التسامح دواء القلوب - مقال كلاود
 إدعم  المنصة   
makalcloud
تسجيل الدخول

التسامح دواء القلوب

  نشر في 30 نونبر 2018 .

#موقف_لا_ينسي

"التسامح دواء القلوب"

كنت في طريقي للشغل وفجأة دخل المترو🚋 ألماني 🇩🇪في الأربعينيات من عمره. شكله مهندم 😎ومتزن لكن حزين جدا جدا😔. كان متوتر 😣لدرجة انه بيخبط بإيده علي رجله وهو قاعد بعصبية😡 شديدة. بيكرر : " أنا المذنب" "انا اللي عملت في نفسي كده" "اذاي ده يحصل معايا"

دور وشه وبدأ يبص من الشباك ودموعه غلبته 😥 وقتها صعب عليا جدا، ماحاولتش اني اكلمه وكنت بخفي نظراتي له مع اني كنت متأكدة انه مش مركز مع حد بالمرة. كنت حاسة ان جواه بركان هينفجر علي أتفه الامور في الوقت ده عشان كده ناس كتير تفادت النظر إليه.

مش عارفة ليه حسيته بيعاني مرارة الإهانة أو الظلم😑 مش اي شيء تاني وارتفعت عندي ذكريات الماضي وطفت ع السطح وشوفت نفسي فيه😞. كانت دموعه 😢 بتوجع قلبي وملامح وشه اللي بتنكمش😟 وهو بيعض علي شفايفه☹ بتقبض قلبي. استمر ع الحال ده يمكن 10 دقايق 🕦 ثم وقف ونزل من المترو🚋: واضح انه مضطر يكمل ومضطر يتظاهر انه بخير بس كانت لحظة ضعف😔 وفيها صعبت عليه نفسه😔😔.

الموقف ده اعادني لمواقف سخيفة وصعبة أنا شخصيا مريت بها، ويمكن وقتها كنت أسوا حالا😖 منه وإن كنت عملت نفس اللي هو عمله وانا شبه مغيبة. بس بمرور الوقت🕕🕠🕑 اتعلمت اشتغل علي نفسي واداويها بنفسي واستغليت ملكة التسامح اللي كانت بس منسية شوية.

ملكة التسامح:

ساعدتني كتير ووقفتني علي رجلي وخللتني أشوف الدنيا بعين تانية وساعدتني اتجاهل أمور يمكن لو كنت ركزت معاها كانت قضت عليا وعمري ما كنت هقف علي رجلي تاني.

في ناس كتير بتسامح بس مش في المطلق، ملكة التسامح دي من أصعب السمات اللي ممكن يتميز بها انسان عن غيره واللي مش بيكتسبها إلا لما بيقدر يفهم إن "التسامح دواء القلوب".

صعب نقف أدام ربنا يوم الهول العظيم واحنا من المتخاصمين وهو سبحانه اللي يفصل بيننا. اكيد مش عاوزين نوصل لليوم ده واحنا قلوبنا فيها حقد وغل وكره.

✔ في انسان ممكن:

⬅️ يسامح حد مشي من حياته لأي سبب: مش مرتاح معاه او مش قادر يكمل أو مش أد المسؤلية.

⬅️ يسامح اللي يظلمه وياكل حقه وينتظر عدل ربنا.

⬅️ يرضي يقبل الاهانة ويردها بإحسان ويدعي كمان ربنا يسامح ويهدي اللي أهانه.

❌ ع العكس بقي في ناس:

⬅️ مش بتقدر تسامح وتنسي وتقول ربنا كبير.

⬅️ مش بتقدر تخرج الحقد اللي جوا قلبها ولا تتخلص منه. الناس دي بتمشي من مكان لمكان ويمكن من بلد لبلد وتجدد علاقاتها وتغير جلدها بس جواها نفس المشاعر السلبية👎 والحقد والغل وبيكبروا يوم عن يوم جواهم. بيتحججوا بكلام كبير ظاهريا لكنه بيحاكي حجم الحقد اللي جواهم ذي مثلا " وجع القلب سهل أسامح فيه لكن وجع الكرامة لا يغتفر" بس في الحقيقة كل الأمور الدنيوية السخيفة دي يمكن التسامح فيها أمام اننا مانكونش يوم الدين من المتخاصمين.

الناس دي مش فاهمة إن الدنيا مش مستاهلة مننا نربي جوانا المشاعر المؤذية ديه واللي بتكون مؤذية لنفسنا قبل ماتأذي غيرنا.

✔ التسامح بيصفي قلوبنا من الشوائب اللي بتأذيها، اللي بتخلليها تعجز بدري، اللي بتسودها يوم عن يوم.

✔✔ التسامح هو سيد الموقف دايما مش طبطبة الصحاب والانتقام والعين بالعين والكلام ده.

✔✔✔ التسامح بيسر القلب وقادر ينسيك بمرور الوقت مرارة الموقف أو حتي الإهانة.

✔✔✔✔ ببساطة التسامح قوة ترتقي بصاحبها لكن الكراهية سلاح يقتل صاحبه... يفرق شملا... يؤذي محبا... ويملأ النفس حقد هي في غني.

#موقف_لا_ينسي

"التسامح دواء القلوب"

#amira_ibrahim_neues_leben


  • 1

  • أميرة أحمد
    طالبة دكتوراة في تخصص اللغة الفرنسية وآدابها
   نشر في 30 نونبر 2018 .

التعليقات

كان عليك يا اميرة ان تواسيه ولو بمحرمة حتى يمسح دموع الحزن او ليجد امامه من يشعر به ليخف ثقل الحزن عليه .
1
أميرة أحمد
صح لكن ماقدرتش لان في بعض اللحظات يجب عدم التجروء عليها حتي لو كشف صاحبها عنها بدون قصد . تحياتي

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا