خطيبتى مسترجله - مقال كلاود
 إدعم  المنصة   
makalcloud
تسجيل الدخول

خطيبتى مسترجله

خاطره كوميديه

  نشر في 01 مارس 2020  وآخر تعديل بتاريخ 06 مارس 2020 .


                      

                         " واحد وخطيبته داخلين يشترو لبس من محل هدوم محترم "

                                        " وهم داخلين عمر بيفتح الباب وبيدخل "

= عمر .. Ladies first

- علشان من غير شنب يعنى .. اتفضلى

                                       " بتضربه بايدها على كتفه .. وبتدخل قبله "

                                         " بيبصوا على جواكت الاول "

- هيام .. ايه رأيك فى ده؟

= هو الجاكت نفسه حلو " عمر يبتسم" .. بس أكيد أكيد مش هيبقى حلو عليك " عمر يحس بخيبه امل"

                                     " بيكملوا تقليب فى الجواكت "

- ده بقى حكايه

= ممم .. فروه كتير .. ايه هنبقى نسهر بعد كده فى حديقه النزهه وصحباتى يقولو ايه النمر جاى يفسح زرافته؟ .. طب حتى شوف فرو أسد

- وساعتها يقولو الأسد جه ياخد لبو** .. هيهيهيه " ضحك مكتوم من عمر "

= "هيام بتكظ على سنانها" بس بس .. بلاها الجواكت احنا نشوف تيشرتات

                       " بيروحوا ناحيه ستاند التيشرتات وبتقلب فيهم "

= ايه رأيك فى ده مع بانت جينز كحلى؟

- أولا .. ده مش ذوقى.    ثانيا .. ده مش لونى المفضل ده اللون اللى انتى بتحبيه.    ثالثا .. مبحبش البس الجينز وانا ماشى معاكى الناس مبتعرفش تفرق بينا .. فاكره اخر مره لبست فيها جينز واحنا ماشين مع بعض واحد حط ايده على كتفك وقالك اروح  شارع الجمال ازاى يا أخ .. فاكره فاكره؟

= كل اللى يعجبك والبس اللى يعجب الناس

- هى فين الناس دى " ويبصلها من فوق لتحت " .. 


                                                       "فلاش باك"

" وهو رايح يخطبها وداخل من باب العماره ولابس بدله ومعاه بوكيه ورد فى ايده وداخل فرحان "

البواب: هيهيهيهيهيهيه .. ده باين عليه العريس الجديد .. كان لازم يجيب معاه فخده لحم ضانى بدل الورد حاكم الانسه هيام تعز معدتها حبتين .. هيهيهيهيه

- دى كان اخرها تروح معايا عند عادل بتلو  ..  

                                                    " بنرجع تانى للمحل "

= عمر

- بتلو

= بتقول ايه

- " عمر بتوتر " بتااااااااا .. " عمر يغنى بصوت واطى "

بتقوله ع اللى مزعلها .. يرد عليها احكيلى كمان  احكيلى زى زمان

                                        " على نفس وتيره اللحن "

= لأ .. هاتلى لحمه ضانى وانا هبقى تمام 

                                   " عمر يتف عليها وهى بتديله ضهرها "

" تليفون عمر بيرن بيطلعه من جيبه ويظهر اسم ع الشاشه "مازن اخو هيام"

- ألو

مازن: أيوه يا عمر .. انت فين؟

- انا مع هيام بنشترى لبس .. ما تيجى ونروح مع بعض

مازن: أجى فين بس أنا بكلمك علشان محتاجك ضرورى .. انا بتخانق ف شارع السلام وانا لوحدى

- مش هينفع اجى واسيب هيام تروح لوحدها فى الوقت ده

مازن: ياعم انا بتصل بيك علشان تبعتلى هيام .. انت هتيجى تعمل ايه!

                   " عمر يبص يمينه وشماله بضحكه اللى تم احراجه ويقفل الموبايل "

                    " هيام بتنادى ع عمر وهى واقفه عند الملابس الداخليه "

= عمر

                  " عمر يبص ناحيتها ويبرق عينه نظره صدمه مع شهيق "

- لأ لأ لأ لأ ااااااااااااااا

                     " عمر بيطلع يجرى بره المحل ويشاور لتاكسى "

- ودينى عند أمى بسرعه " بشحتفه "






   نشر في 01 مارس 2020  وآخر تعديل بتاريخ 06 مارس 2020 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا