔙 فيها بس انت قرر أول ما تحس انك أستكفيت معطيات تقنع بها عقلك وتفرمل قلبك!

اتعلم تخسر بفن 😇 وتعطي المهلة المناسبة ذي اعطيت الحب وقته اعطي كمان الوجع وقته، فلما تخسر مش هتكون موجوع 😔 ولا بتبكي 😭 ولا في دموع لان عقلك قرر واقتنع ان راحتك مش مع الشخص ده والبعد عنه مش وجع ده راحة.

✔ لو اتعلمت تخسر بفن 😇 هتبعد وانت مش ندمان 😧 علي عشرة وحب مايتعوضش عشان كل شيئ بيتعوض إلا عمر نقضيه في عذاب.

✔ انت هتمشي وانت أقوي منك وانت جوا دايرة العلاقة عمرك ماهتبص وراك وتندم علي الباب 🚪اللي قفلته:

وتستوعب ان اللي كان واجعك مش الباب 🚪 اللي أنت قفلته، اللي واجعك هي الشبابيك اللي أنت كنت مواربها عشان ماتقطعش الحبال اللي هي أصلا دايبة.

✔ انت هتلاقي نفسك من جديد بعد ما اتعلمت ان الناس في حياتنا بتلعب دور في اختيار وترتيب أماكنها في حياتنا وبكامل إرادتها.

الناس بأخلاقها وتصرفاتها وتمسكها بك بتختار تكون أو لا تكون في دايرة حياتك.

✔ خللي قرار خسارة بعض الناس أفضل عقاب تعاقب به شخص ماقدرش قيمة وجودك في حياته… شخص ماكانش جدير بالثقة... شخص اقل وصف له إن #تجنبه_حق_شرعي

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 19 يناير 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا