سر الصنعة - مقال كلاود
 إدعم  المنصة   
makalcloud
تسجيل الدخول

سر الصنعة

  نشر في 24 ماي 2019 .

>

الكاتب الأمريكى وليم سارويان، كان كاتب رسالة مليانة ب أسرار صنعة الكتابة اسمها "رسالة لكاتب شاب لم ينشر".

ويليام سارويان كان كاتب الرسالة دى ردا على شاب بعت له مسودة كتاب و بيطلب النصيحة..

سارويان ما اتأخرش و قال لنا حاجات كتير من أسرار الصنعة اللى ممكن تساعد فى خروج منتج عليه القيمة

زى مثلاً:

- لما تيجى تكتب اعتبر نفسك الكاتب الوحيد فى العالم.

بمعنى إن اللى هتكتبه ده مافيش حد هيكتبه غيرك

ف حاول تقول كل حاجة و بأحسن طريقة لإن أنت أملنا الوحيد إن الحاجة دى تتكتب ماحدش هيكتبها غيرك.

-قال له كمان: "الوضوح" لازم القارىء يفهم أنت عايز إيه بالضبط؟

القاريء خلقه ضيق ودايما عنده سؤال للكاتب: مقعدنى و وواخد وقتى و تركيزى و اهتمامى ليه؟

-قال له كمان: التعبير عن شعور ما، معناه ببساطة إنك تلف حواليه إنك بتدور حوالين الشعور ده ببطء، زى اللى بيلف حوالين بيت حبيبته لحد ما تظهر له من الشباك

- قال له كمان: أسمع صوتك و انت بتكتب

اسمع الجمل وهى نازلة على الورق علشان تعرف ده صوتك أنت ولا صوت متأثر بحد تانى؟

الكاتب الحقيقى هو اللى يكتب بطريقة ماستخدمهاش اى كاتب فى العالم.

- قال له كمان: حاول ولو لمرة واحدة مرة واحدة بس تكتب حاجة عظيمة

لو حصل .. عمرك ما هتعرف تمسك ورقة و قلم و تكتب بعدها حاجة تافهة

كل و اشرب واشتغل و اخرج و حب و نام و أحلم و عيش زى الناس وماتحطش فى دماغك إن ممارسة اى حاجة هتمنعك عن الكتابة .. فلوحطيت ده ف دماغك ف أنت أصلا مش كاتب حقيقى

ماتبتديش فى الكتابة إلا لو حسيت إن دى هى البداية الصحيحة..

فلو بدات بداية صحيحة مافيش حاجة فى العالم هتقدر توقفك.



   نشر في 24 ماي 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !


مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا