What is the meaning of Deep web ??                

مبدئياً كده Google, Yahoo,Facebook , Bing ....إلخ ده الجزء المنتشر والمرئي من الإنترنت وده بمجرد ما تتصل بالنت تقدر توصل له عادي؛ دي حاجة اسمها surface web وده بيمثل غالباً 5% بس من ال Web، طب ايه هو الdeep web بقا !!؟

الdeep web ده عبارة عن بيانات و صفحات غير مؤرشفة محركات البحث اللي فوق دي ماتقدرش توصل لها ولا توصل للمحتوى بتاعها وده غالباً بيحتوي على قواعد بيانات حكومية وسجلات طبية ومعلومات أكاديمية وحاجات مش أي حد يعرفها.

طيب في حاجة كمان اسمها ال dark web وده عبارة عن جزء صغير من الdeep web بس بيختلف عنه من حيث المحتوى بتاعه.

ال dark web ده بيتم فيه كل الأعمال الغير قانونية اللي ممكن تتخيلها فتلاقي مواقع لتجارة أعضاء ومخدرات وبيع سلاح وتعذيب بشر ومواقع لتأجير قتلة وبيستخدمه الناس اللي عاوزة تمارس العمل ده بدون رقابة بمعنى ان المواقع دي مش بتبقى مُتابعة ولا متعقبة من الحكومة، المواقع دي عشان تدخل لها محتاج متصفح مخصص ليها زي Tor المتصفح ده بيأمنك لما تدخل لها ويخليك مخفي وكمان بيمنع أي حد انه يتتبعك سواء من الحكومة أو الأفراد اللي انت بتدخل على مواقعهم.

طبعاً المواقع دي مش أي حد يوصل لها وكثرت الأقاويل انه لو حد مسكك على موقع فده خطر عليك سواء اتمسكت م الحكومة فهتقول انك شغال ف الشغل ده ولو اتمسكت من الناس فهتقول انك بتتجسس وفي كلتا الحالتين انت في مشكلة.

الموضوع طلع مش تافه طبعاً بس ده مايمنعش اننا مش هنبطل نقول ضيب ويب يريء 😂