بياع الخواتم - مقال كلاود
 إدعم  المنصة   
makalcloud
تسجيل الدخول

بياع الخواتم

  نشر في 12 أبريل 2017  وآخر تعديل بتاريخ 12 أبريل 2017 .

كان فيه فيلم زمان اسمه بياع الخواتم من اخراج المبدع يوسف شاهين وتأليف الاخوان رحباني , ساعة ونص متواصلة من غناء العظيمة الست فيروز وشمس الدين نصري وجوزيف عازار و ايلي شوير و جوزيف ناصف . يعني حاجة كدة في منتهي قلة الادب , وبالمناسبة لو معرفتش ولا اسم من الاسماء اللي قولتها دي غير اسم فيروز متكملش المقال واتقضل اجري كمل مذاكرتك.....

الفيلم بإختصار كان بيحكي عن ضيعة (ضيعة يعني قرية غالبا) الضيعة دي ليها حاكم اسمه المختار .

المختار دة صحي من النوم في مرة وهو مقرر انه هيخترع للناس "بُعبُع" وقرر يسميه راجح

اختراع راجح دة كان مفيد للمختار من كل النواحي , لانه اولا الناس هتتلهي في حاجة يرغوا فيها وهينشغلوا عن مشاكلهم الاساسية وغلاء الاسعار اللي مطلع عين ابوهم , ويبقي كلب فيهم يفتح بقه وانا اوديه لراجح عشان يبلعه , تاني حاجة بما ان راجح ده خطر اوي كدة والمختار هو حامينا الوحيد ضد الخطر دة فلازم نحبه وندعيله بطولة العمر وطولة الحكم وطوله مدة الرئاسة , وطولة اي حاجة يحبها تبقي طويلة , تالت حاجة بما ان راجح دة طلع اخطر من غسان مطر , فلازم نستحمل شوية قررات استثنائية كدة واهو احسن منبقي زي سوريا والعراق (انا بتكلم علي الفيلم والله)

وفضل الحال ماشي علي المنوال دة لحد ما في ليله من ذات الليالي ظهر اتنين راجح , مش راجح واحد بس

الاتنين دول هما عيد وفضلوا , الاتنين دول الوحيدين اللي في القرية اللي مكانوش مصدقين ان فيه حاجة اسمها راجح وان راجح دة ما هو الا مجرد كدبة كبيرة وفضلوا الاتنين بقي يعيشوا في دور راجح الجن اللي مبيهموش حاجة وقاموا فجرولهم كام كنيسة علي كام مديرية امن علي كام كمين علي كام مش عارف ايه , وفضل الحال كما هو عليه والمختار في حيرة من امرة , ويضرب اخماس في اسداس (يعني ايه الكلمة دي) وازاي راجح اللي مخترعه بايده اللي تتشل دي يتحول ويبقي حقيقه و يصولُ ويجولُ في ارجاء الضيعة , وفضل المختار محتار كدة لحد ما ظهر اللي مكانش عالبال ولا عالخاطر وظهر راجح الحقيقي

وبكدة بقي عندنا تلاتة راجح...راجح كدبة اخترعها المختار , و راجح بتاع عيد وفضلوا , وراجح الحقيقي

وبالمناسبة لو خدت التلاته هتاخد عليهم واحد رابع هدية هههه (انا اسف مش هقول افيهات تاني)

وخلص الفيلم الجميل وراجح الحقيقي طلع طيب زي الاستاذ محمود الجندي والاستاذ كمال ابو رية , بس الخوف بقي ان راجح اللي في الحقيقة ميطلعش طيب زي الاستاذ محمود الجندي والاستاذ كمال ابو رية.



  • Karim Nour
    ممنوع الاقتراب او التصوير ~~
   نشر في 12 أبريل 2017  وآخر تعديل بتاريخ 12 أبريل 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا