حياتك مش كلمة في كتاب النحو - مقال كلاود
 إدعم  المنصة   
makalcloud
تسجيل الدخول

حياتك مش كلمة في كتاب النحو

  نشر في 02 نونبر 2018 .


ممكن تعدي عليكي ايام تحسي فيها "بالكسر" والتعب، ممكن تعيش الانهيار بالمعني الحرفي👌، ممكن تتعب اوي لدرجة انك مش بتتصور😔 ان في بكرة أصلا.

#وجهة_نظري: بحجم "الكسرة" اللي انت حاساها سيب في قلبك ❤ "فتحة". هيدخل منها نور 🕯وهتشوف منها بكرة وهتتأكد👌 انه فعلا هييجي. من "الفتحة" دي إدي لنفسك فرصة تتخيل انه لسه في فايدة من المحاولة وإن الأمل كل يوم بيتولد من جديد رغم كل محاولات اغتياله من ظروف وناس محاوطاك.

⬅️⬅️ نفسيتك تعبت؟ يوم "مرفوعة" في سابع سما فرحانة 😃 ومبسوطة ومتعشمة خير😄؛ لكن فجأة بتلاقي نفسك "مجرور" من رقبتك😖 ورا هموم الدنيا ومعاناة كل يوم؟

نصيحتي :

⬅️ خلليك "مرفوع" الرأس دايما، بلاش تنزل رقبتك عشان تقول حاضر ونعم وتخذل طموحاتك بإيدك وتشوه حاجات حلوة كتير جواك،

⬅️ بلاش ترضي تكوني "مجرور" ورا أمل كداب أو حد وظيفته "النصب" بيلعب علي خيالك عشان يبتزك عاطفيا وإنسانيا ويوصل هو ويوقفك🚫 انت مكانك محلك سر وكأنك "ممنوع من الإعراب "،

⬅️ انتبه لكل واحد بيبتسم لك 😃 وبيطبطب عليك وخللي بالك من "أدوات النصب"😉.

⬅️⬅️ فقدت الأمل في بكرة؟ مش شايف فايدة من تعبك وجريك ورا أحلام صعب تتحقق؟

في #وجهة_نظري: انت هنا محتاج "البدل"، هي يمكن صعبة لكن مش مستحيلة،

⬅️ استبدل الكلمتين بس وانت هتتأكد من كلامي،

⬅️ ابني وانت محدد خطواتك وحدد لنفسك جدول زمني تمشي عليه،

⬅️ حط تحت كل هدف خط و"اعربه" واعرف فايدته واهميته ووظيفته في حياتك،

⬅️ ابني مستقبلك "للمعلوم" واستغني عن فكرة انك تبني وخلاص علي أساس أهو يمكن في يوم أوصل مافيش ابدا مستقبل هيرضيك طول ماهو "مبني للمجهول".

نصيحة اخيرة:

في خضم كل التعب اليومي اللي بتعيشه:

⬅️⬅️⬅️ اوعي تنسي تعيش اللحظة وتستمتع بيها...

⬅️⬅️⬅️ خاف علي مشاعرك حطها دايما بين قوسين واتوقف عندها...

⬅️⬅️⬅️ حب نفسك ده مش غلط وجرب تستثمر في نفسيتك لانها الوحيدة اللي تقدر تسعدك...

⬅️⬅️⬅️ عبر عن مشاعرك وبلاش تحوشها لانه هييجي عليها وقت وتصبح "ممنوعة من الصرف".

في النهاية اتمني اللي يقرأ البوست يستوعب ان اللي "يرفع" نفسيتك لسابع سما يوم ويخسف بيها الأرض سنين، اللي "يجر" أحزانك من دولاب الذكريات ويخرجها بعد ما دفنتها وارتحت منها، واللي "ينصب" علي مشاعرك #تجنبه_حق_شرعي وأكيد مالوش في حياتك "محل من الإعراب".

" حياتك مش كلمة في كتاب النحو "

أميرة

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 02 نونبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا