الجراءه حلوه - مقال كلاود
 إدعم  المنصة   
makalcloud
تسجيل الدخول

الجراءه حلوه

مفيش كلام

  نشر في 29 أبريل 2017  وآخر تعديل بتاريخ 06 ماي 2017 .

أعتقد الجراءة الحقيقية مش أنك ترمي نفسك من الشباك او توقف قدام عربيات في طريق سريع .. مش أنك تتخانق مع أكبر عدد من الناس أو اي حد يضايقك تروح شتمه و انتا بتصرخ  "أنا مبيهمنيش حد !! " .. جراءة مش مجرد أكله ايس كريم في ديسمبر زي ما صورها لنا الفنان عمرو دياب او نطة من شلال افريكانو زي عبر لنا الفنان أحمد السقا.. مش انك تلبس لبس غريب ع بئتك وتربيتك.. مش انك تقول الفاظ مش كويسه عشان يتقال عليك جرئ !  .. أنما أعتقد الجراءة في انك تستأذن من مكان حاسس ان وجودك فيه بيضرك مش بيفيدك أو أنك تأقفل في مكالمة عملالك صداع بتشغل من وقتك و مزاجك ..  الجراءة أنك لما تخرج مع أصحابك تكون ع طبيعتك ، مش بتعمل الحاجة عشان هما بيعملوها أو تقبل تظهر بشكل معين عشان تمشي علي هواهم ! .. الجراءة الحقيقة أنك تلفظ اي حد من حياتك بيستغلك حتي لو متخيل حياتك مستحيلة من غيره و تتمسك بالناس اللي بجد مؤمنه بيك حتي و لو حاربك العالم كله عشان تبعد عنهم ..  الجراءة إنك تعترض وقت حتمية الإعتراض و تعترف بغلطك لما تلاقي اثبات ع الصح ..  انك متنافقش عشان مصلحة او ترقية أو توافق عشان مكسوف او خايف ...  إنك تسترد زمام حياتك  و تصدق أن جوهر الإنسان في قيمه و مبادئه  .. الجراءه إنك تتحمل المسؤولية من غير صوت عالي و لا تعليق الإتهامات و الأهم إنك تكون ع وعي لا تفعل اي شي تحت مسمي الجراءه  ... ففي وجهة نظري ، الجراْه الحقيقية أنك تعبر عن اللي ف قلبك بكل صراحة و حزم .. أنك تحترم وجودك كإنسان له كيان واضح من حقه الوجود و الحياة والتعبير بكل حريه وبلا قيود عن رايه...

الجراءه انك تؤمن بنفسك حتى لو مفيش اي حد ولا اي حاجه في حياتك أمنت بيك ولا بتدل ع انك ممكن تعمل اللي بتحلم بيه وانك تحاول وتقوم تاني بعد كل فشل كان هدك الجراءه انك تعمل اللي قلبك حابه وحاسه مهما كان مش منطقي ولا حد فاهم..

 الجراءة انك تقول لا فى الوقت اللى كان لازم تقولها فيه ..متخليش حد يستغل حياءك وكسوفك ويخليك تعمل حاجه غصب عنك عشان مكسوف تقوله لا..

الجراءة في أبسط صورها إنك ممكن تنفخ بالونه و تجري وراها و هي بتطير و كلك سعادة حتى لو ضحك الكل عليك ..الجراءة إنك تصنع لنفسك و بنفسك السعادة بطريقتك مادام مش بتأذي حد...

الجراءه حلوه مفيش كلام...

📝محمد العمري 



   نشر في 29 أبريل 2017  وآخر تعديل بتاريخ 06 ماي 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا