تبصر من تهوي وتفقده...وناظر القلب - مقال كلاود
 إدعم  المنصة   
makalcloud
تسجيل الدخول

تبصر من تهوي وتفقده...وناظر القلب

  نشر في 28 مارس 2019 .

" تُبصر من تهوى وتفقدُهُ 

❤❤❤❤❤ وناظر القلب لا يخلو من النظرِ "

#أسئلة_الخاص :

أميرة... أعرف إذاي إني بحب💞؟

والسؤال التاني: أحب إذاي؟

السؤال الأول سهل أجاوبك عليه لكن التاني إجابته عندك مش عندي وان كنت أقدر برضو أساعدك بس لازم تكون مستعد تستوعب نظريتي .

دي ☝️ أسئلة وصلتني ع الخاص وده كان ردي، وحقيقي مش سهل تتأكد إنك بتحب💞 أو حتي تتعرف علي اللي جواك وتسميه حب💕.

⬅️❤ لو حبيت هيبان في عنيك 😍 ولمعتهم وخجلهم 😊 هيكشفوا عن اللي جواك...

⬅️❤ لو حبيت هتتشد بعقلك مش بس قلبك ❤، ده اللي يخطف القلب بيشغل العقل ويسيطر علي التركيز...

⬅️❤ لو حبيت هتنشغل بكل تفصيلة تخصها وكل خطوة بتمشيها وبكل مكان بتزوره وبكل كلمة بتنطقها...

⬅️❤ لو حبيت هتعشق صوتها، ودانك هتتعلق بها ومش هتقدر تنسي نبرتها...

⬅️❤ لو حبيت هتفرق كتير عن غيرها... هيفرق غيابها… زعلها😣… كلامها... تشجيعها ورأيها...

⬅️❤ لو حبيت هتشوفها حتي وهي مش معاك وهتحسها رغم إنها مش وياك...

⬅️❤ لو حبيت الشات مش هيتمسح والكلام مش هيخلص والصور هتشوفها بدل المرة ١٠...

⬅️❤ لو حبيت هتقف ذي عصفور صغير 🐦 علي كتفها تتلمس هواها... عطرها... صدقها... فتعشق عيونها وتحب وتغير ... فتنسي تطير...

⬅️❤ لو حبيت هتتفاجئ😯 بالإحساس والمشاعر والقرب اللي مش لاقيته في غيرها ولا عيشته بالشكل ده قبلها...

⬅️❤ لو حبيت هتنبهر😮 بالملامح اللي تشبه ناس كتير بس عندها هي مختلفة وتتحب 🤩 كل يوم أكتر من اللي قبله...

⬅️❤ لو حبيت هتشوفها أجمل 🥰 حد... دعاء🙏 استجاب... رزق مش متوقع... العوض اللي بعد الصبر وجنة ربنا في الأرض...

⬅️❤ لو حبيت هتلاقي نفسك لكلامها مرتاح… متطمن... ومعاها نفسك تكمل...

⬅️❤ لو حبيت هتشوفها تحويشة الزمن اللي شالها لك علي جنب ورزقك بها وقت اللزوم...

⬅️❤ لو بتحب هتقول لها بكل صدق:

You are the One and Only!

⬅️❤ لو حبيت هتشوفها مختلفة عن كل اللي حواليك مش مجاملة حب🤩 لكن عيونك راسمة حواليها هالة وكأنها قمر واللي حواليها كلهم النجوم...

⬅️❤ لو حبيت هتحط إيدك علي قلبك فتحس بها...

⬅️ لو حبيت هتحب كل تفاصيلها ومش هتنقي وتختار وتغير وتطور وتصلح وتلون هتقبلها ذي ماهي كتلة كاملة لا تتجزأ ولا أنت أصلا حابب تجزأها...

⬅️❤ لو حبيت هتحب العيوب 👎قبل المميزات 👍ويمكن تروح لأبعد من كده وتشوف عيوبها بتميزها 👌عن غيرها...

⬅️❤ ⬅️❤ في #وجهة_نظري أنت لو بتحب بجد 👌 وقلبك مش بيخدعك ولا عقلك اتبع هواه هتلاقي ربنا مسخر أمور كتير جدا عشان تدخل نور الحب لقلبك وتكشف لك عن سر أنت ماكنتش متوقعه وتفتح لك باب🚪أنت من وقت طويل كنت قفلته ويسخر لك القدر والصدف والأحداث عشان تقول لك في النهاية:

أنت بتحب 💕❤💞

لكن تحب إذاي؟ ده سؤال إجابته مش بسيطة وإن كنت اشترطت قبل ما أجاوب إن لازم يكون في استعداد لاستقبال نظريتي مش طريقتي.

كل واحد فينا بيحب بطريقته ولو عرفتك طريقتي تبقي أنت محب فقير استشفيت منهجك من حد تاني ووفرت حتي إنك تجتهد في الحب، أنا جاوبت وجواب السؤال التاني في بوست منفصل.

تُبـْـصِرُ مَن تَهْوَى وتَفقده

❤❤❤❤❤ونَاظِرُ القَلْبِ لا يَخْلُو مِـــن الـنَظَر

إن كَانَ لَيْسَ مَعْى فَالذِكرُ مِنهُ مَعْي

❤❤❤❤❤ يَرَاهُ قَلْبِى وإنّ غَابَ عَنْ بَصَرِي

ُالوَجْدُ يُطربُ مَن فِي الوَجْدِ رَاحتٌه

❤❤❤❤❤ ُوالوَجْدُ عِنْدَ وُجُودِ الحَقِّ مَفَقُود

قَدْ كَانَ يُوحِشُني وَجدْي ويُؤنِسُني

❤❤❤❤❤ ُلِرُؤيةِ وَجْدِ مَن فِي الوَجْدِ موجود

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 28 مارس 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا