بالتضاد تعرف الأشياء - مقال كلاود
 إدعم  المنصة   
makalcloud
تسجيل الدخول

بالتضاد تعرف الأشياء

  نشر في 07 مارس 2019 .

" بالتضاد ❌ تعرف الأشياء "

لأنك كبرت وأنت فاهم الفرق بين الصح✅ والغلط ❌،

لأنك اتربيت في بيت 🏡يحترم الأصول والتقاليد،

لأنك متشبث بقيم ومبادئ المجتمع هتتصدم كل فترة من أشخاص ومواقف وتفاصيل غير متوقعة وتتخبط فتتوجع😔… مش بس عشان أنت مختلف كتير عن اللي حواليك كمان لأن القيم اللي جواك اتشوهت عندهم ويمكن انعدمت، والنتيجة هتسأل نفسك:

🤔 أنا ليه بيحصل معايا كده؟

🤔أنا ليه بتوجع😔 رغم إني مش وجعت حد؟

🤔بتأذيني ليه رغم إني أبعد ما يكون عن أذيتك😇؟

🤔احنا ليه بنقابل ناس مش شبهنا؟

🤔 ليه بنتخبط في حيطة توجعنا😦؟

🤔 ليه تجرحوا فينا أوي كده؟

يمكن تقول لنفسك بعد كمية لا بأس بها من دروس وتجارب فاشلة:

أنا لازم أتغير، لازم أعاملهم بمعاملتهم، لازم أنشف وأواجه الدنيا بوش جديد ورد فعل مش بس مناسب كمان مشابه.

ممكن تبعد لأكتر من كده وتسأل نفسك:

🤔 أنا اتربيت صح؟

🤔 شخصيتي مش ضعيفة؟

🤔 بفهم الناس صح؟

🤔 أنا بتعامل صح؟

🤔 هو انا أصلا في المكان الصح؟

🤔 لما أتناقش مع ناس شبهي أحكي لهم تجارب كلها انتصر فيها الشر😡 ع الخير😇؟ ولا نرجع لقيم وتراث قديم بحكايات عفي عنها الزمن اللي هو مش زماننا… أيامه مش أيامنا ومش شبه أيامنا.

احنا ليه بنقابل ناس مش شبهنا ؟

⬅️ لأن الدنيا بتعلمك بطريقتها الخاصة جدا، هي مش شبه أي مدرس تاني، فتعرض عليك خصال مؤذية وسلبية تتوجع😔 منها وعشان لسه جواك شوية إنسانية علي حنية علي تربية بتقرر تبعدها عنك وتكون أبعد ما يمكن عنها...

⬅️ لأن بعد التعب😥 هييجي العوض 😄 وربنا يكافئ اللي صبر ولو ماصبرتش مش هتعرف تقدر قيمة العوض ولا تحافظ عليه...

⬅️ لأن لما تتقوقع علي نفسك بعد الصدمة😑 وتعيد تفكير ده يوفر لك وقت تراجع فيه حساباتك وتتعرف علي عيوبك وتكتشف نقاط ضعفك ولو عاقل هتعالجها وتتخلص منها...

⬅️ لأنك محتاج تتعلم إذاي تفرق بين حلاوة اليسر ومر العسر في وقت كان لا مفر منه ولا مهرب من العسر ده...

⬅️ عشان تقدر قيمة الصح ✅ اللي ضاع منك أو ضيعته من إيديك ولو رجع تبقي اتعلمت إذاي تحافظ عليه...

⬅️ عشان تكون أنضج😎 ولولا القصص اللي بتمر علينا بكل أشخاصها وتفاصيلها لفضلت جوانا لسه سذاجة الأطفال 👶بنكبر بها ومش بنتخلص منها.

هنا بقي لازم تصبر وتنتظر اللحظة اللي هتفهم فيها أنت بتتوجع ليه🤔… بتقابل ناس مش شبهك ليه🤔، في #وجهة_نظري أنت هنا لازم تستسلم للوقت:

" أرخ قبضتك ودع كل جميل ينمو " فينمو جواك ويجملك أكتر.

احنا بنقابل ناس مش شبهنا عشان نعرف نميز بين الصح✅ والغلط❌... الخير😇 والشر😡... الأبيض⚪ والأسود⚫... اللي يناسبنا واللي عمره ماهيكون ولو بنسبة بسيطة شبهنا، ظهورهم مش شر لك ممكن يكون ازاحتهم من طريقك خير و بداية لطريق جديد:

“ليست كل العواصف🌀🌪🌩🌀 تأتي لتعكر حياتك بعضها يأتي لتطهير دربك🌬."

هنا بقي هتقدر تحكي قصص اتعلمت منها ونورت جواك بعد ما اتضحت حكمة ربنا، ومش هتحكي قصص انتصر فيها الشر😡 علي الخير😇 لأن ده مش عدل ربنا.

بالتضاد تعرف الأشياء... فلولا الليل 🌠لم نعرف ما معنى النهار🌞!

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 07 مارس 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا