اشحن رصيد الستر - مقال كلاود
 إدعم  المنصة   
makalcloud
تسجيل الدخول

اشحن رصيد الستر

خاف علي رصيد الستر ذي ما بتخاف علي باقة النت!

  نشر في 13 غشت 2018 .


بلاش تفكر🤔 مرتين في خير هتعمله،

إوعي تتردد في مساعدة انسان،

✔ أي فكرة حلوة تيجي في بالك إعملها طالما هتسعد بها حد،

✔ وأنت ماشي في الشارع لو لقيت إزاز مكسر جمعه علي جنب وإوعي تفكر في معادك أو الأوتوبيس اللي هيفوتك،

✔ خلليك مبتسم😁 في وش الناس ده تبسمك في وجه أخيك صدقة،

✔ لو لقيت حد غلبان 😑 اديله كل اللي في جيبك،

✔ لو شوفت حد جعان اديله اللقمة🌮 اللي في ايدك،

✔ لو شوفت واحد نايم ع الرصيف اشتري ميه وأكل🥗🍔 وحطهم جنبه،

✔ سيب شوية ميه للعصافير🐦 في بلكونتك أو علي شباك غرفتك،

✔ حط شوية اكل للحمام 🕊 علي السور،

✔ قول صباح الخير!

انت كده بتشحن رصيد الستر!

🚫 اوعي تفتكر إن المشوار اللي بياخد ٣ ساعات فهلوة🤨 منك انك اخدته بالعربية في ساعتين... ده ربنا سترها عليك بعد ما كسرت علي فلان ورفضت تعدي علان ومش صبرت علي ما الغلبان يعدي بدون خوف منك أو من الطريق.

🚫 اوعي تصدق نفسك إنك ناصح🤓 وبتعرف تحل أي مشكلة... ده ربنا سترها عليك بعد ما قصرت في شغلك وأهملته وكروته.

انت في كل مرة كنت بتسحب من رصيد الستر اللي ربنا كاتبهولك، عشان كده حاول دايما تشحنه أول بأول لأنه لو خلص أكيد هتبدأ تعاني.

إعمل الخير واوعي تشوفه قليل مهما كان...

اعمله بس في أهله عشان مايتقالش عليك ساذج!

سيدنا داوّد لما شاف الميزان قال :

" يارب من منا يستطيع ملئ هذه الحسنات ؟! " فقال اللّه : " يا داوّد إن رضيت عن عبدي ، ملأته ولو بشق تمرة"

شق تمرة ، #وجهة_نظري فعل الخير فعلا يسير بس اللي قلبه فيه خير هو اللي يعرف طريقه!

اقول لك نصيحة؟ خاف علي رصيد الستر ذي ما بتخاف علي باقة النت!

" اشحن رصيد الستر "




  • أميرة أحمد
    طالبة دكتوراة في تخصص اللغة الفرنسية وآدابها
   نشر في 13 غشت 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا