الـثورة مـستمرة - مقال كلاود
 إدعم  المنصة   
makalcloud
تسجيل الدخول

الـثورة مـستمرة

لن ننسى معتقلينا

  نشر في 21 أكتوبر 2017  وآخر تعديل بتاريخ 02 نونبر 2017 .

مكالمة خارجية مستعجلة

المرسل: مجهول

المرسل اليه: نحن جميعاً

مرحبا كيفكون جميعاً يا اخواتي السوريين و العرب ان شاء الله بخير إزا ما بتسالو عنا نحنا بسوريا منسأل عنكن وحابين نطمن عليكون ولهيك مارح اخد مو وئتكن كتير لانو منعرف مشاغل الدنيا اخدتكن منا انا محمد الشامي من حي جوبر حبيت دردش معكون شوي لانو يمكن نسيتونا او عالاقل عم تحاولو تنسونا يا اخواتي انا عم احكيكون من جوبر لي هي عندي احلى من تركيا وبرج ايفيل وشارع "الشانزلزيه"

لو كنتوا عم تشوفوا هالابنية والبيوت بعيني كان عرفتوا أديش هي حلوة وجميلة صحيح مدمرة بس بحس الحيطان عم تحكي قصص وحكايا صحيح ارض التراب مشققة بس بين هالشقوق في ورد وياسمين ريحتو عندي احلى من كل العطور العربية والفرنسية نحنا هون ومارح نطلع من هون بإزن الله نحنا اقوى منن واوعى تفكروا بيوم من الايام مجرد تفكير انو انا مو سعيد ومبسوط بالعكس انا مبسوط كتير وفرحان كتير لاني بين أهلي وناسي وعايش على تراب وطني

هنن صحيح معهن روسيا ودول اوربا ونحنا حتى انتوا يا اخواتنا العرب تخليتو عنا بس بحب احكيلكون انو نحنا اقوى منهن بتعرفوا ليش؟ لانو نحنا الله معنا انا لما بكون لحالي بصير اصفن وفكر افكار بتاخد وافكار بتودي وبحس انو ما لازم كون بس مجاهد او مقاتل او ثائر لا انا لازم كون كمان مناضل لانو في غصة هون .. هون بالقلب ما فيني احكيها ما فيني حتى ترجما او عبر عنا لانو هالغصة متل الوردة الجورية والياسمية الشامية فينا نشم ريحتا وتعشش وتتغلل جواتنا بس ما فينا مهما حاولنا نترجم حلاوتا

لما امشي بشوارع جوبر وشوف هالبيوت راكعة عالارض وشجرة التين والتوت لي كنت اكل منا انا وصغير مكسورة وحانية اغصانا عالارض الدموع ما بتفارق عيني حتى أوصل لبقايا بيتي الصغير بجوز صغير بحجمو بس كبير كتير بسكانو بيتي لي صار نصو عالارض ونصو التاني ساكن فيه انا و رفئاتي لي هنن اليوم بئيولي من هالدنيا لانو عيلتي راحت لي اعتقلو ولي استشهد ولي تهجر ولي هاجر ولي ولي ولي

عم احكي معكون هلاء يا اخواتي والغصة عم تزيد يوم عن يوم لانو اصعب شي عندي لما بحط راسي على المخدة بحس الدنيا صغيرة يالله شو صغيرة فوق ما بتتصورا يمكن لانو بحس جوبر هي دنيتي ومابدي اطلع منا واكيد مارح اطلع منا مع انو صغيرة بس حلوة كتيررررررر كتير

لما بمشي بجوبر الصبح بكير بحس بالامان أد ما كان فيا قصف من النظام واخواتوا مع هيك بحس فيا بالأمان وبإزن الله مارح يطلعلون معنا لانو نحنا الأقوى وراح نضل الأقوى ولانو هلاء صرنا مناضلين عن حق بعد ما كل الدنيا تخلت عنا وعن ثورتنا واليوم وبكرا وبعد ميتين سنة ثورتنا مستمرة ومارح تموت وازا متنا هاد مو يعني انو ثورتنا انتهت راح يجوا اولادنا وراح ضل ثورتنا مستمرة

لانو نحنا بسوريا هيك تربينا وهيك عشنا وهيك راح نربي اولادنا ما ممنكسر بالهين لمين ما كان عنا هدف واحد هو اسقاط النظام لي احتل ارضنا وانتهك عرضنا ومارح نترك هالهدف لو كلف شو منكان لهيك لا تشيلو هم لستنا صامدين وصابرين ومهما صار شوكتنا راح ضل بإزن الله قوية بعيون النظام ولا تفكروا نحنا بحاجتكون او بدنا منكون شي يا اخواتنا بالعكس انتوا بحاجتنا اكتر مو نحنا بحاجتكون بدي منكون شي واحد بس انو تدعو النا وتكونوا سيف بضهرنا يدافع عنا وينصرنا بس بالكلمة بس بالكلمة لانو ثورتنا منصورة مهما طال الزمان وبعمرو ما بموت الحق و ورا رجال الشام و درعا و ادلب واللاذقية و الدير و حمص وادلب والرقة و راح ضل الثورة مستمرة


  • 1

   نشر في 21 أكتوبر 2017  وآخر تعديل بتاريخ 02 نونبر 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا