كما تدين تدان والله لا يظلم أحدا - مقال كلاود
 إدعم  المنصة   
makalcloud
تسجيل الدخول

كما تدين تدان والله لا يظلم أحدا

سيصل القطار رغم طول الانتظار

  نشر في 24 يوليوز 2018 .


فكرة "كما تدين تدان" دي بتطمن أي قلب💚 مؤمن بها.

"كما تُدين تدان" كلمتين لازم تحفظهم عن ظهر قلب لأن في يوم ما الزمن هيفكرك بهم.

من نفس الكأس🍷 هتشرب وبنفس المقدار، في #موقف_لا_ينسي كنت راجعة ع القاهرة من جامعة المنيا ووصلت علي الرصيف وقابلت العميد الله يرحمه، لأول مرة أشوفه متجهم 😠 وزعلان، كان متوتر 😤 اوي وبيتحرك يمين وشمال بهيستيريا. أول ما شافني ومن غير ما يسلم قال لي: " قطارك 🚉 الساعة كام يا أميرة؟ "

قلت له: " ٣ ونص يا دكتور "، اتجهم😠 اكتر وقال لي: " معاكي ربنا "

قلت له: " مالك يا دكتور؟ في إيه؟ "

قال لي: انه قطاره 🚉 اللي المفروض يوصل الساعة ١ لسه مش وصل لحد دلوقتي يعني متأخر ساعتين، ده معناه ان قطاري هيوصل بكرة إن شاء الله 😂😂.

قصة تأخر القطارات دي من اكتر الحاجات المزعجة ع العموم لكن اتعودت عليها وكنت بقابل الموقف بصبر يعني انا مرة قطار أتأخر ٧ ساعات 😤 فعادي جدا اي تأخير تاني، ده مرة في قطار وصل وكانت عربية رقم ١ مولعة 🔥 عادي احنا في ام الدنيا.

المهم إن قطاره 🚉 وصل حوالي الساعة ٤ يعني متأخر ٣ ساعات وقطاري 🚉 وصل ٧ يعني متأخر ٣ ساعات ونص اللي هي مدة الوصول للقاهرة اصلا 🙄

رغم أن القطارات 🚉🚉وصلت متأخرة بس وصلت 👍، مافيش قطار مش هيوصل حتي لو مش في ميعاده بس هييجي هييجي.

نفس المبدأ في الدنيا: " كما تدين تدان "

⬅️ اللي انت 👉 رميته ورا ضهرك واتخليت عنه... هييجي يوم وتترمي ورا ضهر تاني!

⬅️ ذي ما كنت قليل الأصل... أكيد هتشوف قلة أصل توجعك أوي!

⬅️ ذي ما جرحت... هتتجرح!

⬅️ ذي ما دورت علي حقك... هييجي يوم وماتلاقيش جنبك إلا بس اللي عاوز حقه!

في #وجهة_نظري المتواضعة اللي اتعود يعطي بيعيش حياته معطاء، واللي اتعود ياخد عمره ما هيديك...

⬅️ اللي انتي دوست عليه بعد ما أعطاك كل شيء... حقه هيرجع له يوم ما تشوف نفسك مسكين😟 اتاخد منك كل شيء😞

عشان كده:

If you want love❤, give love❤; if you want honesty, give honesty; if you want respect, give respect. You get in return what you give!

✔ لازم تفهم إن الشعور اللي زرعته في قلب ❤ انسان يوم ما هيزرعه انسان تاني في قلبك❤، يمكن مش بس كده ده هيزرعه في وقت قلبك في عز غفلته!!

" فداين تدان والله لا يظلم أحدا "

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 24 يوليوز 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا