عبادة حسن الظن بالله - مقال كلاود
 إدعم  المنصة   
makalcloud
تسجيل الدخول

عبادة حسن الظن بالله

كان يظن أن الله سيرضيه، فأعطاه الله ضعف منه!

  نشر في 03 غشت 2018 .

" مارست عبادة حسن الظن بالله؟ " 🤔🤔

أتمني ان اللي يقرأ البوست يفهم الحكمة من : " كان يظن أن الله سيرضيه، فأعطاه الله ضعف ظنه "

مهما كان شكلك أو لونك أو جنسك أو دينك ربنا دايما هيكون عند حسن ظنك به! ومهما كانت محنتك 😥 صعبة ربنا قادر يعطيك بعدها منحة تطيب وجع المحنة 🤗، المهم ماتنساش ٣ حاجات :

⬅️ تصبر عند الابتلاء...

⬅️ تناجي ربنا بقلبك...

⬅️ وتحسن الظن به...

في #موقف_لا_ينسي حسيت الإنسان ده خلاص بيستسلم😑، لما يسكت طول الوقت🤐، لما يبقي مش عاوز حاجة ومالوش نفس لحاجة😞، مش ييضحك ولا بيحكي 😶ودايما شارد😔 ، وفجأة يقول لك بطاريتي خلصت😮، وتشوف بعينك إن ايديه مرتبطة مش قادر يتصرف، لما تكون بتعرف شخص بطبعه قوي ويتحمل وقادر طول الوقت يتناقش ويصبر ويعطي ويسامح؛ بس دلوقتي بيقول مش قادر☹، ساعتها هيصعب عليك أوي😭... لأن بطاريته خلصت 😔

◀️ قلت كلام كتير وحكيت قصص أكتر كانت الشخصية دي فيها دايما هي البطل، ومع ذلك مش كانت قادرة حتي ترفع رأسها وتبص لي😞 مش بتقول غير ان بطاريتها خلصت 😔

كان الحل الوحيد هو:

✔ نسيبها علي الله، لأنك طالما عملت اللي عليك خلاص سبها علي الله ده أسلم حل.

هي كان عندها مشاكل كتير وكمان ميعاد صعب وشبه حرب ضروس واقفة فيها لوحدها، كنت بهون كل ده بس في أقل من ساعتين جالها خبر صعب😮 ومجهود سنين بيترمي ع الأرض😪 وضربة بجد توجع أي ضهر😖، ساعتها اتخضت... وقعت... تعبت... خلصت الصبر والمثابرة والمناهدة والرغبة في المحاولة... بطاريتها خلصت 😔 مش بتقول غير ان بطاريتها خلصت ☹

اتنهدت😦 ووقفت تبص من الشباك فترة طويلة.

قلت لها: بصي لا البكاء هيكون حل ولا الشكوي هتفيد ولا حد هيقدر يساعد فعلا أي كلام مش هيلعب دور دلوقتي... هنا بقي لازم نمارس عبادة حسن الظن بالله اللي في كتير من الأوقات الصعبة... بننساها، دلوقتي مش ينفع ننساها وبفكرك بها دي سلاحك الوحيد اللي هيوقفك علي رجلك!

„أنا عند ظن عبدي بي. فإن ظن بي خيرا فله وإن ظن بي شرا فله "

قالت: لعله خير وأكيد ربنا له حكمة!

⛔ أنت محتاج تقول لنفسك الكلام ده بس تقوله بقلب❤ صادق...

⛔ تعرف إن في حكمة من مشكلتك🤔 وربنا بس وحده اللي متطلع عليها...

⛔ تصدق ان ربك مش خلقك عشان يتعسك أو يعذبك...

✅ الضعف اللي خنق الدموع في عيونها اتحول فجأة لقوة صبر غير طبيعية وملامح الوجه نفسها أصبحت رايقة😇 وباين عليها الرضا، كانت بتردد: " أنا راضية يا رب! " وصلت كتير اوي ودعت اكتر وقالت: " اللهم طاقة "

✅ الميعاد اللي راحت عشان تحارب فيه وصلت لقت ناس متبرعين يكونوا في ضهرها، وربنا يسر أمرها ومر علي خير، بطاريتها بتتشحن من جديد 👍

✅ بعد ٢٤ ساعة كان وصل لها خبر حلو أوي لحاجة كانت بتحاول فيها من أكتر من سنة ونص وفرحة شحنت طاقتها من أول وجديد، بطاريتها الخلصانة بتتشحن من جديد 👍

✔ اتعلموا تحسنوا الظن بالله

وبلاش🚫 ننقم علي حياتنا ونكرهها ونقول ليه بيحصل معايا كده واشمعنا انا🤔؟

في #وجهة_نظري احنا مش شبه بعض وقوة تحملنا مش واحدة ومش كل الناس عندها ملكة الثبات وقت الابتلاء وبتضعف وتبكي وتنهار، واللي بقدر اعديه غيري شايفه مصيبة كبيرة، واللي بقدر أصبر عليه بيخنق غيري ومش بيتحمله، عشان كده مش هقدر ألوم انسان علي ضعفه وقت المصيبة أو استسلامه لأني أكيد مش في مكانه حتي لو حاسة به اوي؛ لكن هقول له:

" أديت عبادة حسن الظن بالله؟ "

هي عبادة مش سهلة لانها مبنية علي اليقين، لازم تحسن الظن بيقين مفتاحه ان الله لا يعجزه شيئا في الأرض ولا في السماء.

ادعوا ربنا بقلب❤ يري بحسن الظن ما الله صانعه👍

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 03 غشت 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا