أم مصرية اصيلة .......!!! - مقال كلاود
 إدعم  المنصة   
makalcloud
تسجيل الدخول

أم مصرية اصيلة .......!!!

  نشر في 28 غشت 2016  وآخر تعديل بتاريخ 18 نونبر 2016 .

                

جميعنا يعلم تماما ان الامهات المصريات لهن طابع خاص، شئ ما يميزهم عن أى أم عربية اوروبية او من اى جنسية اخرى، لأنهن توليفة غريبة من الحنية والشدة، الهدوء والغضب، تحمل المسئولية وعدم المبالاة فى بعض الاحيان ........... كل كل هذة الصفات موجودة ولكن تظهر فى الوقت المناسب هذا لايسمى تناقض وانما _من وجهة نظرى _ وعى شديد وتطبيقا لحكمة كل حاجة بتظهر فى الوقت المناسب ( ( (

طب هتسألينى دلوقتى ايه هى مواصفات الام المصرية الاصيلة؟؟؟ بصراحة هى مواصفات لا حصر لها يعنى مثلا:

*لو بعد 9شهور من الحمل والمعاناة ولما تيجى لحظة وصول البيبى الجديد وتبقى هتقعى من الفرحة والتعب فى نفس الوقت، وفجأة تلاقى حد بيتريق على شكل البيبى عشان مناخيرة كبيرة ولا لونه اسمر شوية، وتبقى متنحة كدة وتظهر على وشك ابتسامة صفراء باهتة ومتعرفيش تردى خالص، احب أبشرك وأقولك ان دى اول علامات عشان تحصلى على لقب أم مصرية اصيلة. *لو بتحاولى بكل الطرق عشان طفلك ينام وبتفرحى جدا لما ينام فعلا، وبعد مرور دقائق معدودة يبتدى يوحشك جدا وتفكرى بشكل جدى انك فعلا تصحيه عشان تلعبو مع بعض مثلا، تبقى ام مصرية اصيلة. *لو بتخافى على ابنك من الحسد من اقل تصرف يعمله، اكيد انتى كده ام مصرية اصيلة :))))))) *لو كنتى قريتى كتاب د.سبوك الشهير او حتى سمعتى عنه او بتحاولى تدورى على اى كتاب او مقال او اى مادة علمية عشان تعرفى تتعاملى مع طفلك احسن و تتأكدى من معلومات دكتورك او صاحبتك ودايما بتدورى على اى مصدر موثوق فيه مش اى كلام وخلاص، تيقى اكيد ام مصرية واعية اصيلة. *لو طفلك واخد الزن أسلوب حياة يعنى بيعيط بسبب وبدون سبب وكمان بتعانى من قلة الاكل وانتى علطول مصدعة ومتوترة بسبب كده بس قادرة ومكملة، يبقى ربنا يعينك و يصبرك وممكن ساعتها ترفعى شعار يا صغيرة ع الهم يا لوزة. *لو كنتى بالنسبة لابنك ماما وبابا وكل الناس يعنى انتى تطبخى وتأكلى وتلبسى وتغيرى وتغسلى وتلعبى وتعاقبى وكمان انتى اللى تحلى homework معاه وتتابعى مع المدرسين فى class وتجيبى هدايا للمدرسات فى عيد الام ومفيش مانع تشتغلى سواقة تروحى معاه التمرين، تبقى اكيد غصب عن اى حد ام مصرية اصيلة. وعلى فكرة انا مش بنكر دور اى حد بيساعدك سواء زوجك او مامتك او حماتك بس اكيد انتى الاساس و الاصل. *لو بتمرى بنوبة من الزعيق والصريخ بدون سبب وبعدها نوبة من اللعب و الضحك، احب أقولك كلنا كدة وده حقك الطبيعى عشان تفكى من الضغط شوية يا مجنونة. *لو كنتى عمود البيت بمعنى انك مينفعش تتعبى ولو حصل كل حاجة فى البيت تتلخبط ومفيش حاجة تمشى مظبوط ولو طولتى فى التعب لظروف خارجة عن ارادتك تحصل كوارث، تبقى ام مصرية اصيلة جميلة. *لو كنتى السند وقت الازمة وتضحى بكل ما تملكى عشان بيتك واولادك....... *لو فى صلاتك بتدعى لاولادك قبل ما تفتكرى نفسك وبتدعى بالصحة تدوم عشان تقدرى وتكملى............

من الآخر كده اللى عايزة أقوله انتى المصدر الرئيسى للسعادة فى البيت، وانتى برده الشماعة اللى الكل بيعلق عليها أخطائه. المقال ده هدية مننا لينا عشان نفتكر اد ايه احنا مهمين؟؟ ومش محتاجين عيد أم عشان يفكرنا. تحية لكل ام مصرية، خليكى واثقة من نفسك اوى ومن تصرفاتك ومتخليش اى حد يقلل من انجازتك ومجهوداتك، بس برده يا ريت تطلبى المساعدة من اى شخص قريب منك اذا زاد عليكى الحمل يعنى متعمليش فيها superwoman وتنفذى كل حاجة بنفسك لان ده بيأثر عليكى جسديا ونفسيا.

وتاكيدا على كلامى عشان تعرفوا قيمتكم احنا المجتمع الوحيد اللى ابناؤه مهما كبروا لاينفصلوا عن اهلهم كليا وبالذات مامتهم, البنت بعد ما تتجوز وترحل من بيت اهلها فى اول حياتها الزوجية تبقى مقيمة فى بيت العيلة لحد ما تستوعب مسئوليتها الجديدة , وكمان الولد بعد مايتجوز لازم زيارة اسبوعية للاهل على الاقل عشان يتذوق اكل ماما بمزاج عالى, على عكس تماما ما يحدث فى بلاد الاجانب الابناء ينفصلوا عن العائلة ماديا وعاطفيا وحياتيا عند عمر 16 سنة . العادات المصرية الاصيلة دى موجودة حصريا عندنا عشان الام المصرية الاصيلة القلب الدافى الحنين اللى بيصب الحب والحنان على كل اللى حواليه بدون شروط عشان كده انتى مختلفة.


  • 3

   نشر في 28 غشت 2016  وآخر تعديل بتاريخ 18 نونبر 2016 .

التعليقات

................ منذ 3 شهر
حفظ الله امهات كل المسلمين واسكنهن فردوسه الأعلى
والله لم اكن اعلم انكم لا تنفصلون عن الاسرة ههه نحن في الجزائر "والأغلبية " من يومها العروس في بيتها تفاديا للمشاكل
مشكورة على مقالتك المفيدة والتى تعكس اعتزازك بهويتك وهذا شيء رائع ،لكن حاولي الكتابة باللغة العربية ستكون اجمل ، كل التوفيق لك
1
أمنية ابراهيم
اللهم امين ، شكرا ع النصيحة

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !


مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا