ما عنديشي ختي ! - مقال كلاود
 إدعم  المنصة   
makalcloud
تسجيل الدخول

ما عنديشي ختي !

  نشر في 09 يناير 2015 .

هاد الأيام تألمت بزاف، حيت كولشي كيسهر مع نسابو، إلا أنا حيت معنديشي ختي، ربما يظهر لكم هادشي بسيط، ولكن بالنسبة لي ثغر عمرو يتسد ف حياتي، وهو سبب ف عدة مشاكل مع نفسي ومع المجتمع، كتحاول تنسى الموضوع، ولكن مكاين منّو هروب، خصوصاً بحال هاد المناسبات اللي كيتجمعو فيها الأسر المغربية، نفس السيناريو كيتكرر كل سنة، فلان أجي تقصّر معايا! لا والو أخاي عثمان ماجي عندي نسيبي، فلان يالاه نخرجو! منقدرشي، ختي ماجا مع الراجل ديالا ونتينا عارف، أو يرن الهاتف: أجي تتعشى معانا هنا النسيب .

من المعاناة أو لي كنت كنسميها وانا صغير "الخيانات"، هي بنت عائلة او صديقة مقربة، كتقولك انا ختك وعاودلي وقولي، حتى كنتعلق بيها ونولفا، كتخطب، ومع بداية اليوم الموالي كتقولي: سمحلي راجلي مكيبغيشي نهدر مع الدكورا، ما بقا فيها لا خاي لا هم يحزنون! وتكرر هادشي بزاف، ولم أعد أصدق شيئاً من ذلك، ختك هي لي ولدتلك يماك، بلا منكذبو على بعضنا .

شحال من مرة كنكون مخنوق خصني ختي نعاودلا، نخرج معاها، نعدلا الحجاب بيدي، نشعككلا شعرا، نوصلا للمدرسة، نبان قدام صحاباتا، بزاف من هاد المشاعر المجنونة والجميلة بغيت نعيشها، لكن كيبقى ف الأخير قدر الله عزّ وجل، واللي كيخليني نشبّر الدموع ديالي ونآمن بالواقع ديالي هو أبي، اللي ما عندو ختو ما عندو بنتو، وكيقاوم وعمرو ما بغا يبين لنا أنه كيحس بالنقص، إلا ف هاد السنين الأخيرة، لي بدا كيضعاف، وكتبان دمعته بسرعة، باقي عاقل العام لي فات ملي تزوجت بنت عمي التي كان كيبغيها بزاف، ملي كانت خارجة لدارها عنقاتو وبكا بكاء مرير، في موقف ابدل دار الزفاف بدار المأتم .

إذا كان هذا حال الوالد فكيف بحال الوالدة، الله يربط بقلبها وصافي، من بين المواقف المحرجة لي وقعت لي معاها، واحد النهار طلعت للمدينة، وشريت لباس لبنت "شيخي" الصغيرة، وقبل ما ندوز للدرس مشيت للدار وشافت ديك الحوايج، فأقل من ثانيتين كانت كتبكي، بزاف منكم ملي غيقرا هاد الكلام غيتأثر ويتعاطف، أحسن تعاطف بالنسبة ليلي هو تهتمو بخواتكم وبناتكم وتتهلاو فيهم، وتسمعو لهم، وتخصصو لهم وقت للخروج معهم، "استوصوا بالنساء خيراً" !


  • 5

   نشر في 09 يناير 2015 .

التعليقات

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا