العقل مفتاحة القلم، ويا للوضاعة فأغلب الناس مفاتيحهم ضائعة - مقال كلاود
 إدعم  المنصة   
makalcloud
تسجيل الدخول

العقل مفتاحة القلم، ويا للوضاعة فأغلب الناس مفاتيحهم ضائعة

سياسة الشحّاطة والمشابك

  نشر في 22 يوليوز 2017  وآخر تعديل بتاريخ 22 يوليوز 2017 .

البارحة، چانت قطر وإيران بيناتهم صايرة بالشحاطات، ويحتاجلها بس گعدة عشائريّة. يابَ ليش؟! لأن قطر دولة إرهابيّة وتمول الإرهاب مثلما چانت تگول إيران.

بس اليوم هذا الكلام كلّة نذب بالزبالة، وصارت قطر بنظر إيران دولة مظلومة، ومغدورة، وعادلة، وبريئة مثل علي بن أبي طالب، طبعاً هذا الكلام ما جايبة من جيبي، تگدرون تگوگلون الحچي وتشوفوة باليوتيوب. لأنّ هنا حرام نشيل غيبة أحد خط أحمر، أخاف يطلع تاج راسي، مو؟!

هسّة تگلي إي شچلبت بإيران؟، أوكي حبيبي، نطلع من إيران. بالتسعينات العراق چفتها للكويت، وصارت دكَ ملاطم هو والخليج والسعودية، وهمينَ صارت بالشحاطات والچلالیق .. سقط النظام 2003، وإجى الحب حزب الدعوة، وهم صارت بين العراق والسعودية بالدفرات والشحاطات ورادت تصير حرب الخليج الرابعة إلا شوية. بس من إجى السيّد حيدر العبادي، كلشي صار العكس، ورجع العراق إتزوج السعودية، ورجعت السعودية لحظن العراق وعاشو عيشة سعيدة. وبتصريح الملك سلمان صرّح إن العراق بلد عظيم وعروبي وعلاقتنا جيّدة، والعبادي همينَّ صرّح إن السعودية بلد جار وتستحق كل الأحترام وهي ساعدتنا بحربنا ضد داعش !

لحظة عيني أبو الشباب .. چا مو على أساس إيران هي اللي ساعدتنة وتنطينة سلاح ببلاش؟! والسعودية رقم 1 بالإرهاب؟! شدا تمخرط إنت! تاج راسك عيني حيدوري.

العراق وسوريا، چانت علاقتهم ما بيها شي، وعلي يابو علي رادو يتزوجون، لأن ثنينهم نفس الحزب ونفس الشكولات. بس من سقط النظام، مثل ما گال أبو أسراء العلم إنُ سوريا هيّة اللي تدرب تنظيم القاعدة، وهيّة اللي تدز المفخخات لبغداد. بس من صارت الأزمّة السورية صار بشار الملاك الطائِر وحرام نتفوة علية.

مبينة هذي الشغلة صدُك راح تعلسنة، لهذا خلي نطلع من الموضوع، ونروح لربّاط السالفة:

ربّاط السالفة هو، صحيح العبادي، والخامنئي وتميم، وبشّار، والعلم أبو سريوة كلهم متعاركين، بس اللي متأثر بالموضوع والواگع بين حانة ومانة؛ هو شعوبهم، محد من أولاد هذولَ، مستشهد بإنفجار، محد من أولادهم راسب بالإمتحان، محد منتحر، محد من أولادهم نازح، محد من أولاد هذولَ ميت بحروبهم، محد من هذولَ حاسين بالحصار اللي دمرو بية بلدانهم، محد مستشهد بقصفهم العشوائي. أشوف واحد ثلاجتة عطلانة و مريض، وفقير، ويدافع عن سياسي وأحد تيجان الروس ويصيح ومحروكَ دمّة، هذا من تباوعلة ما تگدر تردّة، لأن هو وضعية عقلة متعودة على اللواگه، وللأسف دائِماً العقل مفتاحة القلم، ويا للوضاعة فأغلب الناس مفاتيحهم ضائعة.



   نشر في 22 يوليوز 2017  وآخر تعديل بتاريخ 22 يوليوز 2017 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا