مساحة امان - مقال كلاود
 إدعم  المنصة   
makalcloud
تسجيل الدخول

مساحة امان

استسلام

  نشر في 05 غشت 2019 .

مفتقدة مساحة الأمان بتاعتي جدا عايزة أرجعها بأى طريقة مش عارفة هتجنن

مش واخدة عليا كده ،

ال in the middle of no where

ده صعب اوى اللي هو اتوبيس كام رايح فين جدا، حاسة اني متربطة اوى وابتديت اهيس واخرج برة الصندوق بس بهبل عارف لما تدى لحد حاجة غالية عندك اوى

هو بمزاجك اه بس انت مضايق انه خدها كانت بتحسسك بالأمان بس برضه مش هينفع تستخسرها فيه اللى هو انا ادتهالك اه بس لما اعوزها هرجعها مع ان ده صعب بغباء م هو يا تاخدها يا تسيبها وال٢ فيهم risk فتقوم تعمل ايه بقي تشغل دماغك فى حاجة تخليك ترجعها بالطريقة وخصوصا لما تكون بتتلكك وجاتلك فرصة عشان كده انا مينفعش اتساب لدماغي عشان دماغي بتحب المشاكل مش لأي سبب غير أنى سيئة الظن اكتر من اى حد فى الدنيا ودماغي شغالة ٢٤/٧ وبشك فى كل الناس ولما ببتدي اثق فى حد بفضل انكش عشان اطلعله اى ديفو اقدر بيه ارجع الحدود ومساحة اماني مرة تانية واقنع نفسي اني صح وان محدش يستاهل افكر اثق فيه وافضل فى دايرة مغلقة من الفوبيا والبارانويا

لحد يحصل اللى يحرقلي كل الهري بتاعي وابقي مكسوفة من نفسي ومن ظني ومن دماغي اللى هتوديني فى داهية وعقلي اللي رافض طول الوقت يصدق احساسي اللي بنسبة ٩٠% بيطلع صح بس انا بحب اركنه ع جنب عشان مبحبش شخصيتى المستسلمة اللي بتسلم بحاجات كتير عشان عندها حدس بيقولها أن ده الصح زى م اكون اتعودت ع الحرق وعدم الراحة وبدور ع اي حاجة تخليني اخرج من هدوئي اللى مش متعودة عليه واروح لسوء ظني وهواجسي اللي ملهاش اي اساس م الصحة ورغم كده غرقانة فيها ،،

اكيد هييجى عليا يوم واكفر بكل حاجة سلبية جوايا وآمن بإذن كل حاجة جاية پإذن الله هتكون حلوة واني لازم اركز واصدق فى العلامات والإشارات والحاجات الكتير المختلفة اللي بحاول طول الوقت اتجاهلها بسبب اوهام فى دماغي انا بس ،،

انا لسة محتاجة مساحة اماني بس اللى بتقرب مبتبعدش محتاجها بطريقة مختلفة محتاجة مبقاش محتاجها من كتر م انا مطمنة ،، 



   نشر في 05 غشت 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا