متجوزيش!! - مقال كلاود
 إدعم  المنصة   
makalcloud
تسجيل الدخول

متجوزيش!!

  نشر في 27 ماي 2016 .

نظرا لانتشار البوستات اللي على الفيس اللي من نوع متجوزيش الا لما يفرحك ويخرجك ويفأجاك ويوديكي ويجيبك.. احب اقولك يا عزيزتي انك فالحالة دي اوعي تتجوزي، لانك ببساطة مش هتعيشي الحياة الاسطورة دي، اقولك تاني يمكن تفوقي، متجوزيش يا حببتي، لان الحياة مش عبارة عن فسح ودباديب وشيكولاتة،ويخرب بيت الاعلام والمجتمع اللي خلانا هايفين بالمنظر دا.

عزيزتي حببتي إليكي بهاريز تجربتي الشخصية أو خبراتي من صديقاتي والمجتمع المحيط:

-اتجوزيه أما تعرفي تستحملي عصبيته، وعايزة اقولك كلمة في سرك "مفيش راجل مش عصبي".

-اتجوزيه لو مستعدية تضحي بشهر عسل في المالالديف وتقضيها في اسكندرية، الحالة قحط والشباب مش لاقي، والطيارات يا بتتخطف يا بتقع فخفيه عليه شوية ربنا يهديكي.

-اتجوزيه لو بتفكري في حياتكوا انتوا الاتنين بس، بعيدًا عن بنت خالتك عملت فرحها فين، ولا صاحبتك الانتيم عملت ميك اب فرحها فين، هو كده كده عارف شكلك طول فترة الخطوبة، مش هيغير نظرته فيكي صدقيني يوم الفرح.

-اتجوزيه لما تقتنعي أن عيوبه هي أحسن ما يميزه، فكك من جو هيتغير بعد الجواز، وهغيره وهطبعه بطبعي، أحب اقولك مفيش حد بيتغير، إلا كنتي سمعتي كلام أمك كل يوم وهي بتصوت "رتبي سريرك أما تقومي".

-اتجوزيه لو خناقاتكوا بتقعد كام ساعة وتنتهي، وتتصلوا تصوتوا في ودن بعض، لو واحد سمعكوا هيفتكر أن دا آخر مكالمة بينكوا، وبعدين تتكلموا بعد ساعة ولا كأن في حاجة.

-اتجوزيه لو هتقدري تبطلي تعاتبي فيه، حببتي مفيش راجل بيعترف بغلطه في الأغلب، وخاصة لو اصريتي في وشه وقولتيه انت غلطان، كبري دماغك وهو من نفسه هيجي يعتذرلك.

-اتجوزيه أما تقتنعي أن الصور اللي مالية صفحات الفوتوجرافر دي حلوة عشان الكاميرا الحلوة، مش عشان هما حلوين بزيادة وضحكتهم من القلب، كلنا مهومين وحالتنا كرب اسمعي مني.

-اتجوزيه لما تقتنعي أن هو كده بشخصيته، وريحي دماغك مش هتلاقي زي أبوكي، عشان انت شايفة ابوكي احسن رجل في الدنيا عشان هو ابوكي مش عشان هو احسن راجل في الدنيا.

واخيرا يحضرني كلام عمنا "عمرو طاهر" "الجواز مش أنك تلاقي الشخص المناسب.. الجواز أنك تكون انت الشخص المناسب".




  • 5

  • Rahma Daigham
    محررة على قدي، نفسي يبقي ليا جمهور كبير يستنى كتباتي :)
   نشر في 27 ماي 2016 .

التعليقات

hamada wady منذ 5 شهر
كلام جميل جدا وزووق
0
رغم ان المقال باللهجة المصرية الجميلة , لكنكي ابدعتي بالنصيحة سيدتي ,,, هذا ما يجعلنا للاسف نشهد الكثير من القصص الحزينة كل يوم هنا و هناك ,,, تحية لكي سيدتي مع الاحترام
0
زي العسل :) سعيده متابعه ماتنشرين
1
Rahma Daigham
حببتي والله ربنا يعزك :*
Wasel Alharithy منذ 6 شهر
كلام جميل و يدل على قمة نضوج الفكر وربنا يكثر من امثالك
0
Rahma Daigham
اشكرك على ذوقك :)

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا