القضية 52 جنايات! - مقال كلاود
 إدعم  المنصة   
makalcloud
تسجيل الدخول

القضية 52 جنايات!

  نشر في 08 نونبر 2016 .

هو: حأطلب كابتشينو.. تبغي تطلبي شي؟

هي: لا.

هو: على راحتك.

هي: ولا أقولك...

هو: غيرتي رأيك.. أطلب لك معايا؟

هي: ماني عارفه.

هو: منتي عارفه إذا تبغي شي ولا لأ؟!

هي: لأ.

هو: إنتي نفسك في كابتشينو؟

هي: يعني.

هو: إيش يعني (يعني؟).

هي: يعني ماني متأكده! إذا أبغى كابتشينو ولا شي ثاني؟

هو: الواحد لما يكون يبغى شي يعرفه.

هي: ماهو يمكن أبغى كابتشينو بعدين؟

هو: يصير أطلب لك معايا.

هي: طيب وإذا ماكنت أبغى؟

هو: لا تشربيه.

هي: بس كدا تبذير.

هو: خلاص أطلب لك بعدين.

هي: وإذا ما ليا نفس بعدين؟

هو: هادي ما يبغالها نفس… الواحد يقدر يشرب إللي يبغاه في أي وقت.

هي: أنا ما أشرب أي شي إلا ما يكون ليا نفس.

هو: طيب تحبي أطلب لك شي غير الكابتشينو؟

هي: بس أنا ما أبغى شي تاني.

هو: يعني تبغي كابشينو؟

هي: لأ.

هو: يعني ما تبغي أي شي؟

هي: إلا.

هو: جننتي أهلي!

هي: أطلب إنت لحالك.

هو: ماشي.

هي: بس أطلب كابتشينو بالكاراميل.

هو: بس أنا ما أحب الكاراميل!

هي: وأنا أحب الكاراميل.

هو: هو أنا حأطلب ليا ولا ليكي؟

هي: لك طبعا.

هو: ليش عاد بالكاراميل؟

هي: يمكن أجربه.

هو: إيش يعني؟

هي: لا ياشيخ… تحسب راح أشرب شي ما يعجبني؟!

هو: ليش… هو إنت تبغي تشربي شي أصلاً؟

هي: يمكن… ليش لأ؟

هو: يا مثبت العقل والدين… دحين أنا لازم أطلب كابتشينو على مزاجك عشان إنتي تشربيه، وإنتي ما تبغي شي؟

هي: يالضبط.

هو: وأنا إيش المفروض أشرب؟

هي: أشرب إللي تبغاه.

"قرر القاضي الإفراج عن الزوج القاتل كونه في حالة دفاع مشروع عن النفس!"


  • 1

   نشر في 08 نونبر 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا