dopamine - مقال كلاود
 إدعم  المنصة   
makalcloud
تسجيل الدخول

dopamine

ليه في ناس بتوحشنا ؟؟

  نشر في 08 أبريل 2017 .

ليه ف ناس بتوحشنا ؟؟ 


مين فينا مكنش ف حد نفسه يسمع صوته بطريقة غبيه ! لدرجة انه ممكن يتصل بيه في نص الليل عشان واحشه صوته !؟ مين فينا مكنش بيحب حد و فجأه كدة حس انه نفسه يشوفه حالا ! فراح فتح صوره الـ الفيس او صورة الواتس  قعد يسرح ف صور الشخص ده ؟!! ايه اللي بيحصل جوانا عشان يخلينا مفتقدين الاشخاص اللي بنحبهم ؟!!


ف مقالة للدكتور Jeremy E Sherman عليموقع psychologytoday , بيتكلم عن الـ missing  ( الفقدان ) و بيحلل ان اللفظ نفسه شارح معناه , فبباسطة هو فعلا حاجة مفقودة عن الانسان و هو عاوز يوصلها , بمعني أصح puzzle من الذكريات الشخص بيحاول يركبه هو مفتقد لأجزاء معينه منها ...  خلينا نقول ان الموضوع بيتبدي , لما تكون في ذكريات ما حلوة تربطنا بشخص معين .. فمثلا ممدوح قابل هدير , و قضوا وقت حلو مع بعض .. الوقت الحلو ده بيترجم ف مٌخ ممدوح في شكل هرمون أسمه dopamine و اللي بيروح مكان ف المخ أسمه Nucleus accumbens عشان يقول لممدوح أنتا سعيد يا اسطا باللحظات اللي انتا قاعد فيها مع هدير , لو عاوز تحس تاني بالشعور اللذيذ ده , اقعد معاها تاني ! ... فلما هدير بتبعد عن ممدوح بيتم فقدان الشعور الجميل بتاع الـ dopamine , لكن العقل صايع برضة , فبيقول لممدوح , طب ما انتا يا اسطا مش لازم تقعد معها مادام صعب في الوقت الحالي , اسمع صوتها في التليفون , شوف صورتها , يعني اي حاجة كدة تفكرك بيها و انا حطلع لك شوية dopamine حلوين تمشي نفسك بيهم ... و هو ده ببساطة الـ missing او شعور ان حد يوحشك , فاللي بيوحشك فعلا ذكرياتك الحلوة اللي نفسك تسترجعها مع الشخص ده ,,


شعور الفقدان الـ missing , مش مجرد حبيب و حبيبة ف علاقة رومانسية , لا ده في اي علاقة حب , زي اب و ابنه , صديق و صديقه .. لكن أقسي انواع الـ missing , لما اللي يكون مسؤول علي افراز الـ dopamie عندنا , مش فارق معاه اصلا dopamineــــنا ,, بمعني اننا نفتقد حد مش فارق معاه افتقدنا ده , حنبقي عاملين زي اللي بنشحت منه مجرد السؤال او حتي الابتسامه ! و كله بسبب الهرمون الحقير اللي اسمه الـ dopamine , و هو اللي بيخلي شكلنا زبالة كدة !! 


ف النهاية ف جملة حلوة اوي للشبح  Oscar Wilde بتقول Never love anyone who treats you like you're ordinary و بما معناه ( متحبش حد بيعاملك كانك عادي ! ) , يعني مبتحبش حد مش قادر يقدر مدي العذاب اللي ميعشهولك dopamineــك ! هو اصلا لا فارق معاه انك حتموت و تسترجع الذكري الحلوة اللي معاه ,, هو من الاخر مش مفتقدك زي ما انتا مفتقده ... فمش عيب ان ممدوح يعترف انه قضي وقت حلو مع هدير , أنما العيب انه يفضل محبوس في الذكري ديه و مش قادر يتجاوزها ! فاعتقد dopamineـــك يا ممدوح يستحق ذكريات اأحسن بكتير عشان يتفرز عليها ... فأفرزوا Dopamineــكوا علي اللي يستحقها ..



   نشر في 08 أبريل 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !


مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا