العصفورة والسجان - مقال كلاود
 إدعم  المنصة   
makalcloud
تسجيل الدخول

العصفورة والسجان

فلترة العلاقات

  نشر في 25 يناير 2019 .


من أسوأ الآفات البشرية هي معاملة الشخص الصح ✔ بطريقة غلط❌.

اتجنب الحكم علي نفسك وتقييم امكانياتك بالرجوع لرأي ناس كل اللي يميزهم انهم قريبين منك أو بتحبهم🤗، علي الأرجح الشخص الأصح والأنسب لحياتك ولدماغك ونفسيتك ويستاهل تسأله عن رأيه فيك وفي مسائل مصيرية بالنسبة لك هو الشخص اللي علاقتك به حيادية... البعيد اللي مش لاقي مكان جنبك بسبب زحمة مزيفة واختيارات غلط... واللي مافيش بينك وبينه مصلحة أو مجاملات.

لو عاوز تصنف إمكانياتك بلاش ⛔ تعتمد علي راي شخص قريب وأبعد شويتين عشان دايما بين العلاقات القريبة هتفضل في مجاملات... إنكار … تجميل… ناهيك عن: مش هكسر خاطره... ماحبش أصدمه. .. بلاش أصارحه ليزعل...

يمكن ده الجانب الإيجابي رغم إنه غير مفيد برضو بوصفه إنه إيجابي، لكن الجانب السلبي بيكون بسبب غباء شخص من جوا الدايرة الصغيرة اللي حواليك واللي بيكون للأسف حبيب أو قريب واللي بغبائه وكذبه المتعمد مش هييجي إلا علي اللي بيحبه… اللي بيتمني له الرضا... بيحافظ عليه... شاريه... أو باختصار علي اللي منه وأقرب له من نفسه، بنية مريضة هيضرك.

عشان كده اختار اللي يكون معاك وقريب منك بس اختار علي مهلك، وحب 😊 بس ياريت تحب اللي يستاهلك!

انا ليه بقول الكلام ده🤔؟

لان سجان العصفورة 🐦كان بيقنعها كل يوم وبشكل مكثف إن مصلحتها تفضل مسجونة جوا القفص وانه أكتر شخص أمين عليها😏... بيخاف علي حياتها😏... فاهم إمكانياتها😏... وبيوظف كل المعطيات لصالحها 😏، وطبعا العكس هو الصحيح🤨🤨🤨.

🤔 متخيل انك تقنع طير🐦 انه جناحاته هتخونه وهيقع؟ 🤔 متخيل تقنعه إن الشئ البديهي الوحيد في قدراته (الطيران) ما هو إلا وهم؟

🤔 متخيل السجان أد إيه سيئ؟لا أد إيه سيئ اوي!

ازداد سوءه لما كان بدأ يترك باب القفص موارب بس كان قبلها بيفهمها إن خروجها منه يعني نهايتها ولأنها مصدقه كلام السجان جدا وخايفة جدا جدا، مش إنها تحاول تطير فتقع لا خايفة تطير فعلا بس من حياته… فكانت النتيجة إنها مش كانت بتحاول تخرج آه هو كمان فهمها إنها لو حاولت تبقي مجنونة 🤪 وإن الخروج من القفص مالوش معني تاني غير إنها مجنونة🤪

هنا هي لا تقدر تفضل سجينة 😔 ولا تقدر تغير من عقلية السجان😞، فكان الحل🙂 إنها تبعد وترتاح وتعمل هدنة من صراع نفسي هيخنقها، فتقدر تنهي الحرب اللي تعبتها وتسكت الصوتين اللي بيتعاركوا جواها: صوت عقلها اللي مش مصدق الكذبة وصوت قلبها اللي خايف يبعد...

Manchmal sollte man weder mit, noch gegen den Strom schwimmen, sondern einfach aus dem Fluss steigen, sich ans Ufer setzen und eine Pause machen.

كان القرار صعب لا مستحيل بس مافيش مفر منه، السجان قرر إنها تقضي حياتها أدام عنيه ومعاه بس جوا القفص، فكرت إنها يمكن لو خرجت تضيع وتهلك ذي ما اقنعها؛

بس الحقيقة إنها لما خرجت من الباب المتوارب حتي وهي مرعوبة 😟 ليكون كلامه حقيقي كانت مصدقة بنسبة بسيطة إنه ممكن يكون كداب.

الباب اللي خرجت منه مارجعتلوش وبقت حرة وشافت حقايق كتير غايبة:

⬅️ اكتشفت إنها مش مجنونة🤪 لما قررت تخرج من القفص،

⬅️ إنها قادرة مش بس علي الخروج دي كمان تقدر تعيش بحرية،

⬅️ إنها تقدر تطير🐦 على ارتفاع ماكانتش مصدقاه،

⬅️ اكتشفت انها بالقوة الكافية 💪 لاتخاذ قرار مصيري دي قوية لدرجة انها استغنت عن أكتر حد اتمسكت عمر به،

⬅️ الأهم بقي إنها اكتشفت نفسها القديمة ورجعتها تاني، اللي كانت جوا القفص دي كانت حد تاني مجرد Hand made.

أحكام الناس عليك مش مطلقة وكتير منها ظالم احكم علي نفسك بالتجربة واوعي⛔ تبيع دماغك لكلام حد لمجرد انك واثق في رأيه أو بتحبه😍 أو قريب منك، انت ممكن تكون ضحية لمجرد إنك جنب الشخص الغلط❌.

#وجهة_نظري كل فترة فند دولاب علاقاتك وماتزعلش لو خسرت ناس لأن أحيانا بتكون خسارتهم مكاسب جديدة وحقيقية أولها نفسك وعمرك اللي مش هتعيشه غير مرة 👆 مالهاش replay بلاش تفضل منتظر شخص يتغير أو تتغير مشاعره أو تتغير شخصيته الانتظار من عمرك انت👉.

لما تتخلص من شخصيات معقدة ومريضة أو ماتستاهلش تكون قريبة منك لازم تتأكد انك هتكسب شخصيات تانية أفضل وأنضف كتير هتعدل كفة الميزان من تاني وتمسح تراب طفي روحك وتنور ضلمة جواك، ده هيحصل 👌 لأن ربنا عادل ويحصل👌 لما تتخلص من زحمة حواليك وتفضي مكان للشخص الصح.

لو عاوز بصدق تحتفظ بشخص في حياتك وتعطيه صفة "قريب " أو "حبيب" اوعي ⛔ تتردد ولو ثانية في إنك تشوفه علي حقيقته. سيب المواقف تكشفه ومهم اوي إنك تصدق المواقف دي.

" العصفورة والسجان "

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 25 يناير 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا