تَنَاقُض - مقال كلاود
 إدعم  المنصة   
makalcloud
تسجيل الدخول

تَنَاقُض

مشكله مجتمع و شعب

  نشر في 06 مارس 2015 .

تناقض, كلمة كبيرة شوية و تقيلة في لفظها و معناها ممكن يكون صعب شوية عشان نحدده و لكن في المفهوم العام للبشرية التناقض هو انك تقول يمين و تروح شمال ببساطة كده ولا مش قصدي انك تنصح و متعملش بالنصيحة مش ده التناقض, هوضح التناقض في بعض الأمثلة اللي خلتني انسان ساخط على المجتمع المصري اولا و العربي ثانيا

مثال الأول :

انا كواحد مصري متعود على البهدله اللي بتحصل للواحد في شوارع مصر و هو ماشي بس في حاجات بتعدي على الواحد مبيقدرش يبلعها و يسكت عنها , مصر دولة مسلمة و ده حسب الاحصائيات للسنوات اللي فاتت و فيها نسبة مسيحيين بس دول مش هتكلم عليهم دلوقتي , نرجع لموضوعنا , لما انزلت رسالة الاسلام على الرسول محمد عليه الصلاة و السلام كانت الاخلاقيات الاسلامية التسامح و المحبه و النخوة و غيرها , دلوقتي الحاجات ده مش موجودة في مصر ( الا من رحم ربي ) واحد بيستغل القران بانه يشغل على سماعات دي جي بأعلى صوت طيب حضرتك ده اسمه ازعاج مع احترامي للقران بس برضه بغض النظر عن اللي شغال ده ازعاج مش دعوة ولا انت بتكسب حسنات ده كلو سيئات و ناس عماله تدعي على اهلك , لما يكون في عزا ماشي لأنه في عزا لكن انت ايه وضعك ؟

مثال الثاني :

انا يا دوبك عندي 19 سنة يعني لسة في مرحله شباب و مراهقه, لما اشوف ان المسيحي بيعاملني احسن من المسلم مع العلم ان انا مسلم و عارف الاسلام امرنا نتعامل ازاي مع الناس, هل يا ترى هعيب في الناس و لا هعيب في الاسلام كديانه ؟ ( انا مبحرضش على الديانات ولا بقارن انا بعيب في البشر و بوضح وجهة نظري ) لما الاقي ان زميلي المسلم اللي المفروض نكون انا و هو اخوات و لو فايدي حاجة هو عايزها اديهاله و في المقابل هو لو في ايده حاجة انا عايزها يديهالي و كده الاقيه بيتمنى يجي اليوم اللي يدبحني و يتغدى بلحمي فيه على عكس المسيحي اللي الاقيه مبتسم و انا بسلم عليه بلاقيه محترم في كلامه بلاقيه انسان.

مثال الثالث :

اتفقنا ان المسيحية فيها حرية ان المرأة تكشف شعرها و تلبس عادي بناطيل و كده و مع ذلك عمري ما شفت مسيحية لابسة جينز ضيق !! و عندنا في الاسلام طبعا لازم البنت تبقى ساترة نفسها و مع تققدم الحياة بعض العلماء افتو انه يجوز تلبس في حدود الستر يعني تغطي شعرها و لبسها لا يشف ولا يظهر جسمها و سبحان الله بشوف كتير منهم لابسين جينزات مش داخله فيهم اساسا و بيفتخروا بالشيء ده و اللي تلاقيها مطلعه نص شعرها من تحت الحجاب, يعني نعم ؟ انتو ايه ؟ و المصيبة الأكبر ان ابوها يقولها البسي كده و ياخدها و يشتريلها الحاجات ده و فرحان !!

دول 3 امثله من حاجات كتيرة قوي في مجتمعنا اتسببت اني كانسان و غيري كتير بقينا نسأل العيب في الدين ؟ ولا العيب في الناس ؟ مجتمعنا وصلني لمرحله اني بقيت اشك حتى في المنقبة و الملتحي مهما كان احترامه ان شاء الله يكون إمام الحرم المكي برضه هشك فيه.!!

و في النهاية و الختام لست احرض على الاديان ولست اعيب في الأديان ولا ازدريها و انما هي تساؤلات في نفسي و سخط على مجتمع حقير عقيم فكريا يضيع فيه الناس و الشباب من مثلي و انا مسلم و اشهد ان لا اله الا الله و ان محمد رسول الله . :) 



  • محمد عيد
    طالب 19 عام ارى الكثير من التناقضات في مجتمعي و مازلت ابتلع ريق احتجاجي عليها حتى جف ريقي ولن يرويني الا الاحتجاج على هذا المجتمع اللي يفقع المرارة
   نشر في 06 مارس 2015 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا