بمناسبة المولد النبوي - مقال كلاود
 إدعم  المنصة   
makalcloud
تسجيل الدخول

بمناسبة المولد النبوي

  نشر في 23 ديسمبر 2015  وآخر تعديل بتاريخ 01 فبراير 2016 .

كان ياماكان ياسعد يا اكرام ولايحلي الكلام الا بذكر النبي عليه الصلاة والسلام ,دا كان بداية اي قصة بنسمعها من واحنا صغيرين .زي النهاردة في يوم من اعظم الايام جيه الدنيا نور من الله جيه الدنيا رحمة العالمين جيه الدنيا متمم مكارم الاخلاق الذي لاينطق عن الهوي سيدنا محمد صلي الله عليه وسلم .

احنا كمسلمين في اليوم دا من كل سنة بنحتفل بالمولد النبوي بس عشان احنا مصريين ومختلفين في كل حاجة بنسميه مولد النبي بكسر اللام 

بما ان انهاردة مولد الرسول لازم نسال نفسنا سؤال مهم جدا هل احنا فعلا بنقتدي بالرسول في اي حاجة في حياتنا ؟ ولا حبنا للرسول مجرد كلمة مبقتش تعدي من الفم للقلب من كتر ما مسخت هنلاقي اننا في اغلب افعالنا بتكون بعيده كل البعد عن اي حاجة امرنا بيها او نهانا عنها الرسول يعني مثلا الرسول نهانا عن الكذب وصعب تلاقي اليوم يعدي من غير مانكدب  او نلاقي حد حوالينا بيكدب نهانا عن النفاق وبقينا عايشين في ارض النفاق نهانا عن حاجات كتير لو بصينا في حياتنا هنلاقينا بنعملها كل يوم من غير مانحس لدرجة انها بقت جزء من اليوم . دا اللي الرسول نهانا عنه نيجي للحاجات اللي امرنا بيها الرسول (السنن النبوية) وضربنا بيها عرض الحائط يعني مثلا كلنا عارفين ان اللحية (الدقن ) سنه عن الرسول مؤخرا جاتلنا موضة الدقن من برا وبقينا نقلدها من غير مانفكر زيها زي حاجات كتير بناخدها copy -paste لمجرد انها جايالنا من الغرب وبقدرة قادر لقينا معظم الشباب بقوا شيوخ من فوق وبنطلونات مقطعة من تحت .والعكس بنلاقي ناس بتستغل سنه النبي لمصالح شخصية وتسئ للاسلام والرسول وزي مااحنا عارفين ان نظرة الغرب للاسلام نظرة احادية بيحاولوا يوصلوا صورة معينه ومهما عملنا عشان الصورة تتغير مش هنعرف لانهم هما عايزين يشوفونا كدة وفي وسط الكلام دا بنلاقي ناس في وسطينا بيساعدوهم في اللي عايزين يعملوه من غير مايحسوا . 

لوجينا اتكلمنا عن مظاهر احتفالنا بمولد الرسول هنلاقينا برضوا ابعد مانكون عن اي حاجة كان الرسول بيعملها يعني مثلا في اليوم دا كان الرسول بيصوم وبيذكر ربنا انما لو جينا نتكلم علينا (كمصريين) عشان الصراحة مش عارف باقي الشعوب الاسلامية بتحتفل به ازاي هنلاقينا بنعمل حلاوة المولد معرفش ايه اللي جاب الحلاوة لمولد الرسول بس يمكن عشان احنا شعب متدين بطبعه زي ماطول عمرنا بنسمع فبنعمل كدة وعشان احنا شعب متدين بطبعه  الحمد لله بفضل الله بقينا من الخمس مراكز الاولي في البلاد اللي فيها تحرش جنسي وعشان احنا شعب متدين بطبعه بقينا المركز الاول عالميا في البلاد اكثر زيارة للمواقع الاباحية وعشان احنا ولابلاش كفاية تدين لحد كدة نرجع للحلاوة .ثانية واحدة كدة ايه ؟ الدنمارك شتمت الرسول ؟ يا نهار ابيض دا احنا هنطربق الدنيا باللي فيها .وهتعملوا ايه يا مصريين يا متدينيين بطبعكم؟ احنا هنوزع في مصر كلها ملصقات الا رسول الله وفداك ابي وامي يا رسول الله. طب افرضوا مبطلوش يا مسلمين يا متدينين بطبعكم؟ ساعتها بقي يبقي هما اللي جابوه لنفسهم احنا هنشيل الملبن الاحمر وعين الجمل والحمصية من علبة الحلاوة تضامنا مع الرسول احنا شعب متدين بطبعه انت بتتكلم في ايه .

لو جينا بصينا فعلا علي اللي بيهين الرسول هنلاقي اننا اول ناس بنهينه بكل تصرفاتنا وافعالنا الغلط في غلط والحال اللي وصلنا له دا اللي اكيد اكبر سبب فيه اننا بعدنا عن اللي امرنا بيه الرسول ملناش حق بقي نزعل لو سمعنا ان الرسول بيتهان من ناس حقيرة لازم نزعل علي نفسنا الاول علشان يبقي لينا عين اننا نرد عليهم وعلشان نعرف نرد عليهم لازم نعرف ان ربنا قال لنا كدة (واعلموا ان فيكم رسول الله ) صدق الله العظيم .



   نشر في 23 ديسمبر 2015  وآخر تعديل بتاريخ 01 فبراير 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا