الاعتقاد الخاطىء في ان مثلث برمودا مسكون ؟ - مقال كلاود
 إدعم  المنصة   
makalcloud
تسجيل الدخول

الاعتقاد الخاطىء في ان مثلث برمودا مسكون ؟

مثلث برمودا

  نشر في 28 يناير 2016  وآخر تعديل بتاريخ 27 شتنبر 2016 .


بوست مش طويل ، بس عيب اما نبقي في 2016 ولسه مقتنعين ان المنطقه دي مسكونه بالجن و الشياطين او الكائنات الفضائيه 

مبدئيا هو اتسمي بالاسم ده لان رأس المثلث بتشير لجزيره اسمها برمودا اللي ف الصوره دي تمام ، اكيد سمعنا كتير عن السفن و الطائرات اللي اختفت في المكان ده بدون اي سبب و مسبتش اي اثر ! confused_rev رمز تعبيري 

بس ايه اللي خلي الاسم ده ينتشر في العالم كله و يعمل الضجه الجامده اوي ده ؟ ... السبب هو قصه ( الرحله 19 ) 

باختصار شديد القصه حصلت يوم 5 ديسمبر 1945 ان في خمس طائرات امريكيه طلعوا في رحله تدريبية روتينيه و بعد فتره معينه اختفوا ! و اتقطعت كل الاتصالات بيهم و بعدين بعتوا طائره انقاذ اسمها (مارتن مارينر) تدوَر عليهم و بعد 27 دقيقه اختفت هي كمان و حصلت اخواتها ! 

غير بقي كمية البلاغات الكتير عن اختفاء الطائرات و السفن في المنطقه دي اللي بتقدر بـ حوالي 300 طائرة و4 مدمرات حربية وأكثر من 18 سفينة لخفر السواحل الامريكي وأعداد لا حصر لها من القوارب الآلية ..

من وسط كمية الهبل اللي قرأته عنه حاولت استخلص تفسيرات ترقي اني اكتبها في بوست تكون منطقيه الي حد ما

1- في ابحاث بقي رفضت الخرافات دي نهائيا و قالوا كلام منطقي بصراحه 

قالوا في خطوط ملاحه جوية كتير جدااا بتمر بالمنطقه دي يعني طائرات كتيــر جداا بتعدي بالمنطقه دي كل يووم و مش بيحصلها حاجه 

و الموقع ده ممكن تتابعوا عليه حركه الطائرات في الوقت الحالي في جميع انحاء العالم اون لاين >> https://goo.gl/P2T13t 

انا فتحت الموقع و جبت المنطقه دي و لاقيت الطائرات فيها اد كده فعلا !

و ان اختفاء الطائرات في المنطقه دي زيها زي غيرها من المناطق بسبب اعطال في البوصلات او عدم حساب دقيق لاتجاه التيارات و تغيرات الطقس اللي ممكن تغير مسار الطائرات لاميــال و ده اللي حصل في الرحله 19.

و ان اما بصوا علي (قائمه اخطر الخطوط الملاحيه الجويه العالميه) عشان يشوفو ترتيب منطقه مثلث برمودا علي القائمه .. ملقوش المنقطه اصلا علي القائمه و ده معناه انها مش بتشكل اي خطر علي شركات الطيران 

2- في علماء جيولوجيا قالوا لا في حالات غرق كتير بتحصل فعلا لان اسفل قاع المحيط في المنطقه دي فيه معادن بتعمل حقل كهرومغناطيسي هائل بياثر علي اجهزه الملاحه و بيجذب السفن و الطائرات ليه لحد قاع المحيط و طبعا مفيش ولا بني ادم وصل لقاع المحيط

3- في ناس قالت ان في قراصنه هما اللي بيخطفوا السفن دي تحت ستار خرافه مثلث برموده مستغلين جهل الناس . و ده احتمال وارد بردو

4- في بقي رأي بيقول ان في ثقب في البحر في المنطقه دي بيبتلع اي حاجه تقرب منه زي الثقب الاسود في الفضاء كده .. 

و استدلوا علي رأيهم بالفيديو العجيب ده !!>> https://goo.gl/DPYFTa 

لحد دلوقتي مش قادر اصدق الفيديو ده بس حاسه حقيقي !!

5- نظرية (غاز الميثان) ده اكتر تفسير كان مقنع بالنسبه لي ببساطه علماء في جامعه كارديف قالوا بالنص 

"يوجد تجمعات كبيرة من غاز الميثان المحاصر في قاع المحيط، بسبب موت وتحلل الكائنات البحرية، و الرواسب دي تحتوي على البكتيريا التي تُنتج غاز الميثان ، وينحصر الغاز في القاع تحت طبقة الجليد، فيتراكم ليشكّل طبقة مركزة من جليد الميثان، تدعى هيدرات غاز الميثان، و أن في غضون ثوانٍ ممكن يتمزق جيب او ثقب من تلك الطبقه من قاع البحر، هيؤدي إلى صعود الغاز وثورانه على سطح الماء فجأة ، وفي حالة تزامن الانفجار ده مع وجود سفينة منحوسه في منطقة الانفجار ، هتنخفض كثافة الماء جداا وبالتالي السفينه هتغرق ، وبقايا الحطام هيتسحب بسرعة ويستقر في قاع البحر، كما أن الطائرات المنحوسه التي تحلق في سماء المنطقة قد تشتعل خلال هذا الانفجار .

و عملوا تجربه في الفيديو ده لغاز الميثان عشان يثبتوا كلامهم و فعلااا كان سبب في غرق قارب قصاد عينيهم !! 

>> https://goo.gl/8P45Zl من اول الدقيقه 26

* الفيديو كمان فـ اوله قصه الرحله 19 بالتفصيل 

المصادر : ناشونال جيوغرافيك - نقطه - أراجيكـ - ويكيبيديا 

‫#‏وما_خُفي_كان_أعظم‬





  • Mohamed Gad
    كاتب روائي و مقالات مُتطلع دائما للافضل و مُهتم ببعض الادب ، علم النفس ، المناهج العلمية ، مُحب لزرع الطاقة الايجابيه بالناس ، كلا من القلم او الورق ورائحتهم تجذباني ولا يسعني الابتعاد عنهم ! ، احب فِهم كل ما يدور حولي .. ا ...
   نشر في 28 يناير 2016  وآخر تعديل بتاريخ 27 شتنبر 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا