The green mile - مقال كلاود
 إدعم  المنصة   
makalcloud
تسجيل الدخول

The green mile

  نشر في 08 ديسمبر 2018  وآخر تعديل بتاريخ 11 ديسمبر 2018 .

the_green_mile

فيلم جميل جدا لكن في بعض المشاهد اللي مش ممكن أنساها. توم هانكس و مايكل كلارك دار بينهم حوار إنساني اوي، وكان توم بيقول له يوم لما اقف ادام ربنا ويحاسبني ويسألني ليه قتلت واحد من عبادي الصالحين ( اللي هو كلارك) هقول له إيه وقتها؟🤔🤔، إن ده كان شغلي؟😏

رد عليه كلارك المسجون وقال له: "ستقول انها كانت عطفا منك أنك فعلتها!"😔

أكتر إحساس بيقتل😞 صاحبه هو إنه يكون مظلوم ويحس إن ربنا مش عدل ( حاشي لله) ويكتئب😓 ويقرر ينهي حياته بإيده أو علي إيد حد تاني.

⬅️ أي إنسان فينا ضعيف 😑 لما يفقد الثقة في ربه...

⬅️ لما يفقد الثقة في إنه العدل..

في امرأة 🧕كانت اتوجهت لسيدنا داوود علية السلام وهي زعلانه😔 اوي ومتضايقة، وسألته: " يا نبي الله أربك عادل أم ظالم؟"

ورد عليها سيدنا داوود: " ويحك يا امراة، هو العدل الذي لا يجور. "

🤔 ليه المرأة دي كانت غضبانة😡 وفاقدة الثقة في رب العالمين وعدله؟

⬅️ لأنها كانت أرملة وبترعي ٣ بنات 👩👩👩 وشغلتها الغزل، وهي في طريقها للسوق في طير 🦅سرق غزلها اللي كانت تعبت فيه وعاوزه تبيعه عشان تأكل بناتها، وطبعا هي لا تملك غير الغزل وده اللي أصابها بالحزن 😤وزرع في قلبها الشك في عدل ربنا.

وهي مع سيدنا داوود وصلت مجموعة من الرجال🧔🧔🧔ومعهم مبلغ 💰💰وحابين يتصدقوا به، ولما سألهم داوود علية السلام ليه🤔، قالوا إنهم كانوا في البحر ⚓ والرياح🌬 أفسدت شراع المركب⛵ وإذ فجأة يظهر لهم طير🦅 ويرمي عليهم ربطة الغزل فيسدوا بها العيب ويكملوا رحلتهم في أمان...

وطبعا حبوا يتبرعوا بالمال💰 حمدا 🤲 لرب كريم هون عليهم ما فعلته الرياح🌬 بمركبهم ⛵وكتب لهم النجاة.

سيدنا داوود نظر للمراة🧕 وقال لها: " رب يتاجر لكي في البر🏜 والبحر🏝 وتجعلينه ظالما؟ "

✔ ربنا هو العدل الذي لا يجور مهما كانت ابتلاءات الدنيا حواليك...

✔ إوعي تفقد إيمانك بالله...

✔اعرف انه بيدبر لك الأمر بحكمته وبيراعيك برحمته...

كلارك في فيلم the green mile قرر ينهي حياته،

⬅️ لأنه مش كان متحمل انه مظلوم...

⬅️ انه وحيد ذي عصفور🐦 في المطر🌨...

⬅️ انه مالوش رفيق ولا حد يوجهه ويدله ع الطريق...

⬅️ لأنه تعب من كل الاوجاع والآلام اللي بيعيشها واللي بيسمعها كل يوم...

تعب بجد واستسلم وصدق إن ربه ظالمه...

لدرجة انه قال: " كل متاعبه دي بقت ذي قطع الزجاج في دماغه " ياااه ع الألم 🙁😞

نفس الأحاسيس اللي وصلتني من كلارك وصلتني برضو من الست 🧕اللي اشتكت لسيدنا داوود ، وكنت حاسة اني سامعة قلبها💔 بيبكي😭، مجرد سؤال🤔 اذا كان ربنا عادل ولا ظالم ده معناه إنها وصلت لذروة الحزن وفقدت الكثير أوي من إيمانها بعد ما فاض بها الكيل😤...

في #وجهة_نظري احنا كبشر بنتعب من المسؤوليات من الضغوطات والمشاكل... بنتعب من الوحدة ☹ومن قلة الصحاب... وبنتعب من الغربة✈ ومن وجعها... وبنتعب واحنا في عز فرحتنا عشان بنفرحها لوحدنا😞... وبنتعب عشان مافيش حد يسمعك في عز ما انت محتاج تتكلم...

✔ بس ربنا سامعك

✔ بس هو حاسس بك

✔ بس هو العدل

حملت الرسالة كمل... اشتكي واتعب واحكي وإسأل واستشير بس اوعي تنسي إن لك رب كريم يدبر الأمر واحفظ عن ظهر قلب:

" وعزتي وجلالي لأدبرن الأمر لمن لا حيلة له، حتي يتعجب أصحاب الحيل "

احفظها كويس عشان مش تستني حد يفكرك بها!

#amira_ibrahim_neues_leben

https://m.facebook.com/story.php?story_fbid=733990910123763&id=238325949690264


  • 2

  • أميرة أحمد
    طالبة دكتوراة في تخصص اللغة الفرنسية وآدابها
   نشر في 08 ديسمبر 2018  وآخر تعديل بتاريخ 11 ديسمبر 2018 .

التعليقات

مريم منذ 4 شهر
جميييل جدا المقال ده يا أميرة.نغمة كتابتك هادية ورقيقة ...متماشية مع نبرة الحزن ..
فعلا أوقات كتيرة مش بنقدر نفهم حكمة ربنا..وأوقات لما نفهم بنعجز عن شكره وحمده.
تسلمى يا أميرة...مقال رااائع.
0
أميرة أحمد
اشكرك وسعيدة بتعليقك جدا وان المقالة عجبتك
تحياتي
اللهم احفظ اميرة ودبر لها كل خير يا كريم لا إله إلا انت تباركت وتعاليت .جزيت كل خير يا اميرة .
https://www.youtube.com/watch?v=Xj_z7v7Krj0
1
أميرة أحمد
اللهم امين يارب العالمين وإياكم يارب
تحياتي

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا