ابن البلد .. - مقال كلاود
 إدعم  المنصة   
makalcloud
تسجيل الدخول

ابن البلد ..

وجع ..

  نشر في 09 ماي 2015 .

عندما انزلقت على قدمي في سباقي لأركب الباص ،،

غببت الوجع بجسدي وتابعت مسيري لأجلس وأسند ظهري على شجرة بالقرب من منطقة شبه مكتظة لأنها في وسط دمشق ،،

نعم جلست أسب العيشة بهالبلد والعذاب يلي عم بصير وهي فقط كرمال تركب مواصلات واذا بدك توقف شخص محترم وتستنا شي ميكرو فاضي بدك بحدود " ٣ "ساعات وقفة ... بدون مبالغة ...

عندما جلست سمعت صوتا قال لي : شوفي معك بالشنتاية ؟

استغربت من صوته دافئا" به بحتا" لم أستطع أن أميز عمره

وكرامتي لم تسمح لح بأن أستدير وأنظر اليه فقد كانت قدمي تؤلمني ....

قلت له : معي غراض كتير ،، شو طلبك ...؟

قلي : معك شي يتاكل ؟

قلتلو : معي بسكوت ومسكة ...

قلي : باين عليك بنت عيلة ...

قلتلو : كل الناس خير وبركة ...

قلي : لأ مو كل الناس ، في ناس كتير بشعة من جوا ...

لم أستطع أن أصبر فأشبعت فضولي واستدرت له ..

فإذا به بصبي صغير لايتجاوز ١٢ من عمره ...

يداه مدبحتان من آثار الجفاف الا أن شعره كان مهفهفا" يلمع كثيف وأملس ...

عيناه لاتروي عمره ، بدأ قلبي يدق لست أدري لماذا ؟

أحسست بألم دون أن أعلم لما ..

قلتلو من وين انت ؟ وأي صف ؟ ووين اهلك ؟

انهمرت عليه بأسئلة ...

قلي بدي أعرف وين روح بس ،، قلتلو بساعدك اذا بدك ...

قلي بتعرفي صرلي يومين بدون أكل بنام وبفيق وأنا بنفس المكان ماحدا بيسأل شو بدي ،، بشان هيك مو كل الناس خير وبركة ...

قلتلو طيب لاقيلك شي شغلة تشتغلها ...

نظر لي بسخف وقال لي : شو وين عايشة انت !!!!

بعد أن أكلنا سويا" ..

قلت له وين بدك تروح قلي عحلب ،، قلتلو مالك حلبي ،،

قلي ومالي شامي طلعت غريب أنا بوطني ...

أسمى ....



  • AsMa
    أنا مساهمة في النهضة الإنسانية
   نشر في 09 ماي 2015 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا