قبل 20 سنة - مقال كلاود
 إدعم  المنصة   
makalcloud
تسجيل الدخول

قبل 20 سنة

  نشر في 20 أكتوبر 2018 .

 قبل 20 سنة "

قبل 20 سنة كانت الناس غير الناس

قبل 20 سنة كانت الدنيا غير الدنيا

قبل 20 سنة كنت لما اروح من مدرستي الاقي ستي اول الناس باستقبالي لحكم انها على طول قاعدة على باب البيت بتهني بفلانة وبتهوي لفلانة ولعدم معرفتها بالقراءة ولا بالكتابة كان اخر همها شو اخدنا اليوم كل همها ليش موسخ اواعيك يا ستي وين كان يا ابن العرص هي المدارس هيك بتعلمكوا واهيئ حالي فورا لاستقبال وابل من الشتائم وتقليل القيمة !

كنت افكر ستي بتكرهني وما بتحبني بس الغريب انها كانت اول ما تخلص موشحها تحكيلي بكل حنية

( جوعان يا ستي اقوم احطلك توكل ) ؟!!!!

كانت تحطني بحالة نفسية اصعب من عذاب المخابرات الامريكية مش قادر افهم هي بتحبني والا ما بتصدق تشوفني لحتى تفتح فيي !

قبل 20 سنة كان عنا تلفون ارضي لما كان يرن نرقض عليه انا واخواني تقول الي راح يسبق بالرد كأنه راح يدخل موسوعة جنيس ، وفي كل مرة كان يرن فيها التلفون كان يمسح فينا الارض ابوي ( قليلين ادب ، كلاب ، مش مربيين ) لحتى في يوم صدر قرار البلاط السلطاني من ابوي اذا انا بالبيت ممنوع حدا يرد على التلفون ولما بكون طالع اللي برد بس الكبير !! وبما اني الكبير ارتسمت على ملامحي ابتسامة الخباثة والانتصار وصار كل ما يرن التلفون اتمختر في مشيتي لحتى اوصل السماعة او اعمل حالي مش سامع حتى يرد حدا من اخواني وياكل اللي فيه النصيب بس للامانة كانوا صاحيين كثير كانوا يجوا ينادوني من ثاني غرفة تعال رد التلفون برن وانا قال اعصب شو يعني برن خربت الدنيا هسا بروح !

قبل 20 سنة كنا لما نقعد على التلفزيون نستنى تيجي الدعايات بس عشان نشوف الاشياء اللي بنشريها من الدكان كيف بتطلع على التلفزيون !

قبل 20 سنة كنت تمشي بالشارع الناس مروحة من شغلها مبسوطة بتضحك تاخد معه الحارة من اولها لاخرها ساعتين وهي فعليا شكولاتة روكو ايامها اطول منها بس هو بسلم على فلان وبوقف شوي مع فلان وروح المحبة والألفة ملية الحارة !

قبل 20 سنة كان اذا رشح حدا بالحارة والا فلوز بيته ما يفضى ناس فايته وناس طالعة وطقم كساات فايت وطقم صحون طالع ، كنت اتخبى من جارنا لما بدي ادخن لاني عارف انه راح يضربني قبل ما يحكي لابوي وتصير القتلة قتلتين !

قبل 20 سنة كانت لمة العيلة كل اخر نهار قدام البيت نستناها كانه بنستنى نتائج التوجيهي والا دخلة جيراننا علينا سهرة كأنه عيد فطر والا عيد اضحى انه اليوم ما في نومة بدري عشان المدرسة بحجة انهم موجودين وانه بدنا ننزل نلعب مع اولادهم لحتى يروحوا من عنا !

كنت افرح بالشلن اكثر من فرحتي بلبسة عيد واذا جبت علامة منيحة واتطورت لبريزة كنوع من المكافئة كنت امشي بالشارع ابو زيد خالي !

وين راحت الضحكة ؟!

وين راحت راحة البال ؟!

وين راحت عفوية الناس وطيبتها ؟!

وين راحت ألفتها وتكاتفها ..

صار الجار كتر خيره اذا رد السلام على جاره صار الاخ اخر همه اخوه وصار الاب مكسور .. ضعيف صافن وسرحان طول الوقت كيف كان وكيف صار ومش مستوعب انه الدنيا اتغيرت وجيل زمان راح وفرحة وفزعة زمان راحت شايف اولاده قدام عينه مشتتين ومش عارف يلمهم وكله بس داير على مصلحته

صار الدم وقصص القتل مسلسل يومي مش عم بنتهي لا بالحارة ولا بالتلفزيون !!

صرنا نخاف من الشيخ قبل ابن العرص ، بطلنا نعرف مين صح ومين غلط ،

صرنا نخون اقرب الناس النا بعد ما كنا نزرع ثقتنا في مرار الطريق !

الله عليك يا زمان


  • 4

   نشر في 20 أكتوبر 2018 .

التعليقات

مريم منذ 1 شهر
الله ...حكاياتك والزمن الجميل....ما كان عندى "ستي" لذا كان حظي قليل من الشتائم☺️صراحة أسعدتنا بهذا المقال الذي أعاد لنا اجمل الذكريات واحلى الأيام ،، اللعب فى الشارع وأمهاتنا حولنا،، اللمة حول التلفاز والهاتف الأرضي،رغم تغير الحال لكن لازالت الذكريات لها تأثير،،
1
ابو البراء
سررت بمرورك سيدتي شكرا لاطرائك الجميل
عزيزي أبو البراء ، الدنيا هي الدنيا نحن من غيرنا من اهتماماتنا ، انخدعنا بالدعايات وبالموبايلات وبالموضات وبإغراء البنوك والسيارات ، وتقسط شقق بالشيكات والدفعات ، نحن لا زلنا نحن البشر ولكن اهتماماتنا التي تغيرت ، همنا هو الذي تغير ، فلم نعد نكتفي بأس شاي في المساء مع رغيف خبز طابون مع زيت وزعتر او قرص جبنة بلدي مع كاس شاي ، نحن من نشتري الثقافات ، نحن من نشتري من الصيدلية ادوية مصنعة كميائية بعدما نهرع الى انسان درس علم الغرب وأفكار الغرب وثقافة الغرب ويروج لصناعة الغرب الكيماوية ، لم تعد شربة القريعة او المرمية المرة تشفينا ولم يعد البصل والثومة والليمون لزكام الشتاء يكفينا ، اصبحنا لا نطيق رائحة الحلبة ولا طبخة المهلبية ارز وحليب طبيعي مع سكر ، بل هما اليوم فنجان القهوة الاكسبرسو والدخان والشغل الشاغل للجميع هو المال بغض النظر عن كيفية تحصيله فبالمال تكون الملك وتشتري أبو زيد وعبيد ، لم تعد تهمنا القيم ولا الاخلاق ولا منهج النبي صل الله عليه وسلم ولهذا كثرت المشاكل وكثر القتل وكثر النزاع وغادرت البركة ولم يعد الحب يضمنا بل كلمات تقال حتى نبقى في الوظيفة . ومع هذا اشكرك لانك حقيقة اخبرتنا عن جداتنا اللواتي كن حقيقة كما وصفت ، اللهم ارحم جداتنا واجدادنا واهدنا سواء السبيل .
1
ابو البراء
اشكر مداخلتك استاذي الفاضل وتعليقك النقي الصافي الذي فصلت فيه الكثير من طيبة الثقافات القديمة التي كنا نفخر بها كما ذكرت وكانت ترضينا رغم بساطتها !
افخر بمرورك على متصفحي مرة اخرى
يسعدني ويشرفني أنك تقرا كتاباتي على صفحتي
2
ابو البراء
طبعا بالتأكيد يشرفني وسوف افعل
مااشاءالله بصرااحه كتاباتك جداا جميلة وراقية استمرر وبقووة
هكذاا هي الدنيا لا يبقى شي على حاله كل شي يتغير
ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعت
كم كانت كلماتك رائعه في معانيها
فكم استمتعت بموضوعك الجميل


دمت بألف خير
2
ابو البراء
سعدت جدا بمرورك شكرا لهذا الاطراء الراقي
Salsabil Djaou منذ 2 شهر
لقد أبدعت أستاذ أبو البراء ،و زادت اللهجة النص صدقا ،الأحوال تتشابه في كل مكان ،من أروع المقالات التي قرأتها لك ،تحياتي و تقديري.
3
ابو البراء
شكرا لك سيدتي ولتشجيعك الراقي راقت لي ان اسردها بالعامية كنوع من التغيير والابتعاد عن الرتابة وتفصيف الجمل آملا من الله حقا ان تحظى باعجاب القرّاء الاحباء

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا