عٌآشُقٌهِ_آلُآڛوُڊ - مقال كلاود
 إدعم  المنصة   
makalcloud
تسجيل الدخول

عٌآشُقٌهِ_آلُآڛوُڊ

اسكريبت✨

  نشر في 21 غشت 2021 .

-حبيبي سايب مذاكرته و بيعمل ايه؟!

_بسمع دكتوره هاله سمير ي ماما

-دكتوره هاله سمير مره واحده ...واوووو!!

_ايوه انا وبابا كنا بنتكلم عليها امبارح

انتبهت بابتسامه-وكنتو بتتكلمو عليها ازاي انتي وبابا بقي!

-كان بيوصفلي ازاي انتي بتحبيها وبترجعيلها ف مواقف كتير وقالي أن اي حاجه ماما بتحبها طبيعي هنحبها

ضحكت اووووي_امممم وايه كمان؟!

-قالي أنه بدأ يسمع فيديوهات ليها كتير من ساعه متخطبتو وبقي حاسس نفسه احسن ...وقالي اسمعلها انا كمان 

_طب وبتسمعي اني فيديو ناو؟

-بسمع الفيديو بتاع مواصفات الزوج الصالح...ولفت نظري حاجه حلوه اوووي

_زوج صالح !!!..ده انتي بدأتيها من بدري اوووي ...ايه يستي الحاجه ؟

-ان بابا زوج صالح

ابتسمت_ ودي حقيقه والا مكانتش ماما اختارته 

-كده ي ماما انتي يعتبر حققتي أعظم نجاح ف الدنيا

_ازاي؟

-خلصتي تعليمك بتفوق، اختارتي زوج صالح ليكي، واب صالح لاولادك ف بالتالي ولادك هيطلعو صالحين

بوست رأسها وانا فرحانه جدااا بكلامها _ان شاءالله ي روح ماما...بس ازاي عرفتي أن بابا زوج صالح !

-بابا ملتزم دينيا ،متفاهم معاكي ومعانا ، ودكتوره هاله سمير قالت إن الشخص الكويس مش سجاده صلاه بس، الشخص الكويس معاملات كمان ،وبابا مش بيضرب ومش بيكذب وحنين جداا وبيحاول يفرحنا وكريم معانا كمان

 _بابا ده احسن اب ليا قبل ميكون ليكو ي رنيم 

-ربنا يخليه لينا يااارب

_يااارب...طب وانا بقي زوجه صالحه واليق ب بابا؟!

-والله ي ماما نفس اللي قولتيه ع بابا من شويه بابا قالو عليكي واحنا بنتكلم ...قال مامتكو دي ام ليا قبل متكون ام ليكو

_لا حيث كده نعمله الباميه اللي بيحبها ع الغدا بقي 

-طبعاا ي هموسه ي قمر انت

_بنت!!! انا امك ايه هموسه دي

-اه سوري ي هموسه قصدي ي ماما

_خلصي دكتوره هاله وع مذاكرتك عدل

-عيوني ي هموسه

ضحكت وخرجت وانا بفكر ف كلامها ،وبفكر ف جاسر ،وإن اد ايه ربنا عوضني بيه

قومت اعمل الباميه اللي بيحبها بما اني ف المكافاءات معنديش ياما ارحميني

-ايه ده أيه ده ايه ده!!!

_هو ايه اللي ايه ده ايه ده؟!

-هو ف كده كده!!

ضحكت_ايوه ف باميه

-لا ده ع كده راضيه عني اوووي بقي 

_للدرجادي مفقوسه اوووي

-مهي المفاجآت الكريتيڤ دي مبتتعملش غير لما يبقي ف حدث عظيم

_ايوه راضيه عنك فعلا

-و ده ليه؟

_كدهون من غير اسباب

-طب حيث كده بقي خلصي الباميه ع م اغير عشان ميت من الجوع

_احنا عنينا 

حطيت الاكل وكلنا وخلصنا 

-تسلم ايد حبيبي

_تسلم ي ابو رنيم 

دخل الأوضه ومسك الفون ك عادته الفتره دي

-ماما هو مش ملاحظه ان بابا بقي يمسك الفون وميقعدش معانا كتير!!!

_لاحظت بردو واستغربت، عمره م كان كده!

دخلت عليه الأوضه

- ايه ي جاسر قومت بسرعه ليه كده!

_معلش ي حبيبتي بكلم واحد صحبي ف شغل مهم

-طب ي حبيبي ربنا يعينك

_هاخد شاور واجيلك 

-اتفقنا

ساب الفون ودخل، وشويه ولقيت ماسدج ظهرت ع شاشه الفون من واحده اسمها سمر مكتوب فيها "اتفقنا" !!

اول محسيت اني هشك فيه خرجت كل الافكار دي من دماغي، لأن جاسر استحاله يبقي كده ومفكرتش حتي امسك فونه واشوف الشات عشان ثقتي فيه اكبر من كده بكتير

خرجت للعيال اشوفهم بيعملو ايه

-فين معتز ي رنيم؟

_مش عارفه ي ماما نزل قال هروح اجيب حاجه وجي

-حاجه ايه!!

_والله ي ماما مش عارفه مقالش

-خلاص ي صغنن خشي انتي ذاكري هانت كلها اسبوع وامتحانات الثانويه تبتدي ونخلص

_ان شاءالله ي ماما ادعيلي

-ربنا يفرحني بيكي انتي واخوكي يااارب...طبعا عارفه مفروض تعملي ايه؟

_اه مخافش ومتوترش وانا بذاكر ومزعلش ع اي نتيجه لان ده قدر وبابا وماما عارفين وواثقين اني تعبت وعملت اللي عليا

-لا ده انتي تيجي وتجيبي حضن بقي 

حضنتها ودخلت تذاكر 

عدت الايام بسرعه واتشغلنا ف امتحانات رنيم وتقريبا كنت مسخره كل وقتي واهتمامي ليها

-همس عايزك ف كلمه

_ايه ي جاسر؟!

-مش ملاحظه انك الايام دي بعيده عني خالص

_عارفه والله ي جاسر بس غصب عني ، انت عارف امتحانات رنيم

-عارف ي حبيبتي ربنا يعينك ويعينها 

_زعلان؟!

-لا هزعل من ايه...رنيم نامت ولا لسه؟

_الحقها ،هي بتقرأ الاذكار وهتنام اهي

-طب هروح اقعد معاها شويه

دخل وانا دخلت وراه

-ايه ي حبيبتي عامله ايه؟!

_الحمدلله ي بابا

-الامتحان الجي الفيزياء صح؟

_اه ي بابا ادعيلي خايفه منها اوووي

بصلي وضحك

-بتضحك ع ايه هاااا؟

_اصل البت طالعه لامها ف كل حاجه ،حتي ف الخوف من الفيزياء

-بزمتك دي ماده يعني، مهي عندها حق

ضحك _ربنا يوفقك ي حبيبتي، اللي يخاف من الفيزياء دي الناس التوتو مش احنا

-نييينييي

سمعت صوت ضحكه رنيم اللي بموت فيها دي_بحبكو والله 

-يبت هاجي أكلك ب حلاوتك دي ...حد بيخلف بنت قمر وضحكتها قمر كده ي جدعااان

_طالعه ل امها بقولك ف كل حاجه

-احم احم نحن هنا

_ بت ي لمضه انتي الامتحان لسه ادامه اسبوع صح؟

لقيت صوت ماسدج من فونه خباه وراه واكن محصلش حاجه وكمل كلامه مع رنيم!

-طب ي حبيبتي يلا تصبحي ع خير

_وانت من اهله ي بابا 

-تصبحي ع خير ي قلب ماما 

_وانتي من اهله ي احلي ماما

دخل الحمام وخد الفون معاه ومكنش بيعمل كده ابدااا... عديت الموضوع وانا ده كله بحاول أبعد اي ذره شك من دماغي

جتلي رساله ع الفون * جوزك هيبقي بكره الساعه سبعه ف شقه ف سته اكتوبر هبعتلك عنوانها*

شوفت الرساله واتصدمت!!!!

لو هتخدع واشك ف كل الناس عمري م هشك ولا اتخدع ف جاسر وف نفس الوقت قارنت بين تصرفاته آخر فتره والرساله حسيت أن قلبي وجعني 

صحيت الصبح وانا متوتره ومرتبكه واعصابي تعبانه وحقيقي دماغي هتتفرتك من التفكير

 - ماما 

_ايه ف ايه !!!

-مالك ي ماما متوتره ليه؟!

_مفيش ي حبيبتي روحي ذاكري انتي 

-هتخبي عني ي ماما!!!

انا تقريبا شايله الحاجز بيني وبين رنيم ف مش بنخبي حاجه عن بعض...كنت محتاره اقولها ولا دي حاجه متتقالش اصلا، بس لو مكنتش اتكلمت كنت هنفجر

_بصي ي رنيم الماسدج دي

خدت الفون وبصت فيه وفضلت بصاله وساكته شويه

-وانتي صدقتي ي ماما؟!

_لا طبعا ي حبيبتي انا عارفه بابا وأخلاقه كويس، بس مش عارفه ليه قلبي اتقبض وخوفت عليه يقع في حاجه تغضب ربنا

-طب عشان انا عارفه انك هتفضلي تفكري، تعالي نروح نتأكد

بصتلها وانا مش عارفه اقول ايه، بس انا عايزه اعمل كده فعلا 

جت الساعه سته ولقيت رنيم داخله عليا الأوضه

_ يلا ي ماما نروح نشوف ف ايه

هزيت راسي ونزلت معاها ركبنا العربيه وطول الطريق سايقه وساكته 

-اسوق بدالك ي ماما؟

_لا ي حبيبتي انا سايقه كويس اهو متقلقيش

وصلنا عند العنوان اللي مكتوب ف الماسدج وانا قلبي هيخرج من مكانه وعماله بدعي ربنا أن متخذلش ف جاسر بالذات، بدعي ربنا أن كل خوفي وقلقي يطلع غلط، بدعي ربنا أن الصوره المثاليه اللي دايما رسماها انا وررنيم ليه متتهزش

طالعه السلم وكل خطوه بطلعها قلبي بيدق دقه بتوجعني جدااا ودموعي هتنزل بس مش عارفه هتنزل خوفا عليه ،ولا عشان فكرت بس فيه بالطريقه دي وشكيت فيه، ولا خوفي من أن اللي بيحصل يبقي حاجه تانيه خااالص

رنينا الجرس وانا عماله اتخيل الف مشهد ومشهد، قلبي هيقف خلاص ...عدي ثواني بس ع م الباب اتفتح وحقيقي عدت عليا سنين ...كنت دايما اسمع أن الانتظار مؤلم جدااا ومتعب لحد مجربت الثانيه دي، وانا بلعن الوقفه اللي وقفتها دلوقتي عشان شاكه ف جوزي ابو عيالي

فتح جاسر الباب فعلاااا بس كان لابس بدله شيك جدااا والمنديل اللي ف البدله لون اللبس اللي لابساه

-جاسر انت بتعمل ايه هنا؟!

_انتي اللي بتعملي ايه هنا؟!

-بعد اذنك ي بابا ممكن نخش جوا

سكت ف رنيم مسكت ايدي ودخلنا جوه والشقه كانت مضلمه ف رنيم فتحت النور

- كل سنه وانتي طيبه ي مااماااااا

ببص حوليا ف حاله ذهول ودموعي عماله تنزل تلقائي لقيت الشقه كلها بلالين واسمي مكتوب ع الحيطه ومعتز ورنيم بيحضنوني وف تورته وكوبايات محطوطه وفوتجرافر واقف بيصورنا

_كل سنه وانتي طيبه ي حبيبتي

فضلت فتره ع مستوعبت اللي بيحصل وفجأه بدون اي مقدمات حضنته، حضنته وعيط اووووي وانا بلعن نفسي عشان شكيت فيه أو فكرت بس أن جاسر ممكن يزعلني أو يغلط ف حقي

مسح دموعي-ليه كل العياط ده بس؟!

_انا اسفه والله 

-عشان شكيتي فيا يعني

بصيت ف الأرض وعيط تاني 

_طب خلاص خلاص ...بصي يستي انا ورنيم ومعتز متفقين ع كل حاجه ...سمر الي لقتيها ع فوني دي هي المنظمه بتاع البارتي الصغيره دي ...الرساله هي اللي بعتتهالك وانا اللي خليت رنيم تجيبك هنا ...وانا ومعتز كنا بنخرج كل شويه نظبط حاجات سوا

-طب واشمعنا المكان ده؟!

_بصي الاجابه ف العلبه اللي قدامك دي

مسكت العلبه وفتحتها لقيت فيها مفتاح 

-مفتاح ايه ده؟!

_مفتاح الشقه دي

-مش فاهمه!!

_مش حبيبتي كانت عايزانا ننقل اكتوبر

-متقولش

_ف دي هديه عيد ميلاد، وده مفتاح شقتك اللي هي دي

ابتسمت اوووي وحضنته تاني وبصيتله بس المرادي معيطش رفعت حواجبي-ايه ده ايه ده ايه ده!!!

ضحك_هو اللي ايه ده ايه ده!

-هو ف كده كده؟

باس راسي _ايوه فيه كده كده



  • DONIA✨
    هي حياه ولكن سنجعل كل أيامها لنا لا علينا✨
   نشر في 21 غشت 2021 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا