مقال (1) في سلسلة تطوير التعليم بعنوان : - مقال كلاود
 إدعم  المنصة   
makalcloud
تسجيل الدخول

مقال (1) في سلسلة تطوير التعليم بعنوان :

لما الدكتور سيد سألني

  نشر في 27 يوليوز 2017 .

بمناسبة أن شغلي كان على تجربة سنغافورة وتطويرها للتعليم بصفة خاصة والاقتصاد بشكل عام حبيت أكتب مقالي ده

سنغافورة جزيرة صغيره حواليها مجموعة من الجزر عادية يعني كانت بتنام وتقوم وترجع تاني تنام زي ما كلنا بنعمل فجأه ولا مؤاخذه أسف في اللفظ أخذت قفا كان في صورة أزمة اقتصادية طاحنة سنة 1990مش بس سنغافورية لكن كمان كانت آسيوية فاقت بعد الـ.........واضايقت .. كان ساعتها رئيس الوزراء لي كيوان اللي فهم وأيقن أن أساس الأزمة كان في القوة العاملة واللي أساسا مسئول عنها التعليم يعني باختصار المشكلة في التعليم فأطلق مبادرة( مدارس التفكير تعلم الأمة ) واللي كان ليها أربع مبادئ

1- اعادة النظر في أجور المعلمين ( ركزوا مع دي شوية يا وزير المالية مش أن اللي بقول ده الحج لي كيوان هو اللي بيقول )

2- الغى التفتيش المدرسي واستحدث التميز المدرسي باختصار زي ما عملنا عندنا برنامج نقاط .

3- أعطى مدراء المدارس مزيدا من الاستقلالية اه لو عملوها عندنا مش عارف ايه اللي ممكن يحصل بس زي ما بيقولوا على مسرح مصر تخيل .

4- عمل المدارس عناقيد مش عنب بمعني أن كل مجموعة مدارس مع بعض يحلوا مشاكلهم مع بعض وعليهم اشراف تربوي موحد .

وموقفوش وسكتوا هوبا وأطلقوا المبادرة الثانية (تدريس أقل ، تعلم أكثر ) كان المعلمين في الحصة شغالين مبيبطلوش زي يونيفرسال ويمكن أكثر وكمان الطالب كان قاعد سميع بمزاجه أو غصب عنه هتسمع يعني هتسمع يا عباس ومن هنا قالوا لا انتهي الأمر أعطوا الطلاب فرصة للتفكير وتنمية قدراتهم وحل المشكلات اللي بتواجههم وخلوا الطالب يأخذ ثقة في نفسه وفي قدراته وده كان ليه اثره ان الطلاب السنغافوريين يفوزوا بمسابقات التيمز في العلوم والرياضيات ويحققوا مراكز أولى على العالم لفتت ليها الأنظار وخاصة الجماعة اياهم اللي مركزين مع أي تطور في الدول أعني الولايات المتحدة واللي وراها أنا معرفش مين اللي وراها لاني مكنتش موجود ساعتها.هههههههه.

بالنسبة للتعليم الجامعي انتقائي جدا جدا جدا ربع الطلاب فقط بيصل للجامعة والربع بالنسبة لعدد السكان القليل ده نسبة بسيطة من الطلاب اللي بتكمل الجامعة وبتمتلك مهارات أكاديمية مش كده وبش وكمان خبرات عملية .

وكمان كان ليها رؤية أن سنغافورة تبقي مركز تعليم دولي وعشان كدت عملت على جذب المعاهد العالمية ذات السمعة الجيدة وكمان هي فيها معاهد تقنية وتكنولوجية ومعاهد متخصصة يزيدوا عن 300 معهد زي البولي تكنيك وكلها داخله في شراكات دولية مع الولايات المتحدة وأستراليا وانجلترا.

الي لاحظته أسماء الجامعات تحس أن عليها طلب في سوق العمل وأن هي متخصصة وكل جامعة موجودة في النطاق اللي متعلق بيها .

& كمان بتطلع الجامعات طلاب مبتعثين عددهم 20 ألف في جميع الدول ينهلوا ويرجعوا مش زي عندنا وعشرين ألف بالنسبة لـ 5 مليون شوفوا بقا دا قد ايه يعني البلد كلها بره.

& وأخيرا نتكلم عن اللي بيزعل الناس من بعضها الماديات بيصرفوا على التعليم 15 % من ميزانية الدولة يعني 7.5 مليار دولار ( كلام فاضي ) على عدد كمان قليل جدا يعني تخيل كده أربعة أشخاص فقط في السعودية معزومين على صينية الكبسة اللي فوقها خروف مشوي على الفحم بزمتك نفسك مش اتفتحت على الأكل هما كده بس على التعليم وأخيرا وليس بأخر لولا شعورهم بالمسؤلية القومية تجاه التعليم والاقتصاد مكنش حاجه اتعملت وكان جابوا عقد عمل بقه وراحوا السعودية وانتم عارفين الباقي.

طبعا أنا مقلتش بنفس الطريقة دي أوي للدكتور سيد ( عنوان المقال) مش عارف كان هيسقطني ولا ينجنحني الله أعلم .

وبعد ده كله أوعوا ده ينسيكوا تهنوا أ\ علي بمناسبة زفاف نجله اليوم 23\7\2017.

ولو عجبك اضغط لايك و انتظر المقال الجاي



  • 1

   نشر في 27 يوليوز 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا