أصنع عالمك...او اشترية سيان - مقال كلاود
 إدعم  المنصة   
makalcloud
تسجيل الدخول

أصنع عالمك...او اشترية سيان

  نشر في 04 غشت 2018 .

والله اعلم 7 الصبح دة معاد احنا فهمناه غلط اعتقد. معاد دة مخلوق واتحط على الساعة لجرى, تمشية, كوباية قهوة وسيجارة, اى حاجة شخصية غير انة يبقى معاد شغل او بداية يوم عمل او انتظار اتوبيس جاى يشيل كريمة الموظفين من على وش المحطة, فكرة نطت من دماغى اول ما نطيت على السلمة الاولى للاتوبيس يد ماسكة ماصورة الباب يد ماسكة فلوس التذكرة بعت فلوس التذكرة للكمسرى منتظرا دورى فى داورة حياه الاتوبيس, الى قدام ينزل الى ورا يطلع من على الباب اللى قرب ينزل يقوم, اللى واقف يعد.

بمرور المحطات استغربت انى لسة واقف على الباب اللى ورا الناس بتنزل قدام بس احنا مابنطلعش؟ الناس بتنزل واحنا واقفين, للدرجة اللى خلت واحد بيركب, نط مسك فى وسطى وحاطط رجلة على رجلى المدلدلة برا وقام مطلع 5جنية و بيقولى ابعت1 !! ابعت اية يا معلم دانت راكبنى انا. بس كان لازم اطلع عشان انزل من قدام,و طلعت

وعرفت.....

ماطبيعى الناس ماتتحركش فى الاتوبيس !! طلعت الاتوبيس او للدقة حافلة ريال مدريد او شارع عبعزيز. كامل الركاب باللى واقفين وششهم فى الارض عنيهم على الموبيلات سمعات فى ودانهم ومشغلين الجسم على الهزاز لا اللى واقف شايف الكرسى الفاضى, واللى اعد مستنى جوجل ماب تقوله انزل هنا, 60راكب ماسكين موبيلات و٣بس اللى ايدهم فاضية نشال والسواق والكمسرى مركز مع النشال.

بالنسبالى كاشخص غير حشرى رحلة الاتوبيس فيها حاجات كتير ممكن تركز فيها عن الناس, الحتة اللى بتنزل فيها مثلا عشان ماتروحش عليك, الحتة اللى تعدى جنبك بردو عشان ماتروحش عليك, معالم فى الطريق –اوبااااا- اقصد احداث فى الطريق, بس كان نفسى اعرف اية اللى جوة مخلى الناس كلها بقى تركزها فى نفس الحاجة, ممكن مايكونش الكل بيتابع حاجة واحدة على الموبيل بس بقى الكل تركيزة فى مستطيل واحد.

يمكن عشان كدة بقيت اكلم ناس كتير جدا الاقى رددهم واحد؟ بطلب مساعدة من حد فى الشغل الاقى 8افكار هما فكرة1؟ حتى النكتة بقيت اسمعها 5 مرات من اشخاص مختلفين!! التناسل وقف وبقينا بنكبير؟

اة حاجة تعجبك راجل 60 سنة مثلا عارف يبعت ميل وبيكلم ابنة فيديو كول على الفيس بوك, اللى قبل كان اقصى تفاعلة مع الحياة هو الجرنال فى البلاكونة بس ئه, يعنى, تمام.

انا شخصيا مش متاثر بحاجة اوى بس حسيت بحالة تغيب ولا وعى موجودة بدليل لو اللى بتشات معاه دة طلع الاتوبيس مش هات.حس بية أص.لاً؟ يا بيه لو واحد جنب الشباك سقط و اغمى علية, هايسبوه نايم؟ انا ومن ناس كتير –اكتشفتهم مؤخرا- اوى مابقناش مثلا فاهمين الموبيلات من بعد الـ 3310 اية التطور الاجتماعى اللى عملتة فى الحياه؟ اية اللى ادتهولنا ذيادة بقى التواصل المحسوس بنا أحسن؟ يمكن برة عندهم نفس المشكلة و عشت فى مجتمعات عندها نفس الحكاية بردو بس -سيد- معوض دة (هاهاها اسف)بس اللى معوض دة العائد المادى وراس المال والتطور التقنى اللى بيجى فى الموضوع.حاجة زاى التاتش اللى عرفناه احنا فى الموبيلات, ناس عرفوة فى المتاحف لعرض المخطوطات النادرة.

بوص, خلينا نكلم بصراحة العالم مش بيمشى بضهره, ولا البشرية هاتسيب حاجة وصلتلها بس خلينا نفكر لو كل واحد حاول يفهم اللى فى ايدة, ياسيدى فتحة وصلحة, عمل برنامج علية واستخدمة حتى لو بيحاول يفهم بيشتغل ازاى يمكن بأى فكرة لو طلعنا بره المستطيل دة هانكتشف اد اية هو صغير اوى على اللى ممكن نعيش فية.

(داس كنترول/ تى وقفل الاب) 



   نشر في 04 غشت 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا