صلاة الفرض لا تشبه السنة - مقال كلاود
 إدعم  المنصة   
makalcloud
تسجيل الدخول

صلاة الفرض لا تشبه السنة

  نشر في 09 ماي 2019 .

" صلاة الفرض لا تشبه السنة "

رسالة ✉

مافيش حاجة اسمها نسيتك… كرهتك ده لو كنت فعلا حبيت.

فيلم #حبيبي_دائما جسد قصة وجع 😔 الحب الحقيقي في مشهد حوار بوسي وجدتها لما قالت لها: أنا نسيته… بكرهه، وردت الجدة عليها: لو كنتي نسيتيه ماكنتيش هتبقي بتكرهيه.... منطقي👍!

لو حبيت بجد مش هتنسي لا بمزاجك ولا غصب عنك، بس لو اتفرض عليك البعد وانتهي اللي بينكم وللأبد ومافيش فرصة تانية ولا لك عندها رصيد 🤔 يبقي في #وجهة_نظري :

⛔ بلاش تكابر واعطي الوجع 😔 حقه ووقته اللي محتاجه ذي ما قدرت توفر للحب ❤ وقته،

⛔ بلاش تلف وتدور وتكذب علي نفسك بوهم اسمه نسيتك... بكرهك أو تشغل نفسك بحد تاني وتفضل تتنقل ذي نحلة🐝 من هنا لهنا ومن زهرة🌹 لزهرة⚘ وأنت فاكر إنك كده بتنسي، لا ❌ انت يمكن بتشغل نفسك لكن مجرد ماحلت هي عن طريق الصدفة قلبك ❤ هيسيبك ويجري عليها ذي ماهي بتجري في دمك:

تيمم بمن شئت من أهل الأرض ….

فأنا الماء الذي إن حل بطل التيمم!

طيب لو ماقدرتش تنسي🤔🤔🤔؟

غالبا العيب مش بس فيك كمان في شخصية ماينفعش ببساطة تنساها ولا بسهولة تلغي المساحة اللي احتلتها جواك ولا تتجاهل تفاصيلها اللي شغلت تفكيرك، في شخصية برضاك أو غصب عنك سكنت جوارحك وشئت أم أبيت:

⬅️ هتفضل تسمع اسمها فتشوف صورتها...

⬅️ هتفضل عايشة وإن حاولت كل يوم تخنق الذكري…

⬅️ هتفضل في الصورة اللي مش قادر تقطعها...

⬅️ الرقم اللي عمرك ما هتمسحه...

⬅️ البلوك اللي كل يوم تفتحه…

⬅️⬅️ هي موجودة ولو حاولت كل يوم وكل دقيقة تنساها… هي معاك وأنت بتدور علي حد يشبه لها وفيه من روحها ومن طبعها:

I didn't lose you, you lost me. You'll search me inside of everyone you're with and i'll not be found!

هتفضل تدور عليها ومش هتلاقيها يمكن في ذيها أو حتي يشبه لها لكن...... مش هي ☹

عارف ليه🤔؟ لأنها:

⬅️ الوعد اللي مش نفذته والعهد اللي خنته والكلمة اللي ماكنتش أدها...

⬅️ الحلم اللي عشت فيه سعيد صحيت نفسك منه تعيس...

⬅️ الواقع اللي مش هتقدر تغيره وبتتمني ترجع له...

⬅️ الماضي اللي مش بيموت والحاضر اللي مضطر يوميا تبرره...

⬅️ الحاضر الغائب اللي في كل مناسبة بتفتكره ولو نسيت أكيد حد هيفكرك…

⬅️الفكرة اللي ضاعت والحب اللي فشل 💔 والذكرى اللي اتشوهت والأمنية اللي مش بتوصل لها.

ناس كتير بتعيش وهم اسمه " أنا هنسي " وبيحاول بكل الطرق يكره عشان يقنع نفسه ولو بالكذب إنه خلاص اتخلص من الحب اللي بيعذبه.

👎 بتضحك علي نفسك وبتلف في متاهة الوجع وكل مرة هتشوفها أو تفتكرها هتوجع نفسك 🙁 تاني وجع أشد وأصعب😖 وهتتعب قلبك من جديد😞، وده بيحصل مع أسهل صدفة ممكن تجمع بينكم.

والحل 🤔؟

✅ ذي ما اديت للحب ❤ حقه ووقته أعطي كمان الوجع 😔وقته. الوقت كفيل يعالج الجرح طالما إن البعد لا مفر منه وطالما إنها مش هترجع 🚫 ومش هتقبل 🚫، يبقي ياريت تدي للوجع كمان وقته… بس وأنت بتتوجع أوي كده اتأكد إنه " كان " حب ❤ يعني يا ألف خسارة… اتأكد إنك خسرتها لأن اعترافك بقيمة اللي " كان " صحيح مؤلم 😩 بس هيساعدك تخف وتقبلك إنه " ماضي " عدي ومش راجع هيسهل علي عقلك تقبل فكرة الغياب.

✅ كمان مهم تبعد عن فكرة إيجاد بديل أو شبيه مافيش شخص بينسيك شخص ولا حب بيعوض حب، دور أفضل ع اللي يقدر يسعدك… يطمنك… يخطفك من نفسك ويسكنك رغما عنك!

تتمني شبهي..... حقك

تريد غيري.... ستجد

لكن

تريد مثلي؟.... مستحيل:

فصلاة الفرض لا تشبه السنة!



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 09 ماي 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا