psychology - مقال كلاود
 إدعم  المنصة   
makalcloud
تسجيل الدخول

psychology

introduction

  نشر في 23 ديسمبر 2015 .

للناس الى مهتمة بمجال علم النفس , سواء بيربطك بالمجال شغل او ميربطكش بية حاجة خالص وعاوزة كامجرد علم او ازاى تتعامل بية مع الناس الى حواليك ؟ هايفيدك ازاى ؟ تقدر تستخدموا ف اية ؟ وتقدر تتعلموا ازاى وعن طريق اية تطبقة ؟ وازاى المجال دا هايقدر يساعدك ف مجال شغلك ؟!

علم النفس ف حد ذاتة مجالاتة كتير وكل مجال من المجالات دى بيهتم بدراسه شئ معين بطريقتة الخاصة , مينفعش تروح تقول لواحد انا عاوز اتعلم علم نفس وتسكت , لييية ؟

لان كلمة علم نفس دى كلمة مرنة جدا , ممكن تكون عاوز تتعلم علم نفس لانك عاوز تدرس حالات العماله الى عندك ف المصنع او ف الشركة .. ! عاوز تعرف ازاى الإنتاج يزيد واية السلوك الى ممكن يأثر ع الانتاج دا ف يقل ؟ وبكدا تكون بتتكلم ف فرع واحد بس من فروع علم النفس وهوا علم النفس الصناعى /التجارى . ودول اكتر فرعين هايفيدوك ف النقط دى .

او ممكن تكون حابب تعرف عن طرق التفكير والعمليات المعرفية والعقلية , او ازاى دماغك بتشتغل لما بيكون فية حدث ادامك , ازاى بتسجل دا ف الذاكرة والذاكرة ازاى بتتعامل معاه وتعلجة علشان تحولة لمعلومات ؟ المخ ازاى بيستوعب الاشارات دى وازاى بيترجمها للغة حسية يفهما الجسم . ساعتها اكتر فرع هايفيدك هايكون علم نفس معرفى

ولو حابب تعرف عن تجارب ردود الفعل والسلوك وازاى تنزل وتدرسوا واية الطرق الى المفروض تتبعها علشان تدرس تجربة معينة وتدرس اثارها عليك او ع الشريحة الى بتحاول تعمل الدراسة علشانها , ساعتها عليك وع علم النفس التجريبى .... وإلـخ

قبل ما اقولك انت اية الفرع الى محتاجة او دا هايفيدك ازاى وتقدر توظفة ازاى ف مجالك خلينى اقولك علم النفس كاكل بتشترك فروعة كلها ف اية ؟

علم النفس كاكل بيدرس الظواهر السلوكية وازاى نقدر نتنبآ بيها قبل ما تحدث وازاى نتعامل مع السلوك وبالذات لو سلوك ضار للفرد او للمجتمع الى الفرد عايش فية , ساعتها علم النفس هايقولك ازاى تتعامل مع السلوك دا وتحد منوا .

وخد بقى ع التعريف دا تفسيرات كتير جدآ

اقدر اعرف ازاى الفرع المناسب ليا والى هايساعدنى ف المشكلة الى عندى ؟

دى اشهر فروع علم النفس والى غالبآ مشكلتك مش هاتطلع منهم

علم النفس النمائى / ودا الى بيدرس النمو والحالات النفسية الى بتأثر ع النمو دا

علم النفس الفارق - الفروق الفردية / دا بيدرس الفروق الفردية الى بين كل شخص والتانى زى نسبة الذكاء والقدرات الخاصة وإلـخ

علم النفس الاجتماعى / ودا الى بيدرس سلوك المجتمع كاكل من عادات وتقاليد ومتتابعات

علم النفس الإكلينيكى -العيادى / ودا علم النفس الى انا وانتوا عارفينوا كويس اوى انى اعد مع الحالة واعملها دراسة خاصة وابدء احط الخطوات الى هاعالج بيها المشكلة دى , وببدء من دراسة الحالة اعرف اذا كان السبب بيولوجى او سيكولوجى

علم النفس الاسرى / بيدرس السلوكيات الى لازم تتبعها الاسره علشان انشاء نماذج سوية

علم النفس الفسيولوجى / ودا بيدرس تأثير المرض النفسى ع الجسم والاعضاء والعكس

علم النفس الإيجابى / بيهتم بموضوعات زى التقاؤل وإدراك المنبهات الايجابية

علم نفس المشكلات النفسية للاطفال / ودا بيهتم جدا بدراسة المشكلات النفسيه الى بيمر بيها الاطفال حتى سن المراهقة

ومن اهم الموضوعات الى بيهتم بيها الفرع دا .. الكذب , النشاط الحركى الزائد , قضم الاظافر , الخوف , العدوان وإلـخ

علم النفس السياسى / تدخل السلوك الجماعى ف رد فعل الافراد والعكس

علم النفس الصحى / دا معظمة بيدرس الوقاية من الامراض النفسية زى الاكتئاب الصباحى والاكتئاب بصورة عامة والخوف الزائد والخ

علم النفس الجنائى / ودا بيدرس الدوافع للجريمة

دا بجانب الدراسات الى ترتبت عليها فروع علم النفس او دراساته مثلا لغة الجسد

أنا لو عاوز اتعلم علم نفس بعد ما حددت الفرع ابدء منين وازاى ؟

ف البداية لازم تكون محدد عاوز تتعلم لية علم النفس الـ ** دا ! لان دا مهم جدآ ف الى جاى

لو عاوزها دراسسة يبقى هاحطلك ماتريال ف اخر الـمقال هاتفيدك

اما لو عاوزها كا قراءات وتثقيف ف انا هارشحلك اسامى كتب دلوقتى واسامى علماء هما الاشهر ف علم النفس ف ياريت تقرالهم

اول كتاب

هايكون عن مبادئ الفلسفة والمنطق .. هاتقولى ازاى انا عاوز علم نفس هاقولك الفلسسفة هيا ام العلوم وبما ان علم النفس من اشد المجالات الى لازم تشغل فيها دماغك وتستوعب بسرعة ف الفلسفة والمنطق هايعلموك ازاى تحلل الامور وتشوفها من منظور مختلف , قرءات عن الفلسفة هاتعليك ف اى مجال انت حابب تدخلة حتى لو غير علم النفس

تانى كتاب

النظريات الشخصية لفرويد / الكتاب دا هايفيدك جدآ بالذات لو انت بتشتغل ف مجال العلاقات العامة او التنمية البشرية

هاتقولى ازاى ؟ هاقولك ان فرويد ف الكتاب دا جمع تقريبآ كان حاجة تقيلة كدا عن السلوكيات المختلفة للبشر كاكل ودوافعم للسلوك دا ؟ واية المخفى ورا كل سلوك وازاى تفهمه وتتعامل معاه .

تالت كتاب

لغة الجسد الممنهجة هوا غالبا الكتاب دا مترجم وانا مش فاكرة اسم المؤلف , بس لو عملت بحث عنوا هاتلاقية , الكتاب دا فظيع بكل ما تعنية الكلمة , وبردوا هايفيد اكتر الناس الى بتشتغل ف مجال العلاقات العامة

العلماء الى اضافوا كتير للعلم دا لو حابب تقراء عنهم ف خد عندك اشهرهم فرويد و فونت وفخنر

بعد ما تثقف نفسك بالحاجات الخفيفة دى ابدء حدد موضوعات مهمة ف مجالك

يعنى لو انت مجالك علاقات عامة وتنمية بشرية / هاتحتاج تتعلم عن لغة الجسد وطرق الاقناع وتوظيف القدرات ونظريات شخصية

اما لو مجالك التدريس ف هاتحتاج تتعلم الارشاد النفسى وتوظيف القدرات

لو مجالك ماركتنج ف هاتحتاج تركز ع مهارات الاقناع ونظريات شخصية وخصوصآ بقى لو محدد الفئة الى انت شغال عليها موضوعات النظريات الشخصية دى هاتفيدك جدآ

لو مجالك "عاوز اتعلم ازاى اتعامل مع الناس وافهمهم" عليك وع لغة الجسد والادراك

من انجح الناس الى قابلتها ف مجالات زى العلاقات العامة والماركتنج كنت دايمآ الاقيهم عندهم قراءات ف مجال علم النفس حتى لو قرءات عشوائية غير منظمة , بس كانوا بيأكدولى اد اية الموضوع مفيد وممتع

اما بقى لو انت ولا واحد من الى فوق دول وبس عاوز تفهم نفسك ف ممكن تقراء عن الامراض النفسية زى

الهلوسات /الاكتئاب / الشيزوفرنيا / الصدمات / الذهان / شيخوخة المراهقة

كل ما تدرك السلوكيات الى ممكن تتعرضلها قبل ما تتعرض لها رد فعلك هايكون اكثر قابلية ومرونة ودا ف الاخر هايصب ف مصلحتك

وان شاء الله هاحاول اكتب مقال بيتكلم عن كل فرع من فروع علم النفس بأستفاضة اكتر


  • 2

   نشر في 23 ديسمبر 2015 .

التعليقات

عااااااش يا نور
Keep on
0
Nourhan Alm El-deen
ربنا يكرمك يارب

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم










عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا