نبذه1_تايِه! - مقال كلاود
 إدعم  المنصة   
makalcloud
تسجيل الدخول

نبذه1_تايِه!

احنا ،

  نشر في 30 نونبر 2018 .


..........

وارد إن الإنسان يمر بفترات توَهان ، و غالباً الفترة دي بتبقى خارج الحسبانيّه , يعني مبيبقاش عامل حسابه انها تبقى في نتايج فعل ما ..و لكن بيلاقي نفسه اورّيدي بقى جواها من غير مقدمات ،

و احتساباً للقول " المصائب لا تأتي فُرادى " بعيداً عن ماهيّة المصايب دي بس انت بتلاقي الفترة دي بيتزامن فيها حاجات كتير كلها أنيّل من بعض منها ما هو مادي و منها ما هو معنوي !

و لو مسكنا كل جزء من الفترة دي عشان نحل العقده بتاعته محتاجين صبر أيوب و ارادة جبل و و سيطرة على النفس جبّاره و حاجات كتير كدا غالبا مبيبقاش متوفر بالنسبالك ولا واحده فيهم ..فتعمل ايه بقى ؟! ,, في صورتين للتفاعل مع الفترة دي ،،

_الصورة الأولى : تكتئب و تُقع و تكره نفسك و الدنيا و الناس و الحيوانات و النبات و الجماد و كلاب السكك و كل ما أمكنه تشكيل بيئه محيطه بيك و تسيب حاجتين بس متزهقش منهم..

* موبايلك.. ودا لسببين ..

1- تفتح فيس تشوف منه بوستات من نوع " أنا متدمر .. انا قلبي مكسور...ودني الشمال بتبسبس لصباع رجلي الصغير أنا هنتحر ...إلخ "

2- يوتيوب البتشغل منه أغاني حزينه عشان تعيّط عليها ,, و تتفرج على فيديوز من نوع

" شاهد قبل الحذف نموسه بتنونو للقطه ، لاتخرج قبل أن تقول سبحان الله و إلا ستُسخَط إلى معزه " !!

* تاني حاجه مبتزهقش منها و الأهم هي التلاجه ! ,,أيوا التلاجه ،، ماهو أي حد بيمر بالفترة دي يا يخرج منها منتحر ، يا بيخرج وزنه الضعف من كتر الأكل ! ااه و الله ..تبقى قاعد حزين كدا و مش طايق نفسك و كنت لسا بتشتم في الدبانه الزنّانه العماله تلف حواليك ، و فجأه تلاقي كرشك الجبار عمل مؤامره مع مخك عشن يخطر في ذهنك صورة ل سندويتش شاورما فراخ ,تومية كتير,عصير مانجا ، بطاطس صاج سبايسي مع بيبسي ، نص فرخه مشويه ، اندومي ، كنافه بالمنجه ، بسبوسه ، و غيرها من الأكلات المش لذيذه خالص!!(سامحني يارب ع الكدب ) 😂

_الصورة التانية : أول ما تدخل الفترة دي و قبل ما تفقد الأمل و جذوة الحماس تنطفي جواك بتلاقي أي حاجه حصلت فجأه كدا فكرتك بربنا ! ,,و متفكرش في نوع الحاجه دي لانها بتبقى غريبه و غالبا ملهاش علاقه و دايماً متغيّره من حال إلى حال و من شخص لشخص ، و لنفرض الحصلّك ان البت " سوكا " صاحبتك سابتك و انت كنت بتحبها ، و أبوك طردك من البيت عشان شلت مادتين ، و خلاص مبقاش في أمل بالنسه لك في الحياه !

" خلينا نفرض انك كنت ماشي في الشارع " تبص على إيدك و تقول ايه دا مفيش صليب ، أنا مش مسيحي ,, يارب ما أكونش ملحد ! فتفح الأكاونت بتاعك تلاقي اسمك " محمد " فتفرح يبقى مسلم ,,تشوف نوع بوستاتك فمتلاقثيش اي فكر إلحادي فتحمد ربنا ، و تلاقي خالتك أم فتحي بتنده عليك و تقولك يا واد يا محمد يا سيكا ! بيقولك " فتحي سِنجه " مجيتش صليت الجمعه ليه ؟! ,,فتقوم متنح و تقول يا نهار اسود أنا اسمي " سيكا " و صاحبي اسمه " سنجه " و مبصليش الجمعه !!

فمتردش عليها و تكمل طريقك و تروّح تتحايل على أمك تتوسطلك عند أبوك يسامحك و يرجّعك البيت و أبوك يقبل فتروّح و تدخل أوضتك و تقعد و تفتكر موضوع انك مبتصليش غير الجمعه و المفروض انك مسلم و في اللحظه دي تقرر تقوم تتوضا و تصلي ، و تقول الله أكبر وتبدأ الصلاه فتفتكر انك مش حافظ حاجه من القرآن فتسلّم و تروح تجيب المصحف المتشال تحت مرتبتك بقاله سنه عشان تقرأ منه ، تصلي و تسجد هوبااا لقيت نفسك مرتاح ..لا ايه دا !! حلو الشعور دا استنى كدا و تجرب كمان مره تلاقيه أحلى و أحلى ,,تنسجم مع الوضع و تبدأ تشكي حالك لربنا ، و تخلص صلاه فتحس و لأول مره انك حاسس بصفاء نفسي و راحه ، فتبدأ تروح المسجد و تلتزم و ربنا يكرمك بالشيخ " محمود " يصحيك للفجر و تروحوا تصلوا سوا و تنسى البت "سوكا" العملت معاك السليمه !

و بعد ما ربنا يهديك في يوم كدا تجيب ورقه و تقعد تطلع سبب المشاكل الكنت فيها دي كله ،

و تلاقي الآتي ( كان اسمك " سيكا " ، صاحبك كان اسمه "فتحي سنجه " و كنت بستهر معاه هو الشلّه لنص الليل في الشارع تعاكسوا الرايحه و الجايه و لما كان ربنا يهديك و متقفش معاهم تروح تشيّش ع القهوة ، و مكنتش بتصلي غير كل شهر جمعه ولا حاجه و بتبقى رايح عشان تعاكس البنات الخارجه من مصلى النساء ! )

فتقول لنفسك بزمتك ايه في دول عدل عشان ربنا يكافئني بإني أعيش حتى !!

و تعرف ان البلاء الشديد ما هو إلا نداء من الله لــ " تستفيق " عشان حتى لو كان جالك بدل الشيخ عشره و نبهك بخطأ حياتك مكنتش هتسمع و كنت هتتريق و خلاص !

" في ذنوب مبيغفرهاش غير البلاء الدنيوي كل ما كبر البلاء اعرف ان في ذنب كبير انت عامله و مش واخد بالك منه " !

الإمام أحمد الرفاعي بيقول " دفتر حال الرجل أصحابه " فحاول تملى حياتك بالصاحب اللو مش هيغيرك للأحسن ما يشدك للأسوأ !

ربنا يهدينا جميعاً 🖤

#نبذة

#المُريد


  • 1

   نشر في 30 نونبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا