كلاسيكي - مقال كلاود
 إدعم  المنصة   
makalcloud
تسجيل الدخول

كلاسيكي

الحب الكلاسيكي

  نشر في 07 يوليوز 2017 .

.. اي حاجة بمعني اي حاجة ممكن تبقي كلاسيكية  .. كتاب ، لوحة ، أغنية ، تسريحة شعر ،  فيلم ، هدوم لبس،  ،  جزمه  ، ساعه  ،،، حتي الحب ! ممكن يبقي كلاسيكي .. بس يعني ايه كلاسيكي ؟؟ 

الكلاسيكي هو الشي اللي بيحتفط ببريقه ولمعانه مهما مر عليه الزمن حاجه كده مش خاضعه لفكرة الايام...

فاا لو جينا  نقارن مثلا بين كتاب كلاسيكي والحب وتشابهم الي حدا ما ...هنلاحظ ان الحب الحقيقي ف الاصل كلاسيكي.. وصفاته كلها كلاسيكيه

1- بيعيش : فالكتاب الكلاسيكي هو كتاب مش بيخلص ، بتقراه انهاردة و ممكن تقراه بكرا و لو فضل عندك سنة او سنتين برضة ممكن تفضل تقرا فيه و متزهقش .. زي أغاني زمان الجميلة اللي لسه عايشة معانا بالرغم من أن في اغاني أحدث منها بتموت بعد كام شهر ! فكذلك الحب الكلاسيكي هو الحب المصمم للبقاء مدي الحياه مش مربوط بفترة زمنية او لسد حاجة مؤقتة ..

2- حي : الكتاب الكلاسيكي كتاب نابض بالحياة .. و انتا بتقراه شامم ريحة الجو ، سامع صوت الطيور ، شايف نور الشمس ، حاسس ان كل حواسك شغاله و بتتأثر و انتا بتقرا !! ... كذلك الحب حتي و لو حبيبك بعيد عنك أنما حاسس ان حتي وجوده في فكرك مجسدهولك كأنه معاك .. و ده بيكون لقدرة الحب ده انه يتخلل كل كيانك  .. زي عطر أبدي لو اترش مره لا يمكن تأثيره يروح .. أنما بيبقي جزء أصيل من وجودك لا يمكن ينفصل منك 

3- عالمي : الكتاب الكلاسيكي مش مربوط بلغة او فئة معينة انما معمول لكل الناس .. بس ازاي علاقة الحب اللي بين اي اتنين تبقي عالمية ؟! ، العالمية المقصود بيها انها اقوي من اي حاجز او قاعدة .. فمثلا رسايل حب الادباء او المفكرين تقراها باي لغة او طريقة ، مهما كان جنسك او دينك ، مهما كانت درجة إختلافك بس حتلاقيها بنفس القوة و اللهيب اللي هي في الأصل عليه .. فالحب العالمي هو حب لا يعرف حواجز تحت اي مسمي

4- متجدد : الكتاب الكلاسيكي مع انه خلاص اتكتب و مفيش فيه اي زيادات ممكن تتحط بس انتا كل مره تقراه تحس انك طلعت منه بحاجة جديدة ! نفس الحب الكلاسيكي ، فكلمة زي " بحبك " ممكن تتقال مليون مره في العلاقة ، بس في كل مرة اللي باقولها عاوز يوصلها بطريقة أجمل و اللي بيسمعها برضة بيستقبلها بطريقة أشهي .. حتي و لو مع نفس الشخص بتعملوا نفس الحركات و بيديك نفس ردة الفعل ! بس أنتا حاسس بإنبهار و سعادة ..  

5- صامد : الكتاب الكلاسيكي بيبظهر و بيلمع حتي و لو لوسط ملاين الكتب المختلفة .. له رونقه المميز اللي بيعلمه و بيخليه له طعم خاص .. الحب الكلاسيكي كدة .. خارج برا نطاق الحب المعتاد او الروتيني .. حب مش عامل زي نسخ قبله او تقليد لنماذج معروفه او متعارف عليها .. حب مش مصمم للمناسبات بتاعة اعياد الحب بس او ذكري الجواز او الخطوبة .. حب مش مصمم عشان ناس تتصور و تكتب علي صورها كلام متهالك او متكرر .. حب مش مصمم عشان ياخد سكة ثابته او طريق مجبر عليه .. أنما حب مصمم لهدف واحد بس و هو الحب .!

6- أصلي : الكتاب  الكلاسيكي دايما بيتقال عليه اشاعات كتير و كلام متفبرك كتير و ده بيحمس ناس كتير تشتريه ..بس الحقيقة أن مهما كانت الاشاعات و الأراء بتشيد بعظمته بس متعة الأصالة بتاعة أحلي و أجمل من انها تتوصف او تتحكي .. الحب الكلاسيكي ممكن يتقال عليه كلام جميل و ناس تبص عليه من برا تمدح فيه .. بس مهما كان مش حيكون قد روعته من جوا .. علي عكس الحب المغشوش اللي قوته و سمعته مجرد نفخ في الفاضي 

7- مغذي : الكتاب الكلاسيكي بعد كل مرة تقراه تحس أن خيالك خد وجبه دسمة من الخيال و الافكار .. نفس فكرة الحب الكلاسيكي .. هو حب تحس انه بيملي جواك مشاعر و افكار و احاسيس .. تحس ان فيه طاقة ابداعية اتخلقت جواك من الحب ده .. حب دسم .!

8-قيمته..لما بيكون عندك كتاب كلاسيكي بتحاول تحافظ عليه بعيد عن كل الناس اصلا مش عايز حد يشوفه  وممكن تحتفظ بيه في صندوق ودا  من شدة خوفك عليه...وبردو في الحب الكلاسيكي من شدة خوفك علي حبيبك بتبقا مش عايز حد يشوفه ..عايزه ليك لوحدك..تحتفظ بيه جوه صندوق قلبك

في النهاية كلنا عاوزين حب كلاسيكي .. حب مهما مر عليه زمن او وقت يفضل كانه جديد و طازة .. بس الكلاسيكية مش بتجي من فراغ .. فجورج أورويل أكيد تعب عشان يكتب 1984 .. ماركيز كرس كل طاقاته و امكانياته عشان يعمل 100 عام من العزلة .. كافكا ، دوستيوفيسكي ،  نجيب محفوظ و غيرهم كانوا عايشين مع ناس كتير غيرهم بتكتب و بتألف .. بس فيه إبداع يعيش بعد ما يموت مبدعه و في إبداع بيموت و مبدعه يحضر تسجيل شهادة الوفاة ! ..و بيكون كل المطلوب شوية إيمان بقيمة الحدث و الإيمان بحقه في الخلوخد .. فكلاسيكية حتي و لو في الحب هي في الإساس  أسلوب حياة ...فكلاسيكية الحب بتتخلق من الازمات والمواقف ....ممكن اي اتنين يحبوا بعض فتره لكن بعد كده...الحب دا بيروح لانه متعرضش لصدمه..عشان تقدر تحكم عليه بعد الصدمه دي...ففي راي الشخصي الحب اللي متعرضشي لازمات و تعب و سهر وتحارب الكون عشانه لا يمكن يكون كلاسيكي............

📜محمد العمري



   نشر في 07 يوليوز 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا