والله ما معانا يابيه - مقال كلاود
 إدعم  المنصة   
makalcloud
تسجيل الدخول

والله ما معانا يابيه

  نشر في 07 يناير 2019 .


كنت فى كورس إقتصاد و أخدنا النقاش لإننا نتكلم عن تعويم الجنيه و مردوده علينا كـ بلد و شعب كويس و لا لا ؟!

و الحقيقه اكتشفت ان الناس دى فى حته تانيه و اللى حسيته أكتر إنهم بيحاولوا يعملوا غسيل مخ للشباب و للناس.

هو كـدكتور شغال فى البنك المركزى قـالنا إن قرار التعويم كان عشان نـوقف السوق السودا و نقضى عليها و الحقيقه أنا فاكر إن وقتها كان التعويم اتنفذ لإن صندوق النقد الدولى كان من شروطه إننا نعوم الجنيه مقابل قرض منهم ، و بالمناسبه كان رفع الدعم عن الشعب من ضمن شروط القرض و أظن الشروط اتنفذت بحذافيرها .

قالك إيه بقى :

التعويم كان ايجابى للبلد 👀

طب قولنا ليه إيجابى و هنا بقى هتشوفوا هما ليه فى حته تانيه ✋

قالك أول حاجه المستثمريين زادوا عشان المليون دولار اللى معاه بدل ما كان بيعمل بيهم مشروع بقى بيعمل بيهم مشروعين و المشروعين دول بيوفروا فرص عمل للمصريين .

قالك زودت السياحه فى مصر بدل ما الخليجى كان بيجى يقضى ب 1000دولار اسبوع عندنا بقى يجى أسبوعين بنفس ال 1000 دولار و ده طبعٱ لاختلاف سعر العمله .

قالك بـالـ 1000دولار اللى معاك بدل ما كنت بتشترى بيهم بدلتين بقيت تشترى أربعه 😃

أيوه بس حضرتك كده بتتكلم عن إن الدنيا بقت حلوه للاجانب عندنا مش لينا إحنا كمصريين 🙄

ليه مش انت لما يحصل إستثمارات فى البلد هتلاقى وظيفه و لما السياحه تشتغل هتلاقى وظيفه تشتغلها ؟!

ماشى هشتغل بس مرتبى هيبقى كام و هيبقى بالمصرى مش بالدولار زى ما هما بيجوا يصرفوا .. احنا الحد الادنى عندنا فى مصر للاجور يساوى 67 دولار .. متخيل الرقم ؟!

حضرتك ناسى إن احنا دوله بتستورد معظم منتجاتها و مع زياده سعر الدولار و تعويم الجنيه كل المنتجات بقت الضعف وأكتر من الضعف يعنى اللى كان ممكن يشترى عربيه ب 80 الف جنيه بقى يشتريها ب 160 الف جنيه .. حضرتك مش ملاحظ التضخم اللى حصل و فجوه الاسعار .. طب حضرتك عارف إن بعد تعويم الجنيه اتغيرت فئات تصنيف المجتمع و خط الفقر زاد و اللى كانوا بيتسموا فئه الطبقه المتوسطه أصبحوا فى فئه الفقر و فئه الفقر أصبحت تحت خط الفقر اما الطبقه العليا متأثرتش الصراحه و أصبح فى فجوه واضحه جدٱ بين طبقات المجتمع .. طب ده ممكن يوصل لإيه 👀 زياده معدلات السرقه مثلٱ ؟!

إنتوا بردو مصممين تشوفوا الجانب السلبى و تسيبوا الايجابيات اللى فى الموضوع .. بتكرروا للاسف كلام الفيس بوك .. و ده كان رده ✋

ما المشكله اللى حضرتك مش عاوز تشوفها و تعترف بيها إن الجانب الإيجابى ده كان بالنسبه للاجانب و طبقات المجتمع العليا أما باقى الشعب من الكادحين و الموظفين و الشباب موصلش ليهم إلا الجانب السلبى .. هو احنا هننكر يعنى لو خدنا إيجابى و المصحف ما هننكر 😂

طب هقولك حاجه .. اسمعنى بس مثال صغير 🙄

مستثمر أجنبى و جه إستثمر زى ما بتقول فلوسه عندنا جميل لحد هنا و بعدها شاب مصرى راح اشتغل عنده ب 2000 جنيه فى الشهر هنا بقى مش جميل .. هقولك ليه دلوقت حالا .. فرضٱ الشاب ده اتجنن و حب يتجوز و فرضٱ عيله العروسه اتجننت اكتر و مطلبتش شقه تمليك و شبكه و مهر و الكلام ده تمام اوى دى جوازه زى الفل اهى .. لا خالص لا فل و لا حاجه .. هيسكن فين ؟! هيضطر طبعٱ إنه يأجر شقه لانه مش هيقدر يشترى و عادى شباب و بيبدأ مستقبله لسه.. المهم عشان يأجر شقه أوضه و صاله دلوقت ع الاقل 1000جنيه فالشهر يعنى نص مرتبه .. الشقه بيتدفعلها كهربا و مايه و صيانه 500 جنيه ع الاقل بردو كده فى الشهر .. كده باقى معانا 500 جنيه يصرف بيهم اكل و شرب و مواصلات ..طب بذمتك ياباشا انت تقدر تعمل كده ✋

التعويم وصل سعر الدوا اللى 20 جنيه ل 50 جنيه وصل سعر شويه خضار لارقام خرافيه دلوقت و دول أقل حاجه لمواطن مصرى محتاج إنه يعيش حياته بأداميه .. وطبعٱ الشاب ده مش من حقه إنه يفكر حتى يخلف أصل هيجيب منين ؟!

يبقى هنا الجانب الايجابى اللى حضرتك بتتكلم عليه مش لينا و الله .. و إحنا مش بنبص للسلبيات بمزاجنا إحنا شايفينها عشان إحنا للاسف جيل إتدبس فيها و إتدبس فى خطأ كل الانظمه السابقه و كوارث النظام الحالى .. جيل بطل يحلم من كتر ما الحلم بقى صعب اوى عليه بقى أشبه للمستحيل ..

انتوا شايفنا جيل مبيعملش و مبيحاولش .. بس للاسف إحنا أكتر جيل بيحاول برغم كل الاحباط اللى بنواجهه من كل فئات حضرتك و تفكير اللى زى حضرتك .. بس للاسف مبنلاقيش مقابل طاقتنا اللى بتضيع و عمرنا اللى بيتسرق مننا فى وهم حتى مالوش تمن


  • 1

   نشر في 07 يناير 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا