الأنانية المفرطة للبنات - مقال كلاود
 إدعم  المنصة   
makalcloud
تسجيل الدخول

الأنانية المفرطة للبنات

هل البنات فعلا عندهم أنانية مفرطة ؟

  نشر في 02 شتنبر 2017  وآخر تعديل بتاريخ 02 شتنبر 2017 .

بداية : الموضوع مش اني مبعرفش أكتب باللغة العربية الفصحى أو فاشل في النحو ، كل الموضوع ان العامية بتوصل للقلب أسرع ، و الموضوع اللي عايز أتكلم فيه هيكون رخم لو باللغة العربية الفصحى.

البنات و علاقتهم بالرجال عموما سواء كان الراجل والدها أو أخوها أو ابنها أو زوجها أو خطيبها أو صديق مقرب و بتحبه أو مجرد صديق عادي و بترتاحله ماهي إلا جرعة زائدة من الأنانية المفرطة .

أولا : 

الفترة الأخيرة من حياتي و أقدر أقول انها مش فترة قليلة بل بالعكس توصل لمدة خمس سنين أو أكتر اتعاملت مع عدد مش قليل من البنات و من ضمنهم اخواتي البنات لأني مكنتش قريب منهم جدا و الفترة الأخيرة قربت منهم أكتر و ياريت ماحصل ، و كانت بنت واحدة من البنات اللي كنت بحبها و عايز فعلا أرتبط بيها ، و الباقي كانوا مجرد أصدقاء لكن مقربين .

ثانيا : 

و طبعا لازم أنقل لموضوع الصداقة بين البنت و الراجل في الجزء ده و أقول انها موضوع فاشل و لازم يتمنع بأي وسيلة كانت لأن دايما بيقلب بنكد و غم لامفر منه لأن لو الراجل أصبح مجرد صديق للبنت من غير أي اتفاق على الخصوصية أو انها متتعاملش مع رجالة غيره دايما تفكير الراجل هيروح لأماكن بعيدة و هيبدأ يفكر أفكار مش كويسة عنها ، و خصوصا لو اتأخرت في الرد عليه في رسالة أو في مكالمة هيفكر انها بتفضل انها ترد أسرع على أي شخص غيره أو حاسة بملل في الكلام معاه أو مش عايزة يستمروا في الصداقة ، و التفكير ده منطقي و مينفعش أعيب على الراجل فيه.

ثالثا :

البنت و الكلام في الجزء ده أنا واثق منه بنسبة كبيرة جدا عندها حب انهم يكونوا مركز اهتمام الراجل سواء كان صديق أو حبيب أو زوج أو ابن أو أخ ، هي بتحب تكون موضع الاهتمام عموما ، و ده سبب رئيسي في أسباب فشل العلاقة بين البنت و الراجل في أول العلاقة ، لأن البنت بتكون عايزة تحس بالاهتمام عشان كدة بتقبل تتكلم معاه و فرحانة ان في راجل مهتم بيها و شايفها اللي ملهاش زي في البنات ( و أحب أنوه هنا ان الكلام ده أنا بقوله عن تجربة شخصية و عن تجارب أصدقاء ).

- التجربة الشخصية هي ان كان في بنت اتعلقت بيها جدا أيام الكلية و كنت على استعداد ان لما أتخرج و أشتغل هتقدملها و معنديش هدف في وقتها غير ان أنفذ الموضوع ده ، و بعد لما اتخرجنا و فضلنا نتكلم فترة و قدمت في وظيفة ( لكن كالعادة في مصر صعب جدا انك تشتغل في نفس الشهر اللي اتخرجت فيه أو ممكن أقول في نفس السنة ) فاضطريت أقدم في الوظيفة و أستنى القبول و كنت متأكد من القبول لأسباب شخصية أو ممكن تخمنوها ان في واسطة أو شئ من هذا القبيل ، وعشان أكون صادق هي رفضت اتنين اتقدموا ليها و وافقت على التالت ومن غير ما تقول انها وافقت أو هتوافق و الموضوع كان صدمة بالنسبة ليا و حاليا نسيتها لكن عرفت بعدها ان هي أصناء لما كانت بتكلمني كانت بتكلم أربعة أو خمسة معايا و عرفت انها كانت بتتسلى و بتلعب على المشاعر فقط ليس أكثر و هنا أثبت أول مثال من أنانية البنات.

رابعا :

حاليا و أنا بكتب هذا المقال في صداقة بيني و بين بنت من البنات لكن الصداقة دي طبعا أنا عارف انها مشروع فاشل و مع ذلك مستمر فيه ممكن نقول ( حب لتعذيب النفس ) ، البنت دي أنا محتار جدا اذا كانت بتتأخر في الرد على الرسايل بسبب انها بتكلم رجالة تانية معايا و بترد عليه أسرع مني ، أو فعلا بتكون مش عارفة ترد بسرعة ، أو عندها القدرة ترد بسرعة لكن بتكبر راسها و تخلص الحاجات اللي عايزة تعملها الأول و بتقول مفيش مشكلة لما يستنى الرد شوية ، مع اني و للتنبيه فقط أنا من الناس اللي بترد على الرسايل في ذات الدقيقة و ده بسبب ان مهما كان في شغل معايا لازم أرد أعرف اللي بكلمه اني مشغول حاليا و هرجع أكلمه تاني لأني بحس ان ده في احترام للشخص اللي بكلمه و احترام لمشاعره ، و هنا أثبت مثال تاني من أنانية البنات لأنهم من الآخر  don't care  الراجل بيفكر ازاي أثناء تعاملهم سوا أو أثناء العلاقة سواء كانت الفترة اللي العلاقة فيها.

خامسا : 

طبعا لازم أقول ان واحد من أكبر الأمثلة على أنانية البنت ان مفيش راجل يجيبلهم هدية الا و لازم يحسسوه ان ده واجب عليه مش فضل منه و ده عن طريق شئ معروف و هو ان لما الراجل يجيب سبعين هدية و يزعلها مرة واحدة بتكون السبعين هدية في صفيحة الذكريات و كأنه مقدش هدايا أو خدمات قبل كدة

و هنا برضة لازم أقول ان الكلام ده عن تجربة شخصية و هي مع اخواتي مثلا ( و مش لازم أقول مثال مع بنت غريبة عني ) لأن اخواتي أنا اشتريت ليهم هدايا لا حصر لها و مع أقل اختلاف رأي حصل بيني و بينهم انهالت عليا الشتائم و الإهانات و كأني لم أشتري هدية واحدة من قبل و أصبحت العدو الأول في حياتهم ( وطبعا ده باستمرارهم في استخدام الهدايا اللي هي من مالي الشخصي رغم استمرارهم في الشتائم ) ، و آسف لنفسي و الدموع على خدي ان أنا بعيش وحدة فظيعة في البيت بسبب عدم كلامهم معي و معاملتهم السيئة جدا و رغم اتفاق جميع الناس ان أنا مغلطش غلطة واحدة معاهم أستحق عليها المعاملة السيئة دي ، و هنا أثبت مثال ثالث على أنانية البنات و تفكيره في نفسهم فقط.

في النهاية :

أحب أقول ان أي بنت خرجت من دايرة البنات اللي في الأمثلة السابقة من حقها تهنئ نفسها و بشدة و تشعر بالغرور و ياريت اني كنت أعرفك في الواقع و كنت هطلب من الزواج و أرجوكي بشدة للموافقة .

                                                                                                              Just_one_human




   نشر في 02 شتنبر 2017  وآخر تعديل بتاريخ 02 شتنبر 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا