مصر يا اما يا سفينه بقلم : عمرو عثمان - مقال كلاود
 إدعم  المنصة   
makalcloud
تسجيل الدخول

مصر يا اما يا سفينه بقلم : عمرو عثمان

(مصر يا اما يا سفينه)

  نشر في 15 يناير 2018  وآخر تعديل بتاريخ 15 يناير 2018 .

مصر يا اما يا سفينه ..

يا صبيه ، وصابها شيب ..

ياللى عايشه ع اللى كان ..

فيكى ميزه فى كل عيب ..

ملكيش امان وانتى الامان ..

ملكيش حبيب الا الغريب ..

والظلم في اقرب قريب ..

وحياة تاريخك العجيب ..

لو تسمحي ، متكمليش ،

لفي الشراع المستجيب ..

أو اهدى حبه ومتدوسيش ..

ع اللى باقي من حبيب ..

..........................................

مصر يا اما يا سفينه ..

سامحينى مانيش الخِضر ..

ولا اعرف غيب لاحداثك ..

فاصونك لو ملك ظالم ..

هينهب حتى أنفاسك ..

جرايد غدك الفتان ..

تمجد كل من داسك ..

فى اول صفحه ، والعنوان ..

المجد لكل حراسك ..

تعيش اقلام بتكتب غش ..

وتسقط كل اقلامى ..

ما دام حراميكى لابس وش ..

وبيمثل دور الحامى ..

...............................

مصر يا اما يا سفينه..

مهما كنا خفاف عليكي..

بردو غاويه تغرقينا ..

اتجاهك ليه مُنافق ؟!

اتجاهك ليه معادينا ؟!

اهدي حبه ومتدوسيش..

ع اللي فاضل ليكي فينا ..



  • AmRo OsMaN
    رأيت الأسود ضيفا على الوان الطيف فى مجتمعنا العربي، رأيت السياسه مرضا نفسي ، رأيتهم يتربصون ويكرهون ويبغضون الحق، رأيتهم يهللون ويفرحون ويراقصون الباطل ، ليسوا كغيرهم على الاطلاق، شعوب تعيش وطنية راسخه صنعها لهم حكام ...
   نشر في 15 يناير 2018  وآخر تعديل بتاريخ 15 يناير 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا