Bullying - مقال كلاود
 إدعم  المنصة   
makalcloud
تسجيل الدخول

Bullying

Yasmin

  نشر في 22 ديسمبر 2017 .

حبة أتكلم عن موضوع مهم، ظاهرة انتشرت من فترة كبيرة وبتزيد كل فترة عن اللى قبلها

ظاهرة التنمر Bullying..

كلنا عارفين ان التنمر ده عبارة عن سلوك عدواني، شكل من اشكال السخرية والإيذاء والعنف ده بيبقى من قِبَل مجموعة من الأشخاص لشخص أيا كان العمر.

أسباب التنمر ده ... أن الشخص ممكن يكون بيعاني من ضغوط كبيرة ف حياته أو كمان بسبب سوء معاملة العائلة بتاعته له، بيشهد خناق كتير بين الأب والأم، مكتئب أو عنده حالة نفسية، مشاهدة أفلام عنف وتعذيب، مش بيبقى عنده تقدير لذاته فمش بيحس بقيمته إلا من خلال التسلط علي الغير، عنده نقص ف شكله الخارجي أو حياتة العلمية أو العملية وبيتعرض للسخرية*وده معناه ان ممكن الضحية أو الشخص اللى بيتعرض للتنمر يبقى هو المتنمر*

التنمر ده له عدة أنواع

¥ممكن يكون لفظي وبيبدأ الموضوع ده بالسخرية أو أخلى الضحية تحس بنقصها أو بضعفها أو أقلل من قيمتها تحت عنوان "هزار" وده المنتشر تقريبا والعائلات ممكن تكون عنصر أساسى ف الموضوع ده.

¥ ممكن يكون بدني وده فيه بيتعرض الشخص للضرب والعنف والصفع وغيره..

طيب الشخص المتعرض للتنمر ده لما الموضوع ده يستمر معاه لفترة ايه اللى بيحصل؟!

غالبا كده هو بيبدأ يدخل ف مرحلة اكتئاب وبيبدأ يحصل له مشاكل نفسية كتير، بينام كتير أوى وساعات مش بيعرف ينام أصلا على حسب الشخصية يعنيxD بيبدأ ينسحب م الحياة الاجتماعية بتاعته ويقلل التعامل مع البشر، بيبدأ يشوف كل حاجة حواليه بصورة عدوانية... وبيبقى قدامه ف الحالة دى حاجة م الاتنين؛

يا بيختار انه يسكت وينعزل يا إما بيقرر يلبس قبعة المتنمر وبيعمل اللى بيتعمل فيه.

ولو الموضوع زاد عن حده أوى ممكن يوصل بيه الوضع للإنتحار وفي عدد كبير من المتعرضين للتنمر بينتحروا فعلا زى مسلسل 13 reasons why كده season 1 عشان بصراحة معرفش season 2 هتطلع عايشة ولا لا xD ماعلينا نرجع لموضوعنا..

طب ازاى أعالج الشخص المتنمر ده؟؟!!!!

تمام.. المفروض أمسك المشاكل اللى هو بيواجهها دي وابدأ احلها سواء كانت مشاكل أسرية او بخصوص التعليم او أيا كان المشكلة اللى بتواجهه، أبدأ اوعيه كويس جدا وأخليه يعرف إن هو حد كويس وأرجع له ثقته ف نفسه، يقلل من مشاهدة أفلام العنف إذا كانت بتؤثر عليه بأى شكل من الأشكال، تبدأ الأسرة تتابع معاه وتهتم بيه * الاهتمام ي جماعة الاهتمام حل مشكلات كتير واللهxD*، العيلة لأنها فعلا الداعم الأساسى له تبطل سخرية واستهزاء بيه وتقليل من شأنه حتي لو كان هزار* الهزار بيدمر فعلا والعائلات بتبقي مش مدركة حرفيا*، أهم حاجة نكون جنبه..

حبيت أتكلم ف الموضوع ده عشان بقيت ألاحظه كتير وفي ناس كتير بيعانوا منه بس النوع اللى بلاحظه نوع لفظي والمتنمر فيه للأسف مش مدرك انه هو المتنمر وبيأذي اشخاص كتير وهو مش مدرك ده فياريت ناخد بالنا كويس ي جماعة ..

وبس كده خلصت ..😂😂😌 



   نشر في 22 ديسمبر 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا