الفلسطيني غدار بطبعه!! - مقال كلاود
 إدعم  المنصة   
makalcloud
تسجيل الدخول

الفلسطيني غدار بطبعه!!

مقال ساخر

  نشر في 24 ديسمبر 2015 .


كُلفت من إحدي الجرائد بعمل استطلاع رأي في الشارع بعنوان "ما هو أجمل شيء في الشعب المصري؟ و ما هو أسوأ ما فيه؟ و وجه رسالة للشعب بصفتك واحد منه".

بالفعل نزلت في إحدي شوارع القاهرة، و سألت المارّيين من نساء و رجال، شباب و كبار في السن،و من كل الطبقات تقريبا، و كانت إجابتهم مسليه، الشعب المصري - بالرغم من معاناته - جميل و مسلي و "كوميدي" بطبيعته.

- إزيك يا عم الحاج ؟

أهلا يا ابني

- ممكن أعمل مع حضرتك استطلاع رأي؟

إي اللي هو إيه الاستطلاع الرأي ده ها ؟!

- ممكن أعمل مع حضرتك حوار ؟

تدفع كام؟ هيهيهيهييي

- اللي أنت عايزه يا حاج، أنا بس عايز اسألك "إيه أكتر حاجة بتحبها في الشعب المصري؟"

أكتر حاجة بحبها في الشعب المصري..أأأأه...أنه ابن نكته بيحب النكته يعني.

- طب إيه أكتر حاجة سيئة فيه؟

ممممم...أنه فقري بيروح فلان بييجي علان بيفضل فقري.

- طب إيه رسالتك للشعب المصري؟

و الله ما فيه حاجة في بالي يا ابني.

- شكرا يا حاج

بعد أن سألت ذلك الرجل المسن ...

سألت بعده حوالي تسعة أشخاص...

و جاء الدور علي رقم "عشرة"......

وجدت شابا يمشي أمامي بهدوء تام...

بشوش...

أحببته...

لكنه سمين قليلا...

أسف... كثيرا...

تركيبته لفتت انتباهي، فهرعت إليه بجهاز التسجيل الخاص بي.

- بعد إذنك ممكن تقف ثانية، ممكن أعمل مع حضرتك استطلاع رأي صغير جدا.

قال مبتسما: مفيش مشاكل طالما مفيش كاميري ماشي :D

- اسمك إيه الأول؟ عرفني بنفسك لو أمكن.

اسمي يحيي عندي 22 سنة، فلسطيني بس مولود و عايش في مصر.

- إيه ده فلسطيني !!! لا يا عم شكرا *

إيه يا عم هو أنا اسرائيلي، خد هقولك، ميصحش كده ميصحششش كده.

*"الفلسطيني غدار بطبعه لأجل ذلك ابتعد عنه" مقولة قالها أحد المصريين القدماء، و أثرت علي الجيل الجديد من المصريين للأسف.


  • 2

   نشر في 24 ديسمبر 2015 .

التعليقات

مين قال ؟؟! الفلسطيني فوق الراس
0

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا