6 اسباب تخليك تحب إنجي و فينييت ! - مقال كلاود
 إدعم  المنصة   
makalcloud
تسجيل الدخول

6 اسباب تخليك تحب إنجي و فينييت !

  نشر في 16 يوليوز 2017 .

في وسط كم اللامؤاخذة اللي بيطفح علينا من عالم حاجزين مكانهم في الجحيم من دلوقتي .. فيه ناس بتقدر تكريت حاجة عدلة تحسسنا ان لسة فيه أمل  .. إنجي أبو السعود من الناس دي - اسباب كتير خلتني أعتبر فيديوهاتها من اهم حاجتين تلاتة متابعهم بما إني مقاطع التليفزيون و مش ناوي أرجع أتابعه تاني.


1. الطريقة

انجي مش بتنقد الأفلام بشكل فلسفي معقد - حتى هي مش مسمية نفسها ناقدة - إنجي بتنقد بعنينا احنا , بتتكلم زينا بمصطلحاتنا و طريقتنا في التعبير بدون فذلكة , ممكن تبقى فاهمة أكتر أو مذاكرة بس في الآخر انا بتفرج على حد بيقول كلام انا فاهمه و بتكلمه مع صحابي و ممكن أقرر بناءاً عليه أدخل فيلم أو لأ.

2. المحتوى

إنجي من الناس القليلة اللي بتقدم محتوى ممكن يكون كوميدي او دمه خفيف بس بيحترم الناس - مش فيديوهات عبيطة لأنصاف مواهب ظهروا على حقيقتهم في اول اختبار حقيقي لما فكروا ياخدوا النيكست ستيب و يخوضوا تجربة فيلم على يوتيوب – او المهزأين اللي ماعندهمش مشكلة يشتهروا بالسوء و عادي يتشتموا طالما فيه ترافيك - إنجي بتقدم Content بسيط تحس انك محترم نفسك و انت بتتفرج عليه.

3. خفة الدم

إنجي دمها خفيف - مش بتحتاج تستظرف او تهزأ نفسها علشان تطلع حاجة تخليك تبتسم - عفوية و لذيذة , مش متكلفة و تدخل القلب بدون ما تبذل مجهود.

4. الموضوعية

ماعندهاش حسابات او توازنات (لغاية دلوقتي على الأقل) تخليها تنافق أو تطرمخ على الاستسهال و الكليشيهات و الفشل - بتقول اللي ليها و اللي عليها بدون اي اعتبار لا لمنتجين و لا لفنانين و لا ألتراس فنانين - مابتحبش حد و لا بتكره حد و ماتعرفش أبوها و دة اللي بيحسسني بصدق اللي بيتقال و ان مافيش وراه هجوم متعمد لأسباب غير فنية أو محاولة تجميل حاجة شكلها وحش لمصلحة ما.

5. المظهر

كبنت - إنجي بسيطة في مظهرها و شيك في نفس الوقت , جميلة بس من غير ما تحط ميك اب يخليها عروسة مولد - لبسها عمره ما كان فج او مستفز - نجاحها لإن شغلها كويس بس , مش بتستغل مقومات تانية و دي حاجة قليلية.

6. بتنطق Twitter زي البني آدمين الطبيعيين عادي بدون أي عقد نفسية !



   نشر في 16 يوليوز 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا