وتأتي السعادة حينما نؤمن أنها ستأتي! - مقال كلاود
 إدعم  المنصة   
makalcloud
تسجيل الدخول

وتأتي السعادة حينما نؤمن أنها ستأتي!

من أسئلة الخاص

  نشر في 18 ماي 2022 .

وتأتي السعادة عندما نؤمن أنها ستأتي

من #أسئلة_الخاص 

- هو اللي بيضيع مننا ممكن يرجع تاني؟

= أكيد وفي صورة أحلي كمان👌


كُلنا بلا استثناء حياتنا اتدمرت واتلغبطت بسبب الناس اللي مرت علينا، وكل فترة هيعدي عليك شخص ياخد من عمرك شهور وسنين ويسيب لك نغزة في قلبك💔 ويمشي... والحقيقة اللي توجع إننا ما صعبناش علي حد لا حبيب ولا قريب ولا حتى صاحب، وكله كان بيقسي علينا لغاية ما وصلنا لمرحلة أصبحنا فيها مطفيين😑 لا عندنا ثقة في حد ولا عندنا شغف نعمل أي حاجة وبقينا نسأل أسئلة بلسان قلوبنا اللي بتوجعنا😔 علي #أمل إن #الإجابة تطمنا... 

هتفضل تسأل وتدور علي حد ينصحك ولو لقيته هيطلب منك وبكل أريحية إنك "تنسي"

ما حدش فاهم إن مشوار #النسيان دا صعب جدا والناس فاكرة إنهم لما يقولوا لك إنت لازم تنسى فلان كدا خلاص إنت هتفعل وضع النسيان وهيخرج من #قلبك بمجرد ما تشرب قهوتك☕️؛ لو الموضوع بالسهولة دي ما كانش حد غلب ولا حد سأل عن اللي ضاع.... إنت ممكن تضيع سنين من عمرك بتحاول تنسي شخص وفجأة تشتغل #أُغنية في مكان عام ترجعك لنقطة الصفر 0️⃣ من تاني وتفكرك بكل لحظة عشتها معاه لدرجة إنك بتبقى عايز تقعد على الرصيف وتعيط 😭من كتر وجعك... لكن حاجة واحدة بس هي اللي هتساعدك وهتزرع الأمل فيك من تاني: 

               عوض ربنا إذا جاء... أنساك كل مافقدت

⛔️ اوعي تنسي شخص اذاك أو وجعك وبلاش تفضل تحاول تنسي لأنك مع كل محاولة هتفكر نفسك به وبكل صغيرة وكبيرة جمعتكم... ✅️ بالعكس افتكر:

⬅️ إن ربنا رد #سيدنا_موسي لوالدته لما أصبح وجوده في حضنها مش خطر عليه،

⬅️ إن ربنا رحم #سيدنا_أيوب من مرضه ورد له عافيته وصحته بعد ماكل حاجة راحت منه،

⬅️ إن #السيدة_مريم كانت بتتمني الموت وهي مش عارفة إنها هتكون أم لنبي...

✅️✅️ وافتكر إن ربنا قال في #كتابه_الكريم : " يُؤْتِكُمْ خَيْرًا مِّمَّا أُخِذَ مِنكُمْ" 

#عوض ربنا مش بيكون علي قدر المفقود لكن خير منه وأجمل منه وأفضل منه، عوض ربنا مش خير منه في شئ☝️ أو اتنين✌️ او عشرة لكن خير منه في كل شيء... 

 وتأتي السعادة عندما نؤمن أنها ستأتي



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 18 ماي 2022 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !


مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا