عن الحب و علله ... - مقال كلاود
 إدعم  المنصة   
makalcloud
تسجيل الدخول

عن الحب و علله ...

  نشر في 28 يوليوز 2018 .

فيه قضيه عايز اتكلم فيه ، ممكن نعتبرها unpopular opinion بس طويله شويه ، دا رأيي الشخصي الذي يحتمل الخطأ و الصواب أو كلاهما ... أعتذر مقدما عن الطريقه التي سيراها البعض " عدائيه " ...

أنا شايف ان فيه كتير مننا (خصوصا البنات) مواضيع الرومانسيه و الحب و الافلام الهندي (اللي هم مفكرينها مش هندي بس هي هندي) مسيطره عليهم وواكله تفكيرهم بطريقه غريبه ، اللي هو تلاقي الأخت منتظره الفارس اللي حياخدها علي الجحش الابيض ، و راسمه سياق حياتها مع هذا الفارس ، و مش حتحرك من غير ما الفارس ييجي و يا ويله الغلبان اللي حييجي من غير ما تبقا فيه صفات الفارس ، و فلوس الفارس ، و شكل الفارس ، و يفسحني فسح الفارس ، و يحبني حب الفارس ، و يهشتكني هشتكة الفارس ... و تكتب سيول و سيول من البوستات و التويتات في حب هذا الفارس المنتظر اللي لو مجاش يبقا المحن و الهبل موجود مش حيخلص !

و رأيي في موضوع المحن دا قلته من قبل ، فلسفه ضعيفه ، لا تليق بالفتاه المسلمه التي من المفترض منها تكون مثال للعفه و الفطره السليمه العاقله ، و الدليل علي كون دا خطأ مع علم فاعله بذلك ، ان اللي بيعملو كدا دائما بيعملوه علي أي منصه ما عدا الفيسبوك ... ليه ؟!! عشان بابا موجود علي الفيس ، بس مش موجود علي تويتر ولا الاسك ، و كأن ربنا مش شايف يعني !

لذلك فاتباع الطرق دي ، أولا بتسفه من حضرتك ، ثانيا طريقه منفره جدا للناس العاقله ... لأن الصالح اذا أتي ، ما هو أكيد حينفر لما يلاقيكي حاطه صورة الفنان حمو بيكا و كاتبه عليها هااح و جميل و قلوب كتير ...

ثالثا و دي مهمه ، الطريقه دي بتخليكي هدف سهل لمرضي الانفس و القلوب و العقول ، يعني الشباب المريض لما يلاقي هذا النوع من الكلام بيشوفك زي البيت اللي عليه لافته مكتوب عليه " للبيع " او بمعني أصح لافته مكتوب عليها " جاهز للشقط " ، فبيعتبرك نوع من انواع البضائع أو الرهان اللي لازم يظفر بيه و كل واحد فيهم و شطارته بقا في منهم الغبي اللي بيخليكي تاخدي بالك ، و منه الشاطر اللي بيفهمك انه الفارس اللي مستنياه طول عمرك ... و أنا مش بحرف الكلام عشان أهوله ، فيه شباب بيتراهن مع صحابه علي البنات فعلا ، حرفيا يعني ...

المقصود من الكلام عموما اني مش قصدي أضيق و أشدد في موضوع الكتابه علي السوشيال ميديا ، لكن بلاش الكلام الرومانسي الصريح الاعمي دا ... و الجميع حر طبعا دا رأيي

نعود لسياق الموضوع ...

لا أظن ان فيه قانون محدد يشترط انك لازم تتجوز عن حب ، ما أكثر جواز الصالونات الناجح ، و الحياه ماشيه عادي جدا بل ان المتمسكين بهذه الفكره علي الاغلب والده ووالدته ذات نفسهم بيبقو متجوزين جواز صالونات العادي بتاعنا ، مش عشان نزار قباني قال : " الحب للشجعان ، الجبناء تزوجهم أمهاتهم "

يبقا خلاص كدا ، نزار قباني - و له كل الاحترام - أخته انتحرت عشان جوزوها لواحد مش بتحبه و لذلك الموضوع كان ذو شأن عظيم عند الكاتب ... فمتوهمش نفسك بكلام كتير و قصص من مختلف الاقطار و النواحي ...

الحقيقه المره ، ان الفارس مش موجود ، و مش حتفرق بعد كدا زي ما الناس متخيله ...

جواز الصالونات بتتعلم فيه الحب بالتأقلم ، لكن الحب الآخر احتمالاته كثيره ، لأن معرفتك بالشخص عن هذا القرب ممكن تفاجئك في حاجات هو بيعملها انت رافضها ، فبتتفاجئ لانك كنت رافع سقف توقعاتك لمستوي مرتفع جدا و مش شايف قدامك غير الحياه الوردي ، مع ضغوط الحياه و المسؤوليات حتلاقي الموضوع ثقيل عليك جدا ...

و في جميع الحالات ، كل الافكار دي بتنتهي بعد أول سنه زواج ، أو بعد أول مولود ، لأن خلاص بعد أول مولود فطرتك حتوجهك لان الطفل دا هو حياتك كلها و خصوصا الام ، أي مجهود حيتعمل حيتعمل عشان الطفل دا ، أي ظروف احنا فيها حيتحكم فيها الطفل دا ، مفيش فارس أحلام ، و مفيش نط بالباراشوت من علي قمم جبال الألب و القصص الغريبه اللي بتترسم دي ، في عيل صغير حياتكو مكرسه ليه ، سعادتكو كلها سواء واخدين بعض عن حب او صالونات مرتبطة بسعادة العيل دا ، لو مش حابين بعض حتحبو بعض بالتعود لان مينفعش تكرهو بعض ، عشان العيل دا ميتأذيش ، أي مشاكل موجوده سواء صالونات او عن حب حتتجاهلوها عشانه ، أي فلوس حتتصرف علي نفسكو حتتأكدو الأول ان العيل دا مش محتاج الفلوس دي عشانه ...

حالات الطلاق طبعا موجوده بس دي بتكون ليها ظروف اخري ، و بيكون دائما الأبناء أكبر مانع للطلاق دا حتي لو تم ...

و الجواز و الارتباط عموما مش فوتوسيشن بنشوفهم علي النت و نكتب " حلوين " و خلاص علي كدا ... الجواز دا مسؤوليه و تدبيسه سوده و صبر علي بلاوي و مصائب و خصوصا في البلد دي ، فبلاش سذاجة الحكم بالمنظر دي ( خصوصا البنات برضو ) الامور دي كلها رؤوس أقلام و الله فبلاش تبقي عينك عليها بس و ناسيه النص التاني ... التلتين الثانيين ... التسع أعشار التانيين ...

ختاما حتي أتدارك بعض الأمور ...

أنا لا اقصد التسفيه من مشاعر الجميع ، لكن لازم تفهم ان مشاعرك في السن دا بتكون جامحه فتعلم ترويضها ، و لا أقصد ان كل حالات الحب تفشل ، لكن زي ما قلت ، اللي حتحبه بالتعود أحسن من اللي كنت متوقع منه حاجه و طلع حاجه تانيه ... و الجانب الديني لموضوع الحب و الارتباط قبل معرفة الاهل واضح كالشمس و معروف ، مش محتاج أذكره يعني ...

موضوع فارس الاحلام برضو ، التصور دا مش عيب ، و البنات عموما بسبب طغيان العاطفه عليهم بالفطره بيكون عندهم التصور دا لكن واجب ترويضه تجنبا للصدمات العاطفيه اللي ممكن تأثر بعد كدا ...

بالنسبه للشباب فالشباب هي حاجه واحده اللي بيتصورها مفيش غيرها و بياخدها و يبقا راضي و ساكت مش حيتكلم بعد كدا ...

اتقو الفتن ، و أحسنو صون أنفسكم ، و ربنا مش بيضيع صبر الصابرين ...




   نشر في 28 يوليوز 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا