مراجعة بالعربي بدون حرق لفيلم .. (2017 _ Dunkirk) , هو فيلم حربي , من إخراج و كتابة و إنتاج (Christopher Nolan) .. !!. ♥ - مقال كلاود
 إدعم  المنصة   
makalcloud
تسجيل الدخول

مراجعة بالعربي بدون حرق لفيلم .. (2017 _ Dunkirk) , هو فيلم حربي , من إخراج و كتابة و إنتاج (Christopher Nolan) .. !!. ♥

Dunkirk .. 2017

  نشر في 24 يوليوز 2017 .

دونكيرك .. ( بالإنجليزية : Dunkirk ) هو فيلم حربي قادم من إخراج وكتابة وإنتاج كريستوفر نولان , تجري أحداث الفيلم خلال فترة الحرب العالمية الثانية وتدور حول عملية انسحاب الجنود من دونكيرك.

بدأت عملية التصوير ( 23 ) مايو ، ( 2016 ) في دونكيرك ، فرنسا .. من المُقرّر صدور الفيلم في ( 21 ) يوليو , ( 2017 ) .

فيلم ( Dunkirk ) فيلم فريد من نوعه , و أنا مش شايف أي داعي , أنك تقدر تقارنه بأفلام حربية زي .. ( Saving Private Ryan ) أو ( Fury ) أو ( Hacksaw Ridge ) و دي بعض الأفلام الحربية المشهورة اللي في ناس كتير بتحاول تقارنهم ببعض و دا مش صح , الأفلام من بطولة ... ( Tom Hanks ) و (  Brad Pitt ) و ( Andrew Garfield ) علي الترتيب , بداية فيلمنا بتاخدك في الأحداث من أول البداية , ممكن تلاقي نفسك منتظر التتر  و فجأة يبدأ الفيلم , عادي جدا .. ( كريستوفر نولان ) محبش يضيع وقت , و دي حاجة كانت موفقة جدا , الفيلم بيسرد لنا ثلاث قصص زمنية مختلفة , و مش عاوز أنسي أنه واحد من أقصر أفلام ( كريس ) أقل من ساعتين ( 1h , 46min ) و ( Harry Styles ) المطرب المشهور من فريق ( One Direction ) , اللي هوا المفروض أصلا مشهور أكتر من البطل نفسه , مدخلش الفيلم بالبركة .. لأنه عمل ( Auditions ) دا علي حد ما أنا قرأت ان كمان ( كريس ) مكنش يعرفه و قال ان أولاده هما اللي يعرفوه و مختارهوش عشان شهرته.

Harry Styles ... at an event for Dunkirk .. 2017


 , لأ و كمان دا أستخدم لنا في الفيلم , سفن و طائرات حقيقية .غير أنه أستخدم في معظم أوقات الفيلم كاميرات ( Imax ) , قيس علي كدا كمان ان ( Fionn Whitehead ) من المفروض أنه بطل فيلمنا لكنه مش مشهور خالص و ممثلش قبل كدا غير في عمل درامي واحد تقريبا , و دا دليل علي جرأة مخرجنا الجامد جدا , و أنه يخليك تسأل نفسك هوا أزاي واحد بحجمه , عنده جرأة يجرب للدرجة دي .. ؟؟! 

Fionn Whitehead  ... in Dunkirk .. 2017


أولا :- ( الممثلين و شخصياتهم ) .. 

الممثلين أدائهم كان موفق , و مش هينفع أمدح في حد أوي , لان مكنش في مساحة لحد معين أنه يظهر قدراته , مثلا أنا ( Fionn Whitehead ) كان لما يتكلم و دا كان نادر جدا تقريبا , كنت أقول فجأة .. ( أخيرا نطقت ) لأني كنت بنسي انه أتكلم من كتر ما الزمن بين حوار و حوار طويل الي حد ما , لكنه موفق بنظراته و برضو الي حد ما جيد جدا , حاجة تانية (  Tom Hardy ) هو كمان زي ما عرفنا من ال ( Trailer ) أنه كان لابس حاجة خاصة بالطائرة اللي كانت في الحرب , أما بقي ( Mark Rylance ) قبطان المركب و ( Kenneth Branagh ) اللي كان بيلعب دور ( Commander Bolton ) و دا كان دور مهم لكن صغير , بس دا ميمنعش أنهم كانوا جامدين أخر جاجة , برضو الولدين الصحاب اللي علي مركب القبطان كانوا استثنائيين و ( Cillian Murphy ) كان ممتاز .. في نقل أنفعلاته و بصراحة مكنش عندي أي مشكلة مع (  Harry Styles ) . 

(Dunkirk (2017


ثانيا :- ( السيناريو و الاخراج ) .. 

زي ما قولنا فوق شوية , ان الفيلم من اخراج و كتابة و انتاج ( Christopher Nolan ) و مش عاوزين ننسي ان مراته ( Emma Thomas ) برضو منتجة معاه و دا ع حسب كلام ويكيبيديا , أنا بصراحة شايف أنه مأبدعش أوي في حتت الكتابة , لأنه القصة مستوحاة من قصة حقيقية حدثت بالفعل , ناهيك علي أن الفيلم تقريبا خالي من لغة الحوار تقريبا و بيعتمد علي عبقريونو معظم أفلام ( كريس ) الراجل الداهية الي أسمه ... , .. أسموا ها عارفينه .. ( Hans Zimmer ) الفشيخ , ههههه و أسف ع فشيخ دي .. المهم اني هارجعله في الأخر .

نيجي بقا للاخراج , و ما أدراك ما الاخراج .. يا لهوي , أتحداك أنك لو من أول الفيلم لحد أخره , لو جربت تعد الكادرات الجامدة اللي محصلتش هتتلخبط من كتر عددهم , أي الأبداع دا .. الراجل دا كل فيلم نضجه بيزيد جدا عن اللي قبله و أعتقد ان واحد زيه مش محتاج كلام عليه يكفينا .. ( Inception ) و الزوايا كمان جميلة جدا و مشاهد المعارك بالطائرات .. و مش عاوزين ننسي ان ( locations ) اللي هي نفسها اللي قامت فيها المعركة الحقيقية , و دي فكرة رهيبة جدا , ( كريستوفر نولان ) بيستعرض عضلاته كمخرج كالعاده و جايب حبت توابل و بهارات ع رأي حد بثق في رأيه كان قاعد جنبي , و التصوير تحت الميه , و مشاهد الأنفجارات أتعملت بحرفية فظيعة ممكن أكون أنا .. بشوفها لأول مرة تقريبا .

 .. Christopher Nolan and Emma Thomas


ثالثا :- ( الحبكة ) .. 

ممكن تكون دي حاجة من سلبيات الفليم النادرة جدا , لأن أنا شايف أن دي قصة حقيقية . تخلو من حبكة درامية مميزة . اللي هيا مينفعش تتعمل أصلا لأنه سيناريو مقتبس .


رابعا :- ( Hans Zimmer ) ... 

ما هوا يا جماعة مينفعش و الله لما أول مره أحاول أكتب , متكلمش عن واحد زي دا و من حسن حظي أنه موجود مع ( كريس ) في الفيلم دا كمان .. ما علينا نيجي بقي لل ( soundtracks ) طول الفيلم أنت قاعد ع أعصابك من اللي الراجل دا بيعمله فيك .. و برضو تقريبا طول الفيلم بتسمع مجموعة سيمفونيات لدرجة ان بعد أول نص ساعة قولت لنفس الحد اللي كان جنبي اللي أنا برضو ما زلت بثق في رأيه , ( لاحظت ان ال " soundtracks " مسكتتش ) حاجة كدا مش بنشوفها الا في أفلام ( Hans Zimmer ) فقط لا غير .. بصراحة كبيرة جدا الفيلم بدون الموسيقي التصويرية ناقص كتير جدا .. و كان ممكن ميكملش .. لأنه مكملش غير بيها فعلا , و ضافت كتير جدا و موفقة مع الأحداث و المشاهد جامد جدا , و متنسوش أنه ألماني الجنسية , و رضي يشتغل في الفيلم دا عادي !!. 



( أخيرا و ليس أخرا ) :-

مشكلتي الوحيدة تقريبا كانت مع .. بعض لحظات ال ( flashback ) الغريب اللي مش هيتفهم من ناس كتير , و أنا منهم الحقيقة لو مكنش جالي توضيح بسيط من اللي كان جنبي , معلش قرفتكوا أنا عارف .. المهم ان دي الحاجة الوحيدة , الل ممكن تكون في المونتاج .. مع اني حاسس ان من كتر الابداعات اللي الفيلم بيطرحها , هي كمان أبداع أو ممكن لأني مشوفتهاش قبل كدا حتي لو أتعملت .


#التقييم_النهائي .. لفيلم ( Dunkirk ) هوا ( 10 \ 9.5 ) .. 

written by : Mahmoud Amer



#المراجع .. 

1- ( IMDB ) 

2- ( Wikipedia )

3- ( WatchMojo.com )


  • 2

   نشر في 24 يوليوز 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا