بروفايل الفيسبوك - مقال كلاود
 إدعم  المنصة   
makalcloud
تسجيل الدخول

بروفايل الفيسبوك

وجهة نظر شرعية بسيطة

  نشر في 07 أكتوبر 2014 .

ليه حضرتك يا (محجبة) بتحطى فى البروفايل بتاعك بنت متبرجة وفى بعض الأحيان (فاسقة) ؟ انا مش قادر أتفهم السكيزوفرنيا الغريبة دى .. يعنى انتى شايفه ان بما ان الصورة مش صورتك تبقى حلال ؟! وليه لما حد يقولك غيريها تقولى محدش له دعوة ومحدش ينصحنى لانى مبعملش حاجة غلط دى بتعبر عن فكرة او مبدأ ولما حد يقولك هتاخد ذنب اى حد يشوفها ! تقولى ميبصش احسن

طيب تعالوا نتكلم كلام بالمنطق شوية .. هو ايه اللى ربنا حرمه بالظبط (التبرج ولا التبرج الشخصى) ؟ يعنى هل بما انك محجبة مش هتتحاسبى على انك تعرضى صورة بنت متبرجة تبرج فج كمان ؟ يعنى هل ينفع تمشى فى الشارع ماسكة فى ايدك مايوه وانتى لابسه نقاب والناس تكلمك تقولى انا محجبة بس دا اعلان للصيف !! ليه الانفصام اللى احنا وصلنا اليه دا ، يا جماعة الانسان مش هيتحاسب على الملابس بس ، لا هيتحاسب على أفعاله كلها يبقى كدا من المنطقى جداً ان كل صورة خارجة هتعرضها او هتعرضيها على الانترنت هى مصدر دائم للسيئات ..

فى بقى مصيبة تانية صغيرة كدا وهى ان الصورة دى مش بس مصدر سيئات وبس ، دى كمان هتبقى من المجاهرة بالذنب ، أيوا لان الجهر هو الاعلان .. يعنى الصورة الخارجة اللى لابسة بنص كم او مش محجبة اللى هتحطيها لبروفايلك هتبقى من باب نشر التبرج ولو حتى مقصدتيش كدا لان القتل الخطأ بيعتبر قتلاً فى الاسلام مش معنى انك لم تقصد قتل الشخص انك معفى من المسئولية لانه فعل متعدى وضرره هيصيب شخص تانى .. وبردوا الصورة دى مش هتبقى معصية تبرج بس لا كمان هتبقى نشر للفاحشة ودا ذنب متعدى .. هتقولى وايه خلاه يبص عليها ؟ هقولك وانت مالك ايه خلاه يبص او ميبصش المهم انت ايه خلاك تعرضها وانتى ايه خلاكى تعرضيها بطلوا تعلقوا افعالكم على شماعة غيركم .. هو مذنب لانه بيبص وحضرتك مذنب لانك عارضها اهتم بذنبك الأول ..

كدا حضرتك وقعتى فى مشكلة تبرج غير مباشرة ودى حكمها نفس حكم التبرج المباشر (يعنى كأنك انتى اللى لابسه كدا) لان الشرع مبنى على المآلات يعنى فعلك هيؤول الى ان الشباب يشوفها ويرتكب معصية والتبرج عموماً من الكبائر للحديث المروى عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صلى الله عليه وسلم : " صِنْفَانِ مِنْ أَهْلِ النَّارِ لَمْ أَرَهُمَا : قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ ، وَنِسَاءٌ كَاسِيَاتٌ عَارِيَاتٌ ، مُمِيلاَتٌ مَائِلاَتٌ ، رُءُوسُهُنَّ كَأَسْنِمَةِ الْبُخْتِ الْمَائِلَةِ ، لاَ يَدْخُلْنَ الْجَنَّةَ وَلاَ يَجِدْنَ رِيحَهَا ، وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا " [ رواه مسلم ] .. وكمان وقعتى فى مشكلة مجاهرة بالذنب ودى هتتسبب فى حرمانك من العفو لما فى الصحيحين من حديث أبي هريرة ـ رضي الله عنه ـ أن النبي صلى الله عليه وسلم قال: كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه فيقول: يا فلان عملت البارحة كذا كذا، وقد بات يستره ربه ويصبح يكشف ستر الله عنه.

طيب عاوزة تنشرى فكرة الجمال مش لازم تنشرى صورة متبرجة ولا هو الجمال = التبرج ؟ ، عاوزة تنشرى فكرة الفن الجميل مش لازم تنشرى صورة واحدة متبرجة ماسكة عود ، عاوزة تنشرى فكرة الحنان او العطف مش لازم صورة امرأة اجنبية فاجرة ماسكة كلب وبتأكله .. اعتقونا بقى واعتقوا نفسكم ، صور البروفايل اقصر طريق للتحرش الانترنتى اصلاً

تعالوا بقى ندخل الى نقطة تانية .. انت متقوليش اعمل ايه ومعملش ايه ومتنصحنيش ربنا اللى هيحاسبنى مش انت .. هو حد قال حاجة تانية بس حضرتك كدا بترتكب مصيبة تالتة هى انك بتنهانى انى أمرك بالمعروف وأنهاك عن المنكر [ فين المنكر دا ؟ لسه متفقين انا وحضرتك من شوية ان الصور دى حرام بطريقتين تبقى منكر ولا مش منكر !! ] ، وهذا كان سبب هلاك بنى اسرائيل "لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ " ، لو حضرتك متضايق من نصيحتى الافضل متجادلنيش اسمعها وفكر فيها مش بأمرك ولا حاجة القرار ليك فى النهاية لكن انا أقيم عليك الحجة أمام الله عشان متقولش مكنتش أعرف وعشان لا ينتهى الأمر بالمعروف والنهى عن المنكر فى الأمة لانه واجب على كل من رأى منكر أن يغيره أو ينصح بتغييره فان عجز عن هذا وذاك فعليه أن يرفضه بقلبه ..

يعنى انت يعنى عاملى فيها سيدنا الشيخ اللى مبيغلطش .. مين قالك كدا !! انا كلى ذنوب زيك لاننا بشر زى بعض فانت من حقك تنصحنى وانا من حقى انصحك المهم تقام فريضة الأمر بالمعروف والنهى عن المنكر فى الأمة ..

قبل ما اخلص المقالة الصغيرة دى ، متنساش ان كل صورة سيئة بتحطها بتجلب سيئات وبنفس المنطق كل صورة جميلة ملتزمة (ولو كانت صورة ذكرأو صلاة على النبى - صلى الله عليه وسلم - ) بتجلب حسنات وحسنات وحسنات .. والسلام عليكم ورحمة الله وبركاته



   نشر في 07 أكتوبر 2014 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا