اسعد نفسك بنفسك - مقال كلاود
 إدعم  المنصة   
makalcloud
تسجيل الدخول

اسعد نفسك بنفسك

  نشر في 18 يناير 2019 .

" اسعد نفسك بنفسك "

السعادة مش مرتبطة بشخص ولا سن إنما هي مجرد فكرة🤔.

وانك تسعد نفسك دي فكرة يمكن صعبة، لكن مش مستحيلة⛔

لو حافظنا مثلا علي طقوس يومية بنحبها وبتسعدنا 😃 أو بتخفف من عناء اليوم ومسؤلياته:

⬅️ إنك لما تصحي ماتتكلمش🤐 مع حد فترة ساعة أو نص ساعة ⏰ لحد بس ماتفوق،

⬅️ إنك تعمل فترات الراحة بانتظام مع صلاة الظهر مثلا عشان تشحن طاقتك،

⬅️ إنك تمشي يوميا لمدة ساعة لو بتحب تتريض،

⬅️ إنك تشتري ورد 💐أو مجلة أو كتاب📘 وانت بتتسوق وبتجيب طلبات البيت،

⬅️ إنك تقعد مع نفسك قبل النوم شوية في ضوء شمعة🕯 أو تسمع موسيقي🎶🎧 هادية أو تقرا قصة📔.

دي ☝️كلها تفاصيل هتسعدك بشكل يومي لكن لو عاوز تسعد نفسك علي المدي البعيد:

⬅️⬅️ عشان تكون سعيد افتكر ماتزعلش😑 علي حاجة لمدة طويلة، أعطي نفسك ساعة أو ساعتين أو يوم بس مش يوم كامل بمعني ماتنامش وأنت لسه زعلان😞،

✔ في الفترة دي هتلملم نفسك من تاني وتطبطب علي قلبك وترتب أفكارك وتهدي عقلك وتعدي الموقف فتهدي أعصابك.

⬅️⬅️ عارف تسعد نفسك بإيه كمان بإنك تجاور السعيد 😄علي رأي المثل المصري المعروف، تتمسك بصديق بيعرف ينشر جواك الفرحة ويولد حواليك طاقات رائعة: إيجابية علي منتجة علي مبدعة علي مفكرة، ذي مثلا زميل محفز مش محبط.

⬅️⬅️ اتمسك كمان بالشخص اللي مصدقك ومؤمن بك وقدراتك ومهاراتك والأهم مصدق الخير اللي جواك.

⬅️⬅️ حاوط نفسك باللي يفضل أد الوعد اللي وعده والكلمة اللي نطقها.

⬅️⬅️ قرب من اللي في لحظة يأسك 😟وضعفك😔 مش بس يطبطب علي كتفك وانت واقع ده بيكون رجلك اللي بتقف عليها من تاني.

⭕ في روائي أمريكي🧔 اسمه Steve king يأس😟 لدرجة انه لما انتهي من روايته الأولى مش كان مقتنع بها ولا مصدق انه موهوب فرماها في الذبالة، لكن زوجته👱‍♀️ فتشت وراه واخدتها وتواصلت مع دار نشر عشان الرواية تظهر للنور وقد كان وحققت نجاح كبير جدا واتطبعت ملايين المرات.

⬅️⬅️ عشان تسعد نفسك رتب علاقاتك حسب الغلاوة في ناس غلاوتها هتزيد وناس غلاوتها هتقل وناس هتتولد لها غلاوة وناس مهما تعافر وتحاول خلاص مابقالهاش غلاوة حاول تستوعب انها أرصدة.

كل دي☝️☝️☝️ تفاصيل صغيرة بها انت مش بس بتسعد نفسك😄 انت بتدربها تقوي في وش الدنيا اللي هتستمر بنفس صعوبتها ومشاكلها... بحلوها ومرها... بخيرها وشرها:

Das Leben wird nicht leichter, du wirst nur stärker!

✔ الأفكار دي بتساعد علي إعادة شحن بطاريتك أو طاقتك؛ إلي جانب بقي انها بتعلم اللي حواليك احترام خصوصية يومك والإلتزام بطقوسه، كمان بتدربهم يحترموا منهجك وشخصيتك وآرائك وتعرفهم الخطوط الحمرا🚫🚫 اللي مش المفروض يتجاوزوها ومن هنا هتهدي أعصابك😌 فتقدر تكمل مشوارك😎 وتنجز شغلك👨‍💻.

✔✔ بالطقوس البسيطة دي انت بتسعد نفسك وبتحافظ علي راحة بالك وده بيخفف من حدة التوتر والضغط وانعكاسه ع اللي حواليك سواء في علاقة شغل أو بيت أو صداقة.

✔✔✔ ال Atmosphere حواليك هيكون ايجابي ومبهج 😄 مش كئيب😪، مجرد التفكير في شيء يفرحك أو تنفيذ فكرة بتسعدك كافي يخرجك من دايرة الاكتئاب😒 بسهولة ويخلق لك نمط حياة جديدة حياة سعيدة انت صنعتها بنفسك لأنك مقدر مفهوم انك تكون سعيد😄.

✔✔✔✔ إسعاد الذات مش أنانية أبدا بالعكس أنت أولي بنفسك تسعدها لأنها تستحق السعادة.

#amira_Ibrahim_neues_Leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 18 يناير 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا